1. عيد سمران مــدونتـي .. تـبَسـّمّ لَعـّنُبـِوَ جَــرَح ٍ[ اضُمـَـٌﮧ ] داخلـي لِرَضـّاڪ

فيه في صدري
(سواليف اشتياق وهمس شوق وعبرتن مدفونه)

عبرتن بين المحاجر ماطلع ماطرها

كل ماقرب يسيل الما من اطرف عيني
الخجل يثني عيوني والحيا يأسرها

لان فيه بخاطري شيٍ ذبحني كبته
والوله يقتل الى جا للمشاعر فجأةٍ زايرها

لكن نحاول نعدي بعض شيٍ لامن
مر بالموقف خفايا قلوبنا يسعرها

وول ياقلوب بها وجد ووله متجمع
كل ماطابت حيي جمرٍ قبل غامرها

ثم لامنه ذرته من الشمال يضوي
لين يسعر خافي اعماقي معه واسعرها

واتظاهر كن مابي بالخفايا عله
علةٍ خافي فؤادي مبطيٍ قابرها

علةٍ بي سببت من زود شوقي عاهه
عاهةٍ ياقل منهو حس في جامرها



لان مايعرف ولايثمن خفايا ابن ادم
من وله واشواق وعلومٍ به يسايرها

غير من جرب وشاف وذاق مر اللوعه
لوعةٍ مر الفراق كبيدته غامرها

دع القلب وش لك في قلوب البشر وارتاح
..............حرامي قلوب تشيلها من بشر حيه

لو الامن يدري في بريءٍ غدا ذباح
..............حكم له مؤبد مثل باق الحراميه

تعب المسافر ينتظر منك الاخبار
..........ماهمته نفسه مثل مانت همه

وطالت مشاويره وطالن الاسفار
..........وعينه بها سهر الليالي تتمه

تعال ابانشّدك عن تال الامرار
..........وش قصتك في غيبتك والمهمه

مانت بمثل عام اولا.. قول: وش صار؟!
..........عيني ماعاد الدمع تقدر تلمه

قل الحقيقه : خبرن ويش الاخبار؟!
..........لاعاد تكمى يكفي القلب همه

اتعب معك بالفكر واسج واحتار
..........امسيت مثل من ادركه فيه سمه

بح لاتخبي ربك اعلم بالاقدار
..........يمكن بدعوه لك تزول المطمه

اعزف على اوتار قلبي شيلة الفرقا




اعزف على اوتار قلبي شيلة الفرقا

............وهات اللحون الغريبه لجل اغنيها


الناس تسأل ورى عينيك ذي غرقا

............ارحم عيونك قبل مالدمع يعميها


قلت الصبر باح ســده والكدر يرقا

............في غيبةٍ عن عيوني حل طاريها


والصدر من بعدها فيه الكدر عرقا

............وزلت على العين بالشوفه حراويها


ياليتها وادعتن الجادل الطرقا

............قبل انها تروح واسلت قلب مغليها


مير انها اقفت وهمي بي درق درقا

............وطالت بغيباتها عن روح مغليها


مايوم وريتها الضيقه ولا الدرقا

............صادق مشاعر وقلبي مغرمٍ فيها


ولاضاقت احاول اسعدها لجل ترقا

............لاعلى مراتب سعاده في نواحيها


واليوم يوم اني بحاجه لها الفرقا

............اختارت وروحت ربي يهنيها


ولالي جدا الا بشعري رثية الطرقا

............وقناعتي بالعزاء لاحل طاريها


وعسى الى شافة القمري على الورقا

............ترجع تناظر لحوني في تقفيها


يمكن تحن ويجيها العطف منسرقا

............لو ان قلبي مئيس من تلاقيها

بامان الله





بامان الله لاتزعل عليّه واذكرن في خير
........... ترى حبيت في صمت التقفي عنك سكّاتي

ماحب اوادعك خايف وداعي به كلامٍ غير
...........ولاحب اشغلك وانته غني عن كثر وناتي

تحملت الونين سنين فاتت في محلك سير
...........وكلامٍ به تواسيني ماغير يزيد طعناتي

وذا الحين انتهت كل المواجع مالها تفسير
...........بامان الله خلن في برودي واترك اسكاتي

شهر سيفه زماني واستباح العذر والتعبير
...........ولاعقب استباح اللي يبي تطلع حكاياتي

خلاص الزم كلامي واعذرن وارج العذر لاغير
...........ماعندي غير ماقلته كلامٍ داخل الهاتي

وتراك بحل جعل الله يحلك واترك التفسير
...........طلبتك كان مريت البيوت اجتاز بسكاتي

مابي تعليق حول اللي لو اعلق عليه يصير
...........معك صمتي نفاق وضحكتي تخفي معاناتي

فــ بمان الله وارجوك المعذره كان به تقصير
...........وابحاول معاي المس لك اعذار لمعاناتي

ومثل ماجيت لك زاير غريب وواجه التقدير
...........دع الزايـر يـروح بـغـربتـه لاتـطـلـبـه يــاتي

مثل ماجا بصمته واستجاب لدعوتك لاغير
...........له أأذن بالرحيل الله يسهل لي برحلاتي

رســــــــاله بقلمي نقلاً عنهم

لسنا من ذوي الاحتياجات الخاصه ولله الحمد ، ولكننا نحتاج الى الكثير من الحاجات التي
تسد من احتياجاتنا في مجتمع لايتعامل الا بالماده فقط ، وهكذا هي الحياه في نظر الكثير من
هذا المجتمع الا من قل ممن يعتبرون الحياه اخوه وتلاحم وترابط وتكاتف في كل شيء.وهكذا
هي الحياه صعبه مهما سهلت نظرتنا لها.
وهكذا هي آمالنا التي نبنيها ونسعى لاكتمال بناءها سنوات وسنوات ونسعى لتحقيق امالنا
وتطلعاتنا وطموحاتنا ، ولكن وفي ظرف لحظات تصبح كل تلك الاماني والاحلام والامال
مجرد سراب كنا نسير خلفه في صحرا قاحله لايوجد بها أي قافلة تزود لمسافه طويله في
اجواء يغلب عليها طابع الجو الحار طوال معظم ايام السنه بين تلك الرمال والكثبان التي
لايُتحمل السير بها مسافةٍ قصيره .ومع ان احتياجاتنا ليست ماديه ولا ملموسه بل هي
احتياجات محسوسه تتقدم قبل احتياج أي كائن اخر من الكائنات الحيه الا اننا لم نرى هناك
من يلتفت لتلك الاحتياجات الا من قل جداً وندر بين ابناء هذا المجتمع الذي نلتمس فيه
الخير وتسوده الالفه والمحبه بكل حالاته.ورسالتي هنا ليست لي بمفردي ولكن رساله تمثل
وتصور احتياج من لم يستطيعوا ايصال صرخاتهم الى اصحاب تلك الايادي البيضا والقلوب
الحانيه في هذا الوطن الزاخر بأهل الخير ممن يتلمسون احتياجات هؤلاء المعنويه قبل الماديه
والمحسوسه قبل الملموسه .وليست الاحتياجات هنا محصوره بمسمى معين لدى من احتاجوا
شيء ولكن تختلف من شخص لاخر وكل انسان يحتاج الى شيء اخر حسب الاحتياج
المفقود لديه ، ففاقد الوالد ليس كفاقد الام ، وفاقد الوالدين ليس كفاقد واحد منهما ،
الفاقد للابناء ليس كمن لم يرزق بأبناء ، وتكثر وتختلف الامثال هنا ولكن ضربت المثل على
سبيل الاصناف وليس على سبيل الحصر .
فانظروا ماهي احتياجات ابناء وبنات هذا المجتمع بصنفيه التي تحتاج الى وقفه لسد ذلك
الاحتياج ، وماهي طرق سد ذلك العوز الذي ربما لايستطيع الكثير منهم التعبير عن
احتياجهم إليه ولكن تصور تعابير اعينهم عن الكثير من ذلك الاحتياج.

من العام وانا اكتب بيوت الشعر وامحاه

.................عجزت اكتب ابيوتٍ توفي مقاماتك


لو انك علي ساحب خفوقي بنى رجواه

.................على آمال لقياك البعيده وشوفاتك


وعلى وعود عوداتك بنى هاجسي مبناه

.................قصورٍ مشيدها وانا احلم مناجاتك


غريبٍ سكنت بمهجتي والعرب تقراه

.................وكلٍ يقول امن الغريب اللي بذاتك


ولارخصك والله ياعزيزٍ هنا سكناه

................. تربعت في خفاق قلبي بغيباتك


عسى غيبتك ماهي خلافٍ حدتك ادهاه

.................ولاحدتك سود الليالي بروحاتك


وانا لو غيابك بي سطا والخفا يكواه

................. مابرخصك والله لو تطول مغيابتك


وكانك نسيت اللي زمن حدته دنياه

................. ترى مـانســاك ولاتبـدل محــلاتــك


خذ العلم مني يابعد من عدم حلياه

.................عسى ماعدم شوفتك ، واسعد بضحكاتك


لو بخاطري هرجٍ كثير وحكي ماقواه

.................ولكن خــذ الاشــواق واتـرك عـتـاباتك

آآآهيــم به والله على مابي شهيـــد
واعــزتــيلي كل مـــازاد الهـيـــــام

دعوه واصابتني بحبٍ له فريـــد
وقلبٍ كواه الشوق واضناه الغرام

لبعض الجروح يصير لاستشرب صديد
وبعض الجروح تسـم سـم بلا عـلام

احبتي متابعي مدونتي

منورين وربي بكل وقت
وللاحاطه
جميع مابمدونتي بقلمي من اشعاري

يثلمووو عيد ثمران
النووور نورك