ذااااك الطيف

هذي احدى قصائدي واتمنى ان تنال اعجاب الجميع




**************** ذاك الطيف *******************

دق ذاك الطيف بابي واستجاب وفك بابه
************* والمشاعر في حضوره رددن ذيك التحايا
واحتواني طيف خلٍ حط في قلبي عذابه
************* واشتعل جمر الموده في محاديب الحنايا
كل طاري للمحبه جاب من يمه سحابه
************ وكل ماذعذع نسيم يجيب من عطره شذايا
كل ماخايلت خده والبروق اللي بنابه
************* قلت ياسبت جروحي كيف تبخل بالعطايا
كيف تتركني سؤالاً حاير وانت الاجابه
************* كيف تقسى ياشبيه الــورد وخدودك ندايا
لو دروب الموت يمه ماحسب قلبي حسابه
************* من بلاه الله بحبه مــــــــــايحسب للمنايا
ضامراً ضاوي الجبين وزاهياً بأول شبابه
************* لاتحليه الوصوف ولاتحـــــــــلى بالصبايا
اشهد انه لاتغيب مـــــــايريحني غيابه
************* واشهد اني في حضوره مابقت فيني بقايا
لابقت فيني عروق ولابقت فيني صلابه
************* ولا بقالي في غيابه غير هــاجوسه سلايا
ياحبيباً في النهايه مالقيت الا سرابه
************* كل يوم اعيش حبك وانت منته في الدنايا
وســـــــــــــلامتكم,,,icon26

الموضوع الأصلي: ذااااك الطيف || الكاتب: عـــ القوافي ــذب || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

`hhhh; hg'dt

منتدى دمعـــة ولـــه - الشعر وعذب الكلام- Poetry Section

---

`hhhh; hg'dt