مسلسل ( تعبت أشكــــــي)..

* النزف الحنون *



توواجـدكــــــــٍ ... االــــ ع ــــطر ... دااخل حرووفي ..

لاتحرميني ... االطله ... االـ ح ــــلــــوووهـ ...

لا خلا ولا عدم

أحساس

* عبادي *

توواجـدكــــــــ ... االــــ ع ــــطر ... دااخل حرووفي ..

أسعدني ...

لاتحرميني ...تواجدكـ الدائم ...

لا خلا ولا عدم

أحساس

الحلقه الخامس عشر



بأعلى صوت\حنيـــــــــــــــــــــــــــــــــــــــــن





راحت..أمها لها وأسندتها على حضنها وضربت خدها عشان تصحصح

أم حنين\يمــــه حنين حبيبتي قومي

حنيــــــــن..قومـــي..حنين الله يخليك قومي..خلاص مافي لافيصل

ولا متعب بس أصحي حبيبتي..أنا أمك اللي تحبك قومي يايمه قومي

العنود بسرعـــه جيبي عطر .................

وقامت العنود.. بخطوات سريعه ونست أن رجلها مجبسه وتألمها بس كل شي يهون

لأجل جنين..وبعد ماجابت العطر رشت رشه في يدها وقربتها لــحنين

..وبعد لحظات صحت حنين...

أم حنين وهي تصيح من الفرحه\الحمـــــد لله الحمــــــد لله

العنود\ حرام عليك حنين خرعتينا عليـك..

حنين ودموعها لسه في عيونها وهي تمسك راسها\شسالفه !!شفيكم!!

أم حنين\مافينا شي حبيبتي..بس أنتي طحتي علينا وأغم عليك

وفي هاللحظه تذكرت حنين ليه أغمى عليها !!وزادت الدموع اللي في عيونها

العنود بحسره على أختها\حنين ليــه هالدمـــوع!!


حنين\يمــــه



أم حنين\عيون أمها قلبها..




حنين\..................أنا سمعت كل شي..........

أم حنين\ماعليك منهم يايمه اللي تبينه سويه..ومالهم دخل فيك

العنود\وطز فيهم كلهم أهم شي راحتك....

حنين\بـــس

ام حنين\أش أش ولا كلمــه قومي الحين من حضني والا عجبك الوضع وجلسي

على الكنبه وأنا الحين بروح أحطلك الأكل

حنين \مالي خلق ومش مشتهيه أي شي..

العنود\على كيفك هو ...لا ياماما غصبن عنك بتاكلين.وأبتسمت العنود .وأنا معك

اذا تبين...تراني ضيف مرغوب فيه

حنين بابتسامه باهته\خلاص مدام العنود بتاكل معي أنا موافقه

أم حنين\طيب يالله قومي ياقلب أمك أنت وجلسي في الصاله وانا بروح أحضر

الأكل

وقامت حنين من حضن أمها وأول كنبه في الصاله شافتها جلست عليها

العنود\حنونه تكفين بلاش هالتكشيره والألم اللي في ملامحك أبتسمي شوي
حنين بابتسامه\أنشاء الله ......أحاول

العنود\حنين ممكن سؤال!!

حنين\سألي!!

العنود\..لهدرجه!!طحتي علينا عشان ماتبين تتزوجين


حنين\لا يالعنود مش هذا المقصد أنا عشت هاليومين أقصى أنوع العذاب..

كنت أفكر..أفكر كثيير لدرجة أنا الدم تجمع في راسي من كثر التفكير وصار ظغط

قوي جدا..وطبعا زي أنتو ماتشوفون كنت صايمه طول اليوم ماأشرب غير

ماي..

العنود\أها وأنا أقول أشفي البنت ضاعفه...

حنين\وهذا اللي هامك .

العنود\لا طبعا بس والله أمي جلست تحاتيك وتفكر فيك حتى أنها تلخبطت وماقالت

لأم متعب أن فيصل خاطبك من قبل


حنين وبعد تنهيده\آآآه بـــس

العنود\سلامتك من الآه

حنين\الله يسلمك

العنود\طيب أسمعي ليه ماتخذين متعب تراه شاب مزيزن وطيب وشخصيه..على الأقل

أحسن من هالــ فيصل اللي مانعرف عنه شي !!!

أم حنين\لا والله

العنود\ماشاء الله عليك ياأمي سمعتينا!!

أم حنين\أكيد سمعتكم المطبخ قريب من الصاله..وبعدين لاتنسون أن أن فيصل خطب

قبل متعب يعني هو اللي له الحق برفضه أو قبوله

حنين\طيب انتي ياأمي الله يهديك قلتي لأم متعب شي ثاني..

أم حنين\شسوي والله أن من الصدمه ماعرفت أتكلم ...تلخبطت..ونفس الوقت

أتفاجئت

حنين\طيب والحل!!؟

أم حنين\خلي سالفة خالتي علي بكلمها وبشرح لها الوضع وبقول لها اذا مافي نصيب

لــ فيصل خلي متعب يتقدم مره ثانيه...

حنين\الله يستر

أم حنين \طيب أنتي وش قررتي !!أستخرتي

حنين\أيــه أستخرت لكن ماحسيت بأي شي ولا أبي أحس ...

أم حنين\ليه يايمه خليك متفائله...

حنين\خليها على الله!!

العنود\المهم أمي متى بتكلمين أم متعب

أم حنين\مدري!!

العنود\يمه يستحسن تكلمينها الحين ..لأنك تعرفين خالتك بتزعل منك بعدين

وبتعصب...

حنين\هي زعلانه زعلانه كلميها الحين وأفتكي..

أم حنين\أي والله صادقين بكلمها الحين وأمري لله..





مرام\والله لوريه بس خليني أشوفه اليوم

رهف\وش بتسوين يالخبله

مرام\بعلمه من تكون مرام ...مدام فضل الغريبه علي أنا

رهف\أولا اللي يشوفك يقول معطيك عهود أنه هو لك..وثانيا هالغريبه بنت عمه

مثل مانتي بنت عمه

مرام\لا تقوليين بنت عمه مالت عليها الخايسه

رهف\مرام لا تتهورين أعقلي أنتي كبيره ماأنت بزر

مرام\ماغيرك البزر وأصلا أنا كيف أكلم ناس بزارين وأنزل مستواي لهم ..طلعي بره

من غير مطرود

رهف\مشكـــوره وطلعت من الغرفه وسكرت الباب بقوه

مرام\عمى بشكلك كسرتي الباب

أم زياد\رهف وين أختك الحين بيوصلون عمامك

رهف (أمحق أخت)\هذه بتنزل الحين ...زياد بيجي اليوم

أم زياد\أيه بيجي بعد شوي




وبعد ماسكرت من أم متعب



يتبع,,,,

تابع الحلقه الخامس عشر

أم حنين\والله أني متفشله من خالتي بس شسوي..

حنين\أنا آسفه ياأمي لأني حطيتك في موقف محرج معها

أم حنين\لا ياحبيتي أنت مالك ذنب أنا السبب لأني ماقلت لها من البدايه

العنود\شكلها كانت مره معصبه

أم حنين\بشكـل مو طبيعي مدري حسيت أنها مغصوبه

حنين \مغصوبه في أيش!!!؟

أم حنين\لا ولا شي أنسوا ..

حنين\يمــه شفيك ..وقولي اللي عندك!!

أم حنين\والله مدري شقول يابنتي لكن لأحس أنها مانه علينا أن متعب يبيك..

العنود\يحمدون ربهم اذا حنين وافقت على متعب...



في بيت بو زياد أجتمعوا العوايل كلهم

العمه حصه\صج اللي سمعته ياأم فيصل

أم فيصل\وايش اللي سمعتيه..

العمه\أن فيصل خطب حنين!!

أم فيصل\أيــه خطبها لكن لحد الأن هم ماردوا علينا

العمه\ياسلام فيصل يخطب وأنا أخر من يعلم

أم فيصل\لا ياحصه أحنا ماقلنا لأي أحد لأن لحد الأن ماصار شي

العمه\يكفي أنكم أتخذتوا أول خطوه وخطبتوها

أم فيصل\مافيها شي الولد كبر ويبي ياتزوج

العمه \ومالقيتوا غير هالهبله حنين

وهنا ساره ماقدرت تسكتت أكثر من كذه

ساره\وشفيها حنين ياعمتي ماشاء الله عليها جمال وأخلاق وكلن يتمنها..

العمه\بس كلن يعرف أن مرام محيره لــ فيصل وسوزان لــزياد

ساره\هذا كلامكم أنتوا يالكبار..ومش ذنبنا اذا أنتوا قلتوه وصدقتوه

العمه وبدت تعصب\لا تعالي بعد علميني الأدب يابنت عبد الله!!

وحست أنها طولت لسانها على عمتها...

ساره\آسفه عمتي ماكنت أقصد..

العمه\خلاص أسكتي ماأبي أسمع حسك...


في وحده من الجالسين كانت تحترق من القهر والغيظ...وتحس أنها بركان بينفجر بأي

لحظات..لأن خلاص فيصل ضاع منها بسهوله ..وماتقدر تسوي شي

...لكنهامستحيل تخلي السالفه تعدي على خير....



ونفس الشي تحس بهالشعور سوزان لأن كلن يقول سوزان لزياد وزياد لسوزان وهي

أيضا ماتقدر تسوي أي شي..خصوصا في هذه المسائل ..لكن أكيد بيجي يوم

وبتوقف ضد الكل..حتى لو كان أمها وأبوها ..أهم شي عندها يوسف يوسف وبس!!!
أما زياد فطالع من الحسبه لأننها ماتفكر يوم من الأيام بيكون زوجها!!مش علشان

تعتبره أخوها!!لا لأنها تتمنى يكون مواصفات فارس أحلامها مثل حبيببها يوسف

جنتل وجريء وقوي...مش واحد مؤدب وسموح مثل زياد..

....أفكاره خياليه هابنت ودائما تطالع لــ فوق....



العمه\المهم ماعلينا حبيت أخبركم أني بعد كم أسبوع بسافر لبنان وأبي العيال يجون

معي

كل اللي في الصاله من بنات قام يصفر لأنهم متعودين يسافرون مع عمتهم ولا على

حسابها بعد..لأنها زي ماتعرفون ماعندها عيال ولا زوج يسافر معها...

ترف\واو أموووت فيك ياعمتي أنتي كذه

سوزان وحاولت تنسى الهم و تمتع نفسها لأن معركتها لسه

مابدت\ونـــــاسه....


ساره\أقول آنسه سوزان وترف ترى وراكم مدرسه!!

سوزان\بالطقاق..ننحرم من السفره عشان المدرسه تخسي


ساره\الحمد لله والشكر

مرام\أي والله صادقين ننحرم من السفره عشان مدرسه!!

العمه\لا تفرحون كثير هي ثلاث أيام بس يعني بنسافر في الويك اند وبنرجع

رهف\ماعليش أهم شي نسافر


ولفت العمه على حريم أخوانها\وش رايكم!!

أم زياد\الرأي والقرار بأيد الرجال..وعادي هذه مش أول مره..


العمه\وأنت ياأم فيصل!!

أم فيصل\زي ماقالت أم زياد الرأي للرجال

العمه\طيب شكلهم العيال أتأخروا صح!!

أم زياد\أي والله زياد لحد الان ماجاء..مرام قومي دقي على أخوك

مرام\أنشاء الله

العمه\والباقي مش جايين!!

أم فيصل\لا أكيد على وصول


ودق جرس البيت

أم فيصل\ها هذا هم جوا

أم زياد\ماري أفتحي البيت

دخلوا الأولاد وأصوتهم عاليه من الضحك ..

فيصل\والله أنكم بزارين ويببلكم تربيه من جديد...

نواف\شسوي والله نرفزني

خالد\ههههههههههاي بس عرفت كيف ترد عليه

نواف\الحبايب مجتمعين...

فيصل\مساء الخير...جميعا

خالد\وش مساء الخير ...صباح الليل جميعا

العمه\وينكم تأخرتوا...

خالد\ياعمه سألينا شخبارنا شعلومنا بعدين فتحي االتحقيق !!

العمه\شلي بعلومكم علومكم ماهي بزينه وصرتوا تخبون علي أسراركم...

فيصل وفهم أنه المقصود\أفا علومنا كلها معروفه مافي شي نخبيه عنك!!

العمه\أيــه واضح!!

وفي هاللحظه دخل زياد البيت بعد رجعته من الكويت


زياد\السلام عليكم

الجميع \وعليكم السلام

سلم زياد على أمه وعمته وعلى الشباب

أم زياد\الحمد لله على السلامه ياولدي

زياد\الله يسلمك يايمه...ها شباب شلونكم!!

فيصل\تمام وشلون رحلتك

زياد\زينه..

العمه\وش لك ياولدي بها التعب وهالسفرات اليوميه أركد ..

زياد\شركد ياعمتي هذا شغلي...الله يهديك

أم فيصل\الله يسهل عليك ياولدي

زياد\الله يخليك يارب

سوزان قامت تطالع زياد من فوق لتحت ...ماتنكر أنه مزيزن ..وحلو وكشيخ حتى طالع

حلو ببدلة العمل..لكن القلب ومايحب...وقطعت أفكارها ترف

ترف\أقول يالحبيبه شكلك ذايبه

سوزان\لا ذايبه ولاهم يحزنزن يتهيألك ياماما...

ترف بصوت عالي\أيـــه طيب...

وكان خالد قريب من ترف وسمعها
خالد\الحمد لله والشكر..أنت يالخبله مين تكلمين!!!؟

ترف\ياربي وأنت شدخلك

خالد\فضول يابنت العم

ترف\يامصخك

خالد\تكفيـــــــــن

نواف\أقول خالد أترك أختي بحالها

ترف\عفيه على أخوي حبيبي والله

طالعها خالد بنظره أستهزاء وسكت عنها.....


العمه\أيه شباب ذكرتوني ترى قلت لأمهاتكم أن بتسافرون معي بعد كم أسبوع الى

لبنان

وطبعا الأولاد ماصدقواخبر وخصوصا نواف وخالد لأنهم يموتون في الحواطه

والسفرات...

نواف\أشكر فنك ياعمتي..امووووت فيك أنا

العمه\لا مادريت

خالد\ياويلي من اليوم بجهز شنطة السفر

ترف\وحتى أحنا من اليوم بنجهزها

خالد\وععععععععع بتروحون معنا أجل خربة الرحله

ترف\يحصلك أنت أصلا........

فيصل\أنا أعتذر ماأقدر أجي

العمه\ليــه يافيصل!!

فيصل\ما أقدر أترك الشركه والمحلات

العمه\متأكد هذا السبب!!؟

فيصل\أيــه متأكد ..أنشاء الله مره ثانيه أروح معكم

وحس فيصل أن عمته تدري بالسالفه لأن طول الوقت وهي تغط عليه نقزات..بس

ماعطى الأمر أهميه ...

أما مرام عرفت ليه هو مايبي يجي معهم وطول ماهي قاعده تتحسب وتدعي على حنين...

العمه حصه\وأنت يازياد ماأنت جاي بعد!!


زياد\والله مدري لكن أحتمال تكون عندي رحله الى لبنان بس مدري أي يوم!!

بعدها حطوا الجماعه العشاء وتعشوا وبعدين كملوا سوالفهم وعلى الساعه وحده كلن

راح بيته...
ومرام للأسف ماحصلت فرصه تكلم فيها فيصل لكنها تقول الجايات أكثر من اللي

رايحات....
يتبع,,

تابع الحلقه الخامس عشر

اليوم الثاني



لالالا مستحيل حنين تنخطب لواحد غيري..مستحيل وأنا اللي ذابح أمي ومصدع

راسها من المحاولات والكلام الطويل وبالموووت وافقت..وبعدها كل شي يروح


..يروح مثل الحلم اللي كنت عايشه بحلوه ومره ....لا ياربي شالحظ!!يوم حبيت

وخططت لمستقبلي وحياتي مع حنين يجي شخص قبلي وياخذها مني!!!؟الله يسامحك
يايمه لو وافقتي من البدايه كان الحين أنا خطيب حنين....يارب ساعدني أنا تعبت
والله تعبت...لين متى يظل كذه حاير ومبهدل وحالتي حاله...وين متعب الأولي اللي

البسمه ماتفارق شفاته..حتى الأهل ماعدت أجلس معهم مثل قبل..ولا أعرف

أخبارهم..

وينك يامتعب أنا ماعدت أشوفك....أشوف أنسان ثاني كاره الدنيا وباللي

فيها..أشوف انسان تايه ....ضايع....حزين...وينك يامتعب وينك!!


مدرسة البنات

لليل أحبك.. ما بقى في السما نور..
والى ضواني الليل.. للصبح أحبك..
واللحظة اللي كلها صد وغرور..
أشوف قبري بين عينك وقلبك..
في صدري اسراجٍ حزين ومكسور
رغم المطر والريح.. شلته افدربك..
والله مابك غير لوعاتي اقصــور
وخوفي عليك الله ربي وربك..
إلى متى ببني على صمتك جسور؟
لا حيرتني اسباب سلمك وحربك
العمر أحبك.. ما بقى فيني شعور
ومتى جفاني العمر.. وشلون أحبك؟؟"*



عاشقة العنود
نونه

العنود\وعععععععععععععععععععععععع

هند\هههههههههههههههههههههاي والله أنها فله هالنونه...

العنود\وبعدين وياها هذه لين متى بظل تراسلني بدون ماأعرف من هي!!

هند\والمشكله أنها تحط الرساله على الطاوله من صبح الله خير ..وعلى أن أحنا نجي بدري

لكن برضوا نشوف رساله.. شكلها تجي قبل الحارس هههههههههاي

العنود\أموووووت وأعرف مين هذه البنت...بس كيف مدري!!!

هند\أنا أقــولك كيف !!

العنود\أنقذيني !!

هند\ شوفي ترسلين لها رساله غراميه مكتوب فيها أبيات حلوه تكتبين لها في نهاية الرساله
أنك تبين تشوفينها...

العنود\لا والله وين أحطها وكيف بتاخذها!!

هند \نحطها في داخل درجك وهي أكيد بتجي يوم من الأيام وبتعطيك رساله ثانيه صح

!!وبكذه بتشوفها!!

العنود\أي والله صادقه ..خلص من الحين نبدأ نكتب رسالة العشق والغرام...

هند\هههههههههاي أمووت فيك أنا ...الا تعالي شخبار لافي!!!

العنود\آه ياهند لاتذكريني فيه خليني ساكته...

هند\ياويلي عليك يالعنود....شكلك رايحه فيها...

العنود\جــــــدا


وبعد محاولات وأقناع رضت أخته تكلم حنين وتبرد فؤاده اللي شاب نار..

ساره\هلا والله شلونك!!

حنين بصدمه وكآبه\هلا......هلا ساره شلونك ياقلبي!!

ساره\أنا تمام شلونك أنتي!!!

حنين\بخير الله يعافيك ويسلمك


ساره\ها فكرتي بالموضوع!!

حنين كانت تقول بخاطرها (لا ياساره أرجوك لاتتكلمين في هالموضوع ماأبي أحرجك

وانت ماتستاهلين الأحراج...أخاف أخسرك كأخت وبنت عم ..يارب ساعدني)

ساره\الـــــــــــــوا حنين وينك!!!

حنين\معك..........معك ياساره على الخط!!

ساره\ماجاوبتيني على سؤالي!!

حنين\أمممممممممم والله مدري شقولك ياساره لأن الوضع صعب خصوصا يوم صارت

الأحداث الجديده

ساره\أي أحداث

حنين\الصراحه ولد خالة أمي أسمه متعب وخطبني وأنا الحين طايحه في نارين ومدري أيش

أسوي

ساره\لكن أحنا خطبناك أول

حنين\أدري ياساره لكن شكلي........أممممم

طبعا حنين قالت لأنها تبي تمهد الطريق برفض فيصل وهذه أول خطوه أتخذتها حنين...وفي

نفس الوقت تبي تقيس نبض ساره

ساره\أنك بترفضين فيصل صح!!!

حنين\لالا مو لهدرجه بس والله محتاره خصوصا لأني لحد الان أستخرت أكثر من مره

وماحسيت بأي شي!!

ساره\طيب خلاص ماأبي أضغط عليك أكثر من كذه واي شي تبينه دقي علي أوكي

حنين\أوكــي

ساره\مع السلامه
حنين\حياك مع السلامه

وأول ماسكرت

فيصل وكان بينفجر من العصبيه لأنه تقريبا سمع المكالمه \مين هذا متعب وش يبي من

حنين تكلمي بسرعه!!

ساره\أهدى الله يهديك

فيصل\ساره والله أني مالي خلق تكلمي لأسوي جريمه الحين

ساره وخافت من عصبية أخوها الزايده وقالت له كل شي

فيصل\والله ماأخليها في حالها ومتعب هذا يشوف مين يفكر نفسه عشان يخطب حنين

الدنيا سايبه حنين لي لي أنا بس

ساره\أتوقع يا أخ فيصل أن لحد الان ماعطوك الرد عشان تقول حنين لك

فيصل\شوفي انا ماعلي منك ولا علي منها حنين صارت شي من أملاكي ورفع يده

بتهديد وقال ولا يمكن أخلي أي شخص يقترب منها....فاهمه أبيك تدقين عليها وتقولين

لها هالكلام
ساره\أسفـــــــه مستحيل أكلمها...

فيصل\طيب ياساره وخري أشوف...وراح للسماعه و ضغط على أعادة المكالمه السابقه

وكان رقم جوال حنين وأنتظر ثواني وردت عليه حنين...

حنين\مســــرع ما أشتقتي لي توني مكلمتك!!

فيصل\أنا فيصل مش ساره..هي كلمتين بس بقولك أياهم أنتي لايمكن تاخذين واحد

غيري ..والموت أقربلك أنت لي .........فاهمه..وترى مش من مصلحتك تعاندين لأنك

لسه ماعرفتي مين فيصل.......مع السلامه يابنت عمي..وقفل السماعه في وجهها......

..لالالا أكيد أنا غلطانه وشافت المكالمه المستلمه الأخيره..وتأكدت.....


ونزلت الجوال في الأرض

حنين\فيصــــــــــــــــــــل

انتظروووني

أحساس

يسلموو احساس على القصة الرائعه

ننتظركــــــــــــ

احساس
واصلي وانا متابعه
ويعطيك العافيه

* عبادي *

* نوووفه *

يسلموووووووووو ع التواجد المميز

والتواصل الدائم

لا خلا ولا عدم

دمتم بوووووود

أحساس

الحلقه السادس عشر

لحد الان واقفه بنفس الوضعيه بدون حركه ولا نفس مافي شي يدل أنها على الدنيا

الاشي واحد بس !!دقات قلبها اللي تتسارع بقوه وكأنها هالدقات تهرب من شي أو

خايفه من شخص!!؟كانت تهرب من الواقع المجهول والموقف اللي أنحطت فيه!!

وكلمه وحده بس ترددها بلسانها....


فيصـــــل فيصـــل هو اللي كلمها............. وهددها !!معقوله

فيصل كلمني !! وهددني !!لالا !!أيه هددني !!؟ ومين يحسب نفسه هذا!!ماعاش اللي

يهددني..........
كانت تقول هذه الكلمات عشان تطمن نفسها وتقوي روحها لكن في قلبها كانت

خايفه من تهديده لأن واضح من نبرة صوته أنه واثق من كلامه وقدها!!!أنقطع حبل

أفكارها لكن لحد الان صوت فيصل بأذنها........

أم حنين\حنيــــن !!

حنين\بسم الله شفيك يمه!!

أم حنين\أنا اللي اشفيني !!والا أنتي اللي أشفيك!!

حنين\أمي فيصل كلمني من شوي!!

أم حنين \نعـــم..مين فيصل

حنين\فيصل ولد عمي يمه مسرع نسيتي

أم حنين متفاجئه\ليه !!وأيش يبي !! وكيف أستجرء وكلمك!!

حنين\قال أنه أذا ماتزوجته راح أندم.. وقالت لأمها السالفه بالتفصيل .....يمه أنا

خايفه...

أم حنين\لا يايمه لاتخافين مدام أنا معك...

حنين\والحل يايمه والحل ...تراني مليــــــــت....


راح لغرفة أبوه وهو يركض زي الثور الهايج...أعصابه داقه الطبلون ..وجسمه نار من
القهر والغيظ...أنا ياحنين تسوين فيني كذه!!؟؟؟ تفضلين واحد غريب علي !!!؟؟ولا

وتقول لسه بفكر!! ..للحين ماخذت القرار!!أي قرار اللي بتتخذينه !!أنت شكلك لسه

ماعرفتيني !!أنا فيصل...ياحنين أنا فيصل...

دخل على أبوه وقاله السالفه كامله وزود حبيتين من عنده كذب وأفتراءات على حنين

بس مش قايلتها خليها مستوره يكفي كره لــفيصل... وأتفق مع أبوه بأسرع وقت

يكلم عمه أبو حنين عشان يخطبها رسمي..


بصوت عالي\وبعدين قلنا لك سدي السالفه!!

هيفاء\وكيف تبيني ياأخوي أسكت عنك وأنا أشوفك تزيد كآبه عن اليوم الثاني

متعب\الله يخليك تكفين هيفاء أسكتي وخليني في حالي ...ولو سمحتي أطلعي بره من غير

مطرود!!


هيفاء\أنــــا يامتعب تطردني !!!.............. مشكور وماقصرت

وطلعت هيفاء من الغرفه جاره أذيال الخيبه ودموعها تهل من عيونها وأنتبه لها فهد لأنه

كان طالع للقسم الفوقي وعلى طول مسكها قبل ماتدخل الغرفه..

فهد\هيفاء...شفيك تصيحين!!

هيفاء\مافيني شي يافهد مافيني شي ...

فهد\والله أن فيك شي ومانتي رايحه لمن تهدين وتقولين السالفه!!

هيفاء\فهد الله يخليك هدني خليني أروح..

فهد\مستحيل أترك أختي الغاليه وهي بهالحاله!!

هيفاء وبدت تصيح اكثر من قبل\وليه هو تركني ولا عبرني!!

فهد\مين!!

هيفاء\متعـــب

فهد وفهم السالفه \ياهيفاء ياحبيبتي أنت تدرين أن متعب يمر بحاله نفسيه وتعبان كثيير

عشان كذه لاتخذين على خاطرك منه مهما صار وأستوى بيتم أخوك اللي يحبك وتحبينه

صح!!

ماسمع رد من هيفاء وعاد الكلمه مره ثانيه...صح!!

هيفاء\صح لكنه مو توصل الدرجه أنه مايكلمني ويسوي نفسه مايدري أني موجوده

بالغرفه وبعد محاولتي يروح يصرخ في وجهي ويطردني من الغرفه!!

فهد\ معليش هيوفه أنت أخته وأستحملي ثقالة دمه ومزاجه التعبان ...اذا أحنا ما وقفنا

معاه بهالمحنه وساعدنها ..مين بيوقف معه!!أيش فايدتنا بالله!!أخوان على

الفاضي!!مايصير...

يالله الحين روحي غسلي وجهك وأدعيله الله يفر ج همه!!

هيفاء\انشاء الله

فهد \عفيه عالشطوره...

هيفاء وهي تضحك من بين دموعها\أجل شعبالك أنا !!أنا هيفاء ..

فهد وكأنه توه مذكر أنها هيفاء\أووووووووه صح نسيت هيفاء..

أرتاحت هيفاء أشوي من كلام فهد و تعطي الأمتنان لأخوها لأنه طمنها وريح

بالها..المشغول...صج لاقالوا فهد مشرف أجتماعي يصلح له هاللقب<<أي مشكله
عندكم عطوها فهد..تراه شي خصوصا في المواقف العاطفيه..ماتشوفون أن لافي يلجأ له

في كل الأوقات!!وعلى طاري لافي...أخونا العشاق يفكر بحبيبة قلبه اللي سلبة عقله

العنود لكنه مش عارف كيف يوصل لها ..يحس من زمان ماشافها..<<أي من زمان الله

يخليك !!كلها يومين..سويتها من زمان!!صج تحب تبالغ!!



\هابتجيني والا أجيك

عمر بدون نفس\لا صعبه أنا أجيك ...أنت تعال!!


أحمد\أوكي أي وقت عادي!!

عمر\يستحسن بكره العصر...

أحمد\أوكي بكره العصر أنا عندك...

عمر\طيب تامر على شي بسكر

أحمد \لا خلاص مشكور مع السلامه

عمر\مع السلامه
ومهما تفترقنا تجمعنا الدروب...ومهما تفارقنا تجمعنا الدروب ...ياعيون تذرف دمعها

حيره وجمر...ياعيون تذرف دمعها حيره وجمر....... ياعيون تذرف دمعها حيره

وجمر..........


غـــــربه غـــــربه غـــربــه ولا في عن شقى الغربه مفـــر

غـــــربه غـــــربه غـــربــه ولا في عن شقى الغربه مفـــر

يامــن طـومع بغير حقه وسلام لارحمه فيه قلبه ولا يسمع ملام

وقلب عطى ماينتظر ياخذ ثمن... وقلب عطى ماينتظر ياخذ ثمن

حكم البشـــر آآآه منه حكم البشـــر

وقلب عطى ماينتظر ياخذ ثمن... وقلب عطى ماينتظر ياخذ ثمن...

حكم البشـــر آآآه منه حكم البشـــر

غــربه غــربه غربه ولا في عن شقى الغربه مفـــر
غــربه غــربه غربه ولا في عن شقى الغربه مفـــر....


العنود\اللـــه عليــك ياحنين من جد صوتك جنان...مو أنا تبين تخترعين تعالي

أسمعي صوتي

حنين\ ههههه شدعوه أنت صوتك مافيه شي ..والبحه اللي فيك معطى لصوتك

موسيقى عذبه..

العنود\الله الله كل هذا بصوتي ياحظي ......وتوها بتتكلم الا تسمع صوت عمر وهو

يصارخ..وراحت معا أختها للصاله

عمر\النذل الحقير كيف يكلمها !!!مين يفكر نفسه هذا1!صحيح أن أبوي ماندري وين

هوى داره بس مو معناته أنه يقلل من شأنا ويكلمها !!لا ويهدد ..وليه ماقلتولي من

زمان!!


أم حنين\عمر أهدى شوي اللي يشوفك يقول السالفه صاير لها مده ..!!توه اليوم

مكلمها..

عمر\والله أنه مايستحي ولا يعرف الأدب ...خله يكلم مره ثانيه يشوف وش بسويله!!!

حنين\عمر...خلاص السالفه بالنسبه لي أنتهت ومالاداعي تذكرها مره ثانيه..


عمر\بالنسبه لك أنتي أنتهت ...لكن أنا لا مانتهت..وبعدين أي شي يصير مره ثانيه لازم

تقولون لي مش تخلوني الأطرش بالزفه...

العنود\هههههههههههههاي حلوه ذي الأطرش بالزفه...


عمر\سخيفـــه ماأتوقع قلت شي يضحك...

العنود\أهدى ياأخوي وصل على النبي أتغشمر معك...

عمر وماله خلق للعنود\روحي زيـــن من حلاة التغشمر اللي تعرفينه...

حنين\العنود تراك فاضيه...وداخله عرض ....

العنود\أفا أفا ماهقيتها منك ياحنين بس معليش هالمره سماح...

ولفت على عمر وبدت أتنرفزه بحركاتها وتمسك شعره وتمطه وتلعب فيه ..وتقرص فيه

وتضربه على الخفيف برجلها المجبسه<<خبله هالبنت


العنود\عموره ...

عمر\..............

العنود\عمرمر...عمورتي يالزعلانه أنتي.....يالله عاد والله مايسوى سالفة هالفيصل عشان

نكدر خلقنا ...أبتسمي ياجميل ..يالله عاد أبتسمي...وبدى عمر يبتسم على خفيف..أيوه

أيوه أمووت أنا على اللي يبتسمون من على جنب...وحنين وأمها يطالعون العنود اللي

تسوي حركات أستهباليه وتضحك...لالالا أبي أبتسامه كامله ماأبي وحده على نص

...أيوه أيوه أيـــوه بــــرفوا بـــرافوا .وأخيرا ضحك عمر ...وضحكوا

معاه أهله...

أم حنين\ ياعل هالضحكه متفارق شفايفكم....


ياترى هل بتتحقق دعوة أم حنين !!!
يتبع,,,

تابع الحلقه السادس عشر


ماأظن لأن هذه الريح اللي تسبق العاصفه...

توه مسكر من أخوه أبو حنين وطلب حنين لولده فيصل وطبعا أبو حنين ماصدق على الله

أن حنين بتتزوج !!ومن مين !!من فيصل اللي يشتغل في شركة أبوه مدير ماليه ..يعني

هذه الشركه وراثينها من أبوهم الكبير لكن ظروف أبو حنين الماليه خلته يسحب حقه من

الشركه..ويضيعها في الحرام...وجاء الوقت اللي أبو حنين يعوض الفلوس اللي خسرها

عن طريق بنته المسكينه حنين...حب المال والحقد عمى قلب بوحنين ..وخلاه يوافق

على هالصفقه الرابحه مئه بالمئه...

أتفق بو فيصل مع أخوه أنه يجي بأقرب فرصه لأنه حاليا خارج السعوديه ...طبعا في

البدايه عصب فيصل لكن أبوه ريحه وقاله كلها أيام وحنين لك..لاتستعجل..وأخيرا فيصل

بيتحقق مراده ..وبيحافظ على كبر يائه وغروره ..وهو من يوم مادرى بسالفة حنين وهو

يتوعد فيها لأنها بس فكرت ولو مره وحده بمتعب..لكن لحد الان النار اللي بقلبه

ماطفت..يحس بالخيانه والمهانه.زلاتلومنه !!عمره ماحد قاله لا !! حتى أبوه وأمه اللي

جابته ..كانت طلباته دائما تجي على طبق من ذهب...كل شي يبيه يستجاب فورا ....


مرت الأيام بطيئه على ناس وسريعه على ناس ثانين..بطيئه على عشاق ينتظرون نظره من

حبايبهم ..تريحهم وتسعدهم طول اليوم اللي مبتعدين فيه عن بعض..لكن عذاب الأنتظار

من الطرفين كان بلسم صافي على قلبهم لأن حتى طول الأنتظار للمحبين له مكانه عظيمه

في قلوبهم..كل شي من الحب جميل.. بحلوه ومره...أهم شي في حب في أمل نعيش له في


هالدنيا ..في شخص يعيش عشان نظره من عيون حبيبه ...في أم تفدى روحها عشان

تضم عيالها في حضنها..في أخت تفرح لفرحة أختها وتزعل لزعلها..في أخ يدافع عن أهله


مهما كلفه الزمن..في صديق يسعد براحة صديقه........الحمد لله لسه ترى الدنيـــا

بخير....... مدام موجود الحب بين الناس.....





قرب موعد السفر الى لبنان ..والكل يستعد لها الرحله الجماعيه واللمه الحلوه...أحجزوا

الأهل التذاكر عن طريق الخطوط السعوديه الجويه ..وكلها أيام ويسافرون ....

\هـــلا والـلـه وغــلا...

ساره\ أهليــــن كيفك بنت عمي !!

رهف\تماموا أنت شخبارك!!!

ساره\أنا بخير وأنت!!

رهف\ أنا منيحه...

ساره\أمووت أنا على اللي يتهيأون لي الرحله

رهف\بعد أيش نسوي يابنت العم لازم نستعد للرحله...

ساره\ هاجهزتي الشنطه...

رهف\أووووه من ذا مبطي مجهزتها لي الأخت ترف تدرين متشققه على روحة لبنان اللي

يشوفها يقول ماعمرها راحت مكان....

ساره\هههههههه يحليلها ترف عاد تصدقين خالد أخوي متوعد فيها يقول بس خلينا

أنروح ووريها الشغل عدل

رهف \ويـــه تصدقين عاد والله نفس ترف تبي تطلع حرت المدرسه كلها في

خالد...

ساره\ياأخي مدري شفيهم هذيلا أبد مايدانون بعض....أيه صح أنت ليش متصله!!!

رهف\أفـــا ماهقيتها منك ..هذا جزاني أدق وأطمان عليكم...خلاص زعلت...

ساره\لا عاد أنا ماأقدر على زعلك بس والله أستغربت مو بالعاده تدقين...

رهف\كشفتيني والله...الصراحه أمي قالت لي دق على بيت عمك عشان تبي تكلم

أمك..تدرين المونكير والبوديكر بأيدها وماتبيه يخترب....وهذه جنبي الحين تضربني

بالمخده لأني زودتها حبتين...

ساره\هههههههههاي الله يقطع بليسك أنتظري دقايق بروح أنادي أمي سلميلي على

مرام..

رهف\يوصل بااااايوا

وأخيرا جاء اليوم اللي بتشيل فيه العنود الجبس المعفن ...لأنه تقريبا مر أسبوعين..وطبعا

مين بيوديهم!!!!أكيد بتقولين لافي!!لا هالمره لافي مش موديهم ..لأن الحبيبه العنود تقول
فشله كل مره قاطين وجهنا عند لافي !!أحراج..وبالمووت أمها أقتنعت أنها تروح بسياره

مؤجره مع حنين وعمر ....جاء المغرب وراحوا المستشفى..وشالوا لها الجبس ...وزياده

على كذه فكوا الخيوط اللي على الجرح لأنها صارت مالها داعي ..وتعرفون العنود سوت

فضيحه في المستشفى ...بسبب الألم اللي تحسه وهم يقطعون الخيوط لأنه الجلد ملتصق

بالخيوط .ولازم يفككونها بأدوات حاده..وشوي والعنود بتجيها حاله هستيريه..من

الصراخ والألم اللي تحس فيه..بس المسكين اللي طاح فيها هالمره مش الممرضه ..عمر

المسكين لأنها مسكت أيده وقرصته ذيك القرصه لمن طلعت حرتها كلها ..وفي النهايه

خلصوا وحطوا على الجرح مطهر ولزقه مؤقته لتخفيف من الألم ..وطلعوا من الغرفه وفي

ذاك الوقت كان متعب طالع من مكتبه وشافهم بس هم ماشافوه لأنهم طلعوا للبوابه بدون

ماينتبهون له..........................!!

يتبع,,,