هذي مرثيه في اعز انسان على قلبي

الشمس كانت تحتضر بالسماء لين
ماتت وغاب النور عن شوف عيني


والليل أقبل في ثياب المعزين
طبطب على كتفي وصافح يميني


واليوم غابت ام كل المساكين
والخير بفراق الفقيدة حزيني




في قربها كنت أعرف إن الزمن زين
كانت تجي ما بين همي وبيني


وفي بعدها كل الخلايق بعيدين
كن الفرح بغيابها ما يبيني


يالغالية يا الساكنة بالشرايين
يالصورة اللي خالدة في سنيني


ما زلت أمنع في يدي ما طر العين
خايف أصدق موتتك تتركيني


يموت هالعالم ولا إنتي تموتين
لا ما تحمل غيبتك صدقيني


تكفين يمّه لا تروحين تكفين
من قبل ما تمسح يدينك جبيني


حطوك في قبرك وخلوك مقفين
ياليتهم في دفنتك دافنيني


مسكين يا قلبي كن بالقلب سكين
والحزن كله في غيابك يجيني


أهوى رجوعك بس وينك وانا وين
عمر الزمن ما رجع الغايبينيi]

تحياااااااااتي للجميع

الموضوع الأصلي: هذي مرثيه في اعز انسان على قلبي || الكاتب: انجال الغضب || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

i`d lvedi td hu. hkshk ugn rgfd hu. hkshk ugd td i`d

منتدى دمعـــة ولـــه - الشعر وعذب الكلام- Poetry Section

---

i`d lvedi td hu. hkshk ugn rgfd ugd