فله وخدامه ولكزس وجـــــــوال

بعد الفقر حطت شريحه وجـــــــــوال=يسعد مساءجوالها والشريحـه
كانت تجيني تشتكي قله المـــــــــــال=وتصيح لاجاطاري الفقر صيحه
تقول ابويه دايم الدوم رحـــــــــــــال=وامي كبيرة سن دايم طريحـــــه
وانت الوحيد اللي لك القلب ميـــــال=دايم تصارحني وانا له صريحـه
طفله وانا معشوقها بين الاطفـــــال=جريح حب وطايح له جريحــــــه
كنا سوي نرسم على التربه امــــال=وأحلام تقتلها الحياة الشحيحـــه
كم دمعة كانت على الخد تنهـــــــال=واذانزلت ضاقت عليه الفسيحــه
الله كم صرخه وهمسه ومـــــــوال=الله كم جادت علينا القريحـــــــــه
الله كـــم بيت كتبناه يخــــتـــــــــــال=واقول انا(القناص)وانتي (......)
تخيل لو مافي السماء برق وخيال=وانكذب الايام لو هي صحيحــــــه
تقول لا حطيت لك بشت وعقـــــال=وسخر لك الرحمن عيشه مريحـه
اخاف تتركني على عثره الفـــــال=للفقر ووجيه الحياه القبيحــــــــــه
وحبيتها بين الخــــلايق والازوال=حب يطول الوقت محد يزيحــــــــــه
وسلمتها قلب تباريه الاهــــــوال=وطاح الخفوق وطيحه القلب طيحه
راحت وخلتني مع القيل والقـــال=شاعر صواريف الدهر تستبيحــــه
ودار الزمان وغير الحال بالحال=وجاها الزمان بكل ورده وشيحــــه
فله وخدامه ولكزس وجـــــــوال=وانا عجزت ادفع رسوم الشريحـه

الموضوع الأصلي: فله وخدامه ولكزس وجـــــــوال || الكاتب: الأمير / سعود بن سعد || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

tgi ,o]hli ,g;.s ,[JJJJJJJ,hg ,g;.s ,o]hli

منتدى دمعـــة ولـــه - الشعر وعذب الكلام- Poetry Section

---

tgi ,o]hli ,g;.s ,[JJJJJJJ,hg