1. عيد سمران مــدونتـي .. تـبَسـّمّ لَعـّنُبـِوَ جَــرَح ٍ[ اضُمـَـٌﮧ ] داخلـي لِرَضـّاڪ

تدر ي وش اصعب ماعلي ياغلى بشر لاجيت ابيك
منافذ الرحله الى وصلك علي سكرتها



عرضت لي لوحه بنفس الدرب لو كنت احتريك
مكتوب هذا الدرب مغلق لافته كررتها



يومين احاول مادري انته تدري اني ماقوى آجيك
والا انت من سد المنافذ للمسار وبتها



ياخي تعال وقول ويش السالفه تعبت اجيك
كل الحيل باءت بذا بالسالفه واتعبتها



والله لو تدري عن اللي تاه وده يلتقيك
الا تهيأ له سبل وصلك وتشبك نـتها



لكن احس ان الامور ابها تداخل معتليك
ماهي بيدك ولابيدي طالت على من مدها



وعلومنا اللي كانت اول بابتسامه تكتسيك
اتلى العهد فيها لفتني منك وانت افلتها



ودي اعيد بابتسامه خارجه مني إليك
وصديت مادري وش حصل والسالفه شتتها



لايابعدهم لايهمونك وحذرا يعتليك
وارم الهموم بصدري اللي بالصدر كبتها



ماني ردي ولارضيت ان اي ضيقه تعتليك
صدري لك اعتبره مثل نجد الوساع وكتها



ان كان فيها سالفه قلها وخل اللي يجيك
حنا لها لاصعبت ولو هي دول نحتلها



وان كانها ضيقه عسى الضيقه تعاف ولاتبيك
تزول باذن الله وتطيب الجروح بجلها



بس لاتخليني كذيا بحيرتي موله عليك
وضح لنا شالسالفه بابواب لي عمْلتّهْا




صاحبك هو صاحبك مايتكبر ولايصرخ مابيك
سجاته برجله مثل ماكان ماحدٍ ردها




لكنك انته مغلق الابواب عن درب السفر منك واليك
عادت عقب ماراحت الرحله لنا وافردتها

الموضوع الأصلي: رد: 1. عيد سمران مــدونتـي .. تـبَسـّمّ لَعـّنُبـِوَ جَــرَح ٍ[ اضُمـَـٌﮧ ] داخلـي لِرَضـّاڪ || الكاتب: عيد سمران || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: مــــدونــــات الأعضاء

---

v]: 1> ud] slvhk lJJ],kjJd >> jJfQsJ~l~ gQuJ~kEfJA,Q [QJJvQp SF hqElJQJRﮧ D ]hogJd gAvQqJ~hڪ

* * * مثل ماترسي على اليم السفينه شفك في قلبي رسيت وعرِضْ يمك وطالت الرحله وانا همومي دفينه والغلا عامر في اعماقٍ تضمك لو تحس بغربتك وصط المدينه ماتحس بغربتك في قلب لمك اسكن الاعماق وادهل بالثمينه الغلا لك فاق غلا ابوك وامك ياغلا قلبٍ براكينه (مكْينْه) راحتك خذ والعواذل لاتهْمْكّ

تــــعـــب تبي الصراحه تعب بعدك وهجرانك && ليتك كما كنت ترجع يانظر عيني ابنتظر منك كلمة وين عنوانك && يمكن يجي يوم عابر تلتفت فيني تعبت ادورك واسأل وينها اوطانك && وانته ولكن شي اليوم يعنيني ياغايتي قول وينك وافدي اعيانك && في حاجتك لي رجا انك لاتخليني هذا مكانك بقلبٍ بالوفا صانك && وهذا مكانك بقلبي وبنظر عيني

اذا سكت ايقال وشــبه ســكوتــك؟!!
واذا عدلت من العدل جـــــد عانيت

واذا كــتـــبت الشـــعر قــالوا بـيــوتــك
فيـــها وفيــها كيــت وايضـــاً بـعـــد كيــت

يعني ســـلامه لو تصــيّح بصــوتك
مانــته ســليــم ولاوربي تـعــافــيت

كلٍ ركـض وراك وده يشــــوتــك
اقـلــهم تـلــقى قــــرايـــب لهم جــيت

وانــتــه بـعد حي عـــــدك تشــوف مــوتــك
على يـــديـــن اللي لــــه الطيـــب وفـيـــت


ويـن انــــــت يــاللــي شـــامخاتٍ بـــيــوتــك
ومــع كل فـجــة صــبح لـلـضـــو شـــــبـيــت

عــزالـله اني مــن بــعــد حـــل مــوتــك
مايــوم بـعـدك في حـــــيــاتي تــهــــنــيت

من ويـــن ماوجــهت واليــا خــفــوتــك
في ناظــري تـقــول ثــورة دنــامــــيــت

واليــاســألوني ليــه وش فيـــه صـــوتــك
ماملك جــواب ادفــع شــقى كل عـفـريــــت

لكـــن عـــلى مــابالـضــمايــر اثـبــوتــك
ياقــلــب هـــوّنْ دام يــاقـــلـــب حـــديــت

هــذا قـــدرَّ ك وذي عـمايـــل اســـبـوتــك
ومــاقــدر الله ماعــنه لــو توخـــــيــت

مكـــتـوب والمكــتـوب لــك مايفــوتــك
والله يجـــازي مــــن بــــدربي به ابـلـــيت

قصيده للشاعر حمود المزيني مع ردي عليه أغيب عنكم حايرٍ يوم انا اغيب ................ وارجع لكم يا عيد لا ضاق بالي يوم انقطع حسّ الأمل والمناديب ................... حسّيت انا ياخوك إنّي لحالي بعْد الهنا عانيت يالذيب تعذيب ........................ تقاطعنّي بالضياع الليالي مقطوع لامن صوت لامن مكاتيب ..................... الله لو يدري بشيٍ جرى لي يمكن يحِنّ ويرْحَمَ الحال ويجيب ................... لو بالإشاره منْه ردّ السؤالي ويلاه ياجرح ٍ عطيب المضاريب ...................... ماله علاجٍ دام طيفه ببالي أقفى واظنّه راح عنّي بتغريب ...................... وانا بعيدٍ عنه ماني موالي بينه وبيني شاسعات السباسيب .................... واشدّ منهن مانعات المجالي عليه منّي دمعةٍ تغرق الجيب .................... معْ ذكرياتٍ ساطياتٍ طوالي سلام من قلبٍ بليّا مطاليب .................... عليك ياهاك الليال الخوالي حمود المزيني * * * . ردي عليه اهلاً هلا بمظرفين المكاتيب .................... اللي لفوا من بعـد غيـبة ليـالي جابتهم اشواق الوله والمناديب .................... يوم انتحى مندوبهم بالرحالي يشكي من الوحده وزود التعاذيب .................... ووحشة ضياعٍ ماوجد له مثالي ويشكي : بعد حتى الوصل ماله مجيب .................... ويقـول يجهــل كل شيٍ جــرالي يمكن لو انه داري بمابي آطيب .................... يحـــن والا يرحــم اليوم حـــالي وكثر من الوجد وقسى الوقت والغيب .................... كـاويه عشـــقٍ ورّده للــزوالي وذكرى ليالٍ شمسها لو هي تغيب .................... زوال اثرها من المحاني محالي وياحمود مانا منكر الوضع ومهيب .................... ولالايمـك ياحمــود بـاول وتـالي ووقتٍ قد انكف مالنا به مقاضيب .................... وصارت بعد عقب العشاقه اثقالي فوارقٍ طالت طوال الاشانيب .................... مثـل الفوارق بين امير ومــوالي وحتى السلام اصبح من اصعب مطاليب .................... دون الوصل خطِرٍ لراسك يطالي ياحمود ماحلى الارض والله ولاريب .................... لاصرت خاشع في نصاص الليالي لاراكضٍ خلف الاماني ولامجيب .................... ماسـك كتاب الله مريح الرحــالي لاصار لامتحّقّقٍّ فاري الجيب .................... ولاســالمٍ من لوم روحــك وحالي ولاسالمٍ من لوم بعض الاجانيب .................... لاشاف بالعارض بياضٍ يلالي قلته وانا مقّدر خفايا المكاريب .................... ولاجــاهلن فعل الزمن والليالي ماغير زاد الوجد طحن اللباليب .................... وصكت بنا بقعاء بروس الجبالي ولاجيت ابي مخرج حدتني مهازيب .................... وميلت ظروف الوقت حدت رحالي هذا هو الواقع ولو ماني مصيب .................... يفرض علينا الوقت ترك المجالي والمعذره كان انكفن المناديب .................... مني وفيهن بالضــماير احمــالي لكن عن الواقع عطيتك تجاريب .................... من تجــربة وقتٍ خذيته لحــالي ولافيه مثل دروس تطبيقها مجيب .................... كالمُخــتبر للتجـربه له تحــالي وتثبت به الجينات عن كل تطبيب .................... ويعطونك الوصفه بليا سؤالي وتخــتم من الدكتور ماله مكاذيب .................... وتصرف من ادنى صيدلي لك ايقالي ومن غير ذا ماعاد عندي مكاتيب .................... مســـتســــلمٍ والله عــليه اتكالي عيد سمران

هذي بقايا عطرها بين الانفاس عطرٍ كسا كل الوجود وفـتــنا عطرٍ تمده لي مع شوية احسـاس يجــذب لماحــولي بمــنا ومــنا حوريةٍ وجدي عليها من الناس مــاكنها بــين المــلا تســــتـكـنا تطلع دلع متجمله باجمل الباس وتخــزني في عيــنها وارجـهنا واضيع معها وتحتويني من الساس لــو ودي اركــد مــاقــويــت آتــونا ثــم آتــذكر طيــبها بين الانفــاس لبــيه يــاللي طيــبها مــعــه احــنا وارجع واكرر وجد وجدي من الراس عــلى معــانـقـها ومعــها آتــهــنا

ماهو بوقت الشعر لكن الى ضقت بكتب لو انه مايبرد على الجاش اما هموم الجوف بالشعر فرقت والا قضت على اخر الشعر ماعاش مادام فيما بين الاعماق برقت عليك ياقاف الشعر حوش الادباش ادباش همٍ بالمحاني بها اغرقت عوجٍ حوت من فوق طاقاتها كاش والا رحلت ولابضيقي توهقت لاصار فيه بجوى الاعماق نباش وياليل يامطاول عنا خطوة الوقت ياكثر من ياليل بك طب الانعاش احاول اخفف لوطيتك لاسقت لي قاف ويبرد عن القلب الاغطاش لكن بلاي الى قفل ثم برقت واليا من اولها الى آخره ماش من وين ماتلفي والا بك توهقت صكاتها قامت تتالى لها اجهاش لكن عسى في بدعة القاف لاضقت تنفيس عن جوفٍ به الهم معتاش

قبل امس هز قلوبنا موت سلطان ،،،،،،،،،،،،،،،،،،،،،،، واليوم نايف زاد فينا الفجيعه يوم الخبر جانا ضحا السبت باعلان ،،،،،،،،،،،،،،،،،،،،،،، مع موجز اخبار الضحى جا مذيعه قالوا رحل نايف وتشييعه الان ،،،،،،،،،،،،،،،،،،،،،،، والروح راحت بامر ربه مطيعه وهز الخبر عمق المشاعر والابدان ،،،،،،،،،،،،،،،،،،،،،،، وضاقت بنا سبل الفجوج الوسيعه نؤمن بحكم الله في خير الاديان ،،،،،،،،،،،،،،،،،،،،،،، لكن مرار الفقد صدمه شنيعه مرحوم يامرسي قوى الامن بايمان ،،،،،،،،،،،،،،،،،،،،،،، ومكافح الارهاب حسب الشريعه عزالله انك للمواطن بالاعيان ،،،،،،،،،،،،،،،،،،،،،،، ترفأ عنه كل الامور المريعه شامخ بفعلك مالحق فيك نقصان ،،،،،،،،،،،،،،،،،،،،،،، ولاهزك افعال الوجيه الوضيعه في حبك اتحدت مخاليف الاديان ،،،،،،،،،،،،،،،،،،،،،،، وكلٍ نعى فقدك بروحٍ وديعه عسى العوض بعدك سلايل كحيلان ،،،،،،،،،،،،،،،،،،،،،،، واشبالك اللي بالقمم والطيلعه اللي يذودون بوفاهم بالاوطان ،،،،،،،،،،،،،،،،،،،،،،، ويسعون يبقى الامن روحه رفيعه ونرفع عزانا للملك عالي الشان ،،،،،،،،،،،،،،،،،،،،،،، ونعاضده واللي امر به نطيعه ونجدد البيعه من اول وذلوان ،،،،،،،،،،،،،،،،،،،،،،، شعبٍ مع الحاكم دروعٍ منيعه جنود صفٍ عند دورات الازمان ،،،،،،،،،،،،،،،،،،،،،،، على الولا دايم وفانا طبيعه وعسى ولاية عهدنا باسم سلمان ،،،،،،،،،،،،،،،،،،،،،،، خيرٍ على بلادي وحكمه رفيعه حرٍ من احرار به الخير عنوان ،،،،،،،،،،،،،،،،،،،،،،، من نسل عودٍ للاعادي فجيعه وعزٍ لمنهو ناصره وين ماكان ،،،،،،،،،،،،،،،،،،،،،،، بعد المحل يرجع لداره ربيعه واحمد بعد للداخليه من الان ،،،،،،،،،،،،،،،،،،،،،،، بامر الملك خير الخلف والنفيعه والله يكون بعونهم كل الاخوان ،،،،،،،،،،،،،،،،،،،،،،، قادة بلدنا حسب حكم الشريعه اللي على حق وولا وجود واحسان ،،،،،،،،،،،،،،،،،،،،،،، تحالفوا ماحدٍ ضميره يبيعه

ايوالله اني ياوطن قاريٍ فيك الهم واحزان الالم والكآبه وادري بعد شعبك خفاياه تبكيك لكن عن المقسوم مابه اجنابه وادري ولاة امري غلاهم مقويك واحزانهم ياموطني بك تشابه لكن ترانا ياوطن فوق اراضيك اسره ولو انا اجناب .. وقرابه آلامنا وحده بهذي وهذيك ودموعنا بالكل فيها نسابه لجل كذا ياموطني كل مافيك قاريه وانت اقر الغلا في كتابه وخل الثرى يحضن غلانا وغاليك اللي خذاه الموت منا نهابه يحضن جسد جسمه على راحة يديك وفي جوفك تضمه ببرد ورحابه طالبك لاتقسى عليه بمحانيك شفني هنا بعده بي الحزن نابه وشف دمع عبدالله بصدقه بعينيك وشف دمع سلمان انتثر لاغرابه حب وغلا للي رحل ماهو خافيك وغلاه بقلوب الجميع ارتمابه وكلٍ سكن حبه ضلوع المماليك وابنا الوطن بالحب معهم تشابه قلته وقلبي ماخفا به يحاكيك اقره وتلقى بالضماير اكتابه وشمس الامل لو دونها الغيم كاسيك بأذن الولي باكر تزول السحابه وان غاب نايف ... نايف العلم حاويك الفين نايف عندنا له قرابه وشبل الاسود اسود والفعل ينبيك وباكر تطيب اجروحنا من مصابه لنه مخلّف له اشبالٍ كما الشيك اللي مصّدق مالحق به اريابه بس الحزن تبقى له اثار وتحيك والعين تدمع بالمحاجر اسكابه لجل كذا ياموطني في حراويك اقرا الالم والله يزيل اكتئابه

صبحي تعطر بالمشاعر مع الشوق
والشــعر مــاهو في يدي يوم بحته



لوهو بكيفي يمضي الشهر ويتوق
ماشــيف بيتٍ بالتوجد شرحته



لكن غريب ديار والقلب محروق
حـــدتني ظروفي وقلبي فضِــحِته



ووقتي خذا له مع خفا القلب طاروق
باشعاري اللي كم كتبت ومسحته



واليـــوم بحت الشــعر لو كنت مســـبوق
ويـــالله عسى صـــومي مــعه مــاجرحــته



مـــاودي اشــــــعاري تســـبب لي فــتوق
ولابي البشـــر تلمـح خــفا ماســـنحـــته



لكن كما المدمن عن الشعر مــاتـوق
حــــبر الـقــلــم مــتــولمٍ لمــا مـنـعــتـــه



شـــــيهان حـــرٍ في مقــــاليعه ســـبوق
ســـريع لـقـط لكل مـــاهـــو برحـــته



من قــبــل مــاتـطـلـع مــن اعـماقي تروق
يكــتــب لهــا ويــعـبر بـمـااجـترحــته



والا انا لــوهي على الكيف ماســوق
لـو بيـت شــعر ولاعُــرف مااطـلـعــته




لكن لاصار القلب من كل جهه فتوق
وش يكــبت اللي به الى من وضـــعته؟!



ماعـــاد به لاســـرار الاعماق موثـــوق
حـــتى ضـــلوعي هـــربت مــاحـجــبــته


جميع مابالمدونه

من اشعار

محبكم

عيد سمران