دمــــــ يتيمه ـــــــــعة

دمعه على خد اليتيمه لهـا شـان
من كثر ما هي تدمع العين جفـت
في كل لحظه تنثر الدمع الاعيـان
وفي كل موقف عبرت الحزن صفت
تمسح ادموع الهم في كل الأحيان
تشكي فراق اللي له العيـن رفـت
تشكي افـراق الأم والاب سيـان
لولا العقل والدين كـان استخفـت
العالم اللي حولهـا كلـه احـزان
تبغى السعـاده والسعـاده توفـت
العيد غير العيد لو عـود ازمـان
لا جاء نهار العيـد قامـت تلفـت
تشوف كل الناس بالعيـد فرحـان
والقلب حزنه فيـه قـام ايتكفـت
كلٍ نهار العيـد يفـرح وطربـان
وعند اليتيم اشموع الأفراح طفـت
لو تشتري في ليلة العيـد فستـان
ما تلبسـه لـن السعـاده تخفـت
ما له حلى لو لبسته بين الأقـران
ماله حلـى لـو الحنايـا تشفـت
تجر ونات الأسى وين مـا كـان
وفستانهـا بالعيـد قـام ايتعفـت
تقول حظي طايحٍ بيـن الاخـوان
يقطعك ياحظٍ مـع الوقـت زفـت
غاب الفرح يوم الفرح ما بعد بان
والصوت من بعد الطفوله مخفـت
اقول وادموع اليتامى لهـا شـان
من يمسح الدمعه ترى العين جفت
وســــــــــــــــلا متــــكم

الموضوع الأصلي: دمــــــ يتيمه ـــــــــعة || الكاتب: انجال الغضب || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

]lJJJJJJ djdli JJJJJJJJJum djdli

منتدى دمعـــة ولـــه - الشعر وعذب الكلام- Poetry Section

---

]lJJJJJJ djdli JJJJJJJJJum