كلمات أغاني نوال الكويتيه

_ أغاني التتر




هالقدر حمل النفوس



هالقدر حمل النفوس
بين ظاهر و محسوس
ناس تفرح وناس تحزن
مره شرق ومره كوس


موج والدنيا سفينه
والزمن يدور فينا
كل ما اصوت له وقف
التفت يضحك علينا


الحياه فيها عبرها
من ذراها ومن شبرها
كلٍ بفكره طريقه
ما ركب الا بحرها


تاهت أفكار وظنون
هونك أهون ما يكون
من تسرع في حسابه
صار في طوره جنون

........





خطوات على الجليد




محنا أول ناس

ولا آخر ناس تجبرها الظروف

احنا فالواقع شقينا


وعشنا دنيا كلها خوف



كل خطوه نمشي فيها

تحترق فوق الجليد
والأمل عاله معنى
في زمن والله عليل
هذي الدنيا أماني
ارحلت عنّا وكانت
الفرح عشناه ثواني
والحزن أيامه نامت














يا ليالينا الحزينه

الزمن ألغى سنينه

والأمل ماهو معانا


ولا صرنا فاقدينه

.....













دمعة عمر

القلب خايف من الصدر

والخوف من خوفي يخاف

زرعٍ زرعته بالصبر

قبل الثمر جانا الجفاف

وين أمشي في هذا العمر

وأنا بلا شط و ضفاف

مثل الضباب يصحى الضباب

أشرب عذاب دمعة عمر

في دنيا غطاها الالم

أطوي المسافه والمكان

أحلم أشوف لحظة فرح

واحلم اكون قطرة حنان




ما ابغي الغنى ما ابغي القمر

ما ابغي سوا لحظة أمان





غريبة الدنيا
مسلسل الدريشه

غريـبه هذي الدنيا ــ من أولـها لآخرها
نجيها زايرين أغراب ــ ونرحل عنها أغراب

نجي وأحلامنا دايم ــ ظلام الفكر يأسر
هامتى تتحق الأحلام ــ اذا حتى الحلم باحساب

غريبه هذي الدنيا ــ من أولها لآخرها

غريبه ننولد أحرار ــ مع الناس ونعاصرها
ولكن حلمنا مسجون ــ ودونه ألف باب وباب

هي دنيا وعلى كل حال ــ غصب عنا نسايرها
عجب موالها موال ــ يصالحنا أعز أحباب

غريبه هذي الدنيا ــ من أولها لآخرها
......