للى تغيب وبا لفكر دوم موجود

ياللي تغيب وبالفكـر دوم موجـود
تطـري عليّـه كـل وقـتٍ وحـزه


وأسرح معك بالفكر يازيـن وأعـود
وآخذ علـى ذكـراك غطّـه وفـزه


كني غريب وعن اهله صار مطـرود
والوقت والحظ بين الاجنـاب لـزه


ذوقتني طعم السهر والمـلا رقـود
واسقيتني كاسه مـن إبريـق قـزه


حبك بقلبي صار له سـور وإحـدود
سوات سور الصين يصعـب مخـزه




حبٍ سحابه جاله ابـروق وإرعـود
يبـرق ويرعـد والهبايـب تكـزه


سهمه قيادي مانقص دايـم إبـزود
لا والبلا حـب وغـلا مـع معـزه


وبنى معسكر فيـه ضبـاط وجنـود
وإحتل قلبي والفكـر مثـل غـزه؟


والا عراق اليـوم شعلـه وبـارود
اللي غـدا فـي قِـدر الاوغـاد رزه


اصبحت غصن يلاوعه يالغضي نود
هــزه ورزه ثــم هــزه ورزه


وانا من اول شامـخٍ كنـي الطـود
مهما تهـب الريـح ماجـاه هـزه


معذّر بشعـر الفخـر والغـزل زود
أنهيت عَقده وانتهـى وقـت عِـزه


وحفرت قبره عقب ماصـار مفقـود
وقلبي وفكـري كـلٍ إيقـول عَـزه


واحييتي إبداعه بامر محيي العـود
واصبح يفوح الشعـر ويعـوم وزه


وربعـت مشاعـري زهــر وورود
وقامت شواردهـا بروضـه تنـزه


لبّى الخدود البيض واعيونك السـود
ولثام اخـذ بوسـه طويلـه ومـزه


ولبّى الوفا والصدق مع طيب مشهود
ولبّى الزعل لو كـان قلبـي يحـزه


ياللي تغيب وفالفكـر دوم موجـود
تطـري عليّـه كـل وقـتٍ وحـزه


وأسرح معك بالفكر يازيـن وأعـود
وآخذ علـى ذكـراك غطّـه وفـزه

الموضوع الأصلي: للى تغيب وبا لفكر دوم موجود || الكاتب: عبادي || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

ggn jydf ,fh gt;v ],l l,[,] ggd lt;v l,[,] fu]m d,l ,fh

منتدى دمعـــة ولـــه - الشعر وعذب الكلام- Poetry Section

---

ggn jydf ,fh gt;v ],l l,[,] ggd lt;v fu]m d,l