مشكلتي .. حبيت وحده صغيره

مشكلتي اني حبيت وحده صغيــره ........ والمصيبه انهـا هـي بعد تعشقنــي

صارت بقلبـي الأولـى والأخيـره ....... واتربعت في قلبـي وعيت تتركنـي



أسرتنـي بحبهـا و هي بحبي أسيـره ......... وعيبهـا انـها ما تقدر تبعد عنـي

والله انـها مـتـعبتنـي بالغيـره .......... وبدلعهـا وجنـون شوقها تعذبنـي



لو تأخرت عليها مشكلـه كبيـره ............ ولو جيت بدري تستغرب وتسألنـي

وان غيرت الموضـوع تفتح السيـره ............ وان تكـلمت تقـول لازم تقنعنـي



ولو أغازلـهـا وأناديهـا الأميـره .............. ألقاهـا تنغـر بحـلاها و تعاندنـي

و لو تركتهـا تبـان عليها الحيـره ............ وتجينـي وتقـول ليه مـاتغازلنـي





والله قصتي معاهـا قصـة مثيـره ............... وفوق كــذا أحبهـا وهي تحبنـي

واللي ما عمره عشق وحده صغيـره ............ مااتهنى فـي حياته تعـال واسألنـي

جريح المها

الموضوع الأصلي: مشكلتي .. حبيت وحده صغيره || الكاتب: __________ || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

la;gjd >> pfdj ,p]i wydvi pfdj wydvi

منتدى دمعـــة ولـــه - الشعر وعذب الكلام- Poetry Section

---

la;gjd >> pfdj ,p]i wydvi