جتني توادعني

جت توادعني وانا من دون ماودعها
.......................كنت ناوي بالرحيل وضيقتي ويـايه

مابي اشاهد بالمحاجر عينها ومدمعها
.......................عـلها تـدله مـع الايـام عن طـريـايـه

مير جابتها قدم رجـلينها تدفـعـها
.......................لين قالت جيت اوادع لك هنا برضايه



ادري انك ماتبي نفسي معك تجزعها
.......................والمشاعر تبتداريها على اجمل غايه

لكن اسمع كلمة اللي ودها تقنعها
.......................بالرحيل ومامضى من مر فيه اكفايه

ادري انك ضيقة ايامك وماتابعها
.......................هي سبب بعدك ووقتك قسوته بلوايه

والمقادير اللي بشعرك ظهر طابعها
..................... هي سبب عزف الجروح وحطمت خفيايه

قلت مكتوبي ومكتوبك ماحد مانعها
.......................والفراق المر ضاوي والخفا بي تايه

مير خليني على صمتي ترى اشعاري ماباسـمعها
.......................لاتقولـين اسرد اشـعارك بعـد فـرقـايـه

يمكن الايام تنسيني جروحي يوم ماطِلعها
.......................والمشـاعر لاسـكت تصْـمدّن بحـكـايـه

والا والله ياخفايا قلبي اللي بعدكي روعها
.......................هز وجداني وروحي زعزعت لاقصايه

مابقابي من قوى تحمل خفا تابعها
................غير روحٍ بالتشهد تطلب الرب الرحيم رضايه

لكن ابترك لها بالموقع اللي هو معي يجمعها
.................شكري وتقديري وعرفان قلبٍ له يبث وصايه

علها لامرت بيوم اتذكر من بخافيه اولا ادلعها
.......................ثم تـدعي لي بخـير وطمئنة سـكنـايـه

الموضوع الأصلي: جتني توادعني || الكاتب: عيد سمران || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

[jkd j,h]ukd

منتدى دمعـــة ولـــه - الشعر وعذب الكلام- Poetry Section

---

[jkd j,h]ukd