معاد لك في القلب طاري...

اليوم ياشوق تراني نسيتك
معاد لك في القلب والفكر طاري

يشهد علي اليوم مامر بيتك
وإن جيت في دربي لحطك يساري

ولاأنكر إني في يوم صدق هويتك
وطيفك الفتان ساكن بداري

لكنني اليوم والله عفيتك
من بعد ماكنت ليلي ونهاري

ولا تجد مثلي غصبة غليتك
قهرتني بعتني بيعة قماري

من كرع صافي زلال سقيتك
وأسقيتني كاس من سمّك الهاري

وعافني النوم وبدمعي بكيتك
وانت ولا تعلم ولا انت داري



وكلما طلبت مني شيئ عطيتك
مادامك تمشي في خطي ومساري

وأنا بدمي وروحي فديتك
وخصصت لك مساحة في كل أشعاري

وعبّرتك الطوفان وبالشاطي رسيتك
في شاطي الأحلام بجزر كناري

ومن كيد الحساد والعذال حميتك
وإرتفع ضغطي بقسم الطواري

الموضوع الأصلي: معاد لك في القلب طاري... || الكاتب: اسيرالقدر || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

luh] g; td hgrgf 'hvd>>>

منتدى دمعـــة ولـــه - الشعر وعذب الكلام- Poetry Section

---

luh] g; td hgrgf 'hvd>>>