(بسوي مثل ما شوفك تسوي وافعل افعالك عشان تعرف من فينا الزعول ومن وسيع البال)

بسم الله الرحمن الرحيم

السلام عليكم ورحمة الله وبركاته

؛قـــــصــــيــــدة التمـــــثـــــــــا ل ؛
؛لـــــــــحـــــامـــد زيـــــــــد

عفا الله عن خطا غدر الخناجر والضلوع ابطال

بسامح واتركك تحت الظلام الحالك لحالك

دخيلك وفر دموعك ترى هدر الدموع اذلال

وترى ما فيه احد يصبر مثل صبري بغربالك

انا عيب علي أنقض كلامي والرجال افعال

واذا قلت اقطع احبالك تراني بقطع حبالك

عشان اكسب هدب عينك تجرعت العذاب اشكال

وليتك ترأف بحالي علشان ارأف بحالك
مسوي في حياتي شي ما يذكر ولا ينقال

حشا حتى العدو وهو العدو ما يعمل اعمالك
تمسيني على الهم وتصبحني على الغربال



تقلطني فناجيلك وتقصر عني دلالك

تحملت التعب لجلك وانا حملي يهد جبال

رحلت من العذاب وما وقفت الا على جالك

علامك كل ما جيك متواضع جيتني تختال؟

معاك اليا متي بصبر وصبري معك يحلالك؟

مثل ما اقبلت لعيونك لزوم تلد لي باقبال

ومثل ما قد حشمتك حس واحشم قلبي اشوال

أنا محدن بجابرني أساير معك هالمنوال

ترى لاني تبيع لك ولا ني باصغر عيالك

أنا جيت اعشقك نبض ومشاعر اعشقك (تمثال)

وأنا جيت اسكنك واحياك وابقى فيك وابقى لك

أنا جيت بظما عاشق تعب يطرد سراب اللال

أنا جيت استفز رضاك من فرقاك والجا لك

أنا ما همت بك عاقل أنا كنت اعشقك بخبال

أنا ما كنت احبك حي أنا كنت اعشقك هالك

تخيل من كثر ما اخاف تلقى للزعل مدخال

أخاف اخطي على طيفك وادوس برجلي اظلالك

تبعتك والعرب تتبع رعود البارق الهمال

وانا شفت المطر يتبعك في حلك وترحالك

كأن اللي خلق حسنك خلقني مع جسدك ظلال

وصرت اقرب جسد يمشي معك باقفاك واقبالك

أبي قلبك يحس انه فقد بمحبته رجال

ملكته من هدب عين وخسرت رضاه باهمالك

صحيح ان الفراق اقسى ولكن الوصال محال

وأنا صعبن علي أرضي غرورك واضعف قبالك

بعد ما حققت عيني فبعدك للرقاد امال

أعود للسهر؟ يا خوي فال الله ولا فالك!

ببدل نظرتك فيني واجي لك كل يوم بحال

بكون اقرب من ثيابك عليك ولا تهيا لك

بالمك وانثرك واجمعك وارجع وانثرك باهمال

بخونك وازعلك وارضيك وازعل منك وارضى لك

أبرسم بالثرى وجهك وابدفن صورتك برمال


أبشكي للعرب فرقاك واضحك عند عذالك

أبهديك الوصال فراق واهديك الفراق وصال


بسوي مثل ما شوفك تسوي وافعل افعالك

عشان تعرف من فينا الزعول ومن وسيع البال


أبيك تذوق فنجالي وانا بذوق فنجالك

نصيحة واحتفظ فيها قصر معك الزمن أو طال

أبي تسمع كلامي زين وتحطه على بالك

اذا حبك هبال اطفال الك عندي هبال اطفال

ولا - وابشر بعد بهبال حب ما هو بهبالك

واذا قصدك تهين اسمي عشان تشمت العذال

حشى لا انته ولا غيرك ولا عشرة من اشكالك

الموضوع الأصلي: (بسوي مثل ما شوفك تسوي وافعل افعالك عشان تعرف من فينا الزعول ومن وسيع البال) || الكاتب: حلا وثقل || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

(fs,d leg lh a,t; js,d ,htug htuhg; uahk juvt lk tdkh hg.u,g ,lk ,sdu hgfhg) gh leg lk hgfhg hg.u,g htuhg; js,d juvt a,t; uahk tdkh ,g, ,htug ,sdu

منتدى دمعـــة ولـــه - الشعر وعذب الكلام- Poetry Section

---

(fs,d leg lh a,t; js,d ,htug htuhg; uahk juvt lk tdkh hg.u,g ,lk ,sdu hgfhg) gh hgfhg ,g,