شباب يتسببون في مقتل أول فتاة تقود السيارة بالرياض ....

المشاركة الأصلية كتبت بواسطة الألم

السلام عليكم ورحمة الله بركاته
أولا يعطيكم العافية على النقل
ثانيا رحمة الله على الفتاه ( وإن لله وإن إليه راجعون )
ثالثا ليس معنى أن البنت خرجت وساقت سيارة أن المجتمع رح يخرب أو رح يصير فيه شي يا جماعة الدين يسر ما هو عسر إحنا برضوا بنات ومنسوق سيارة -
والضغط يولد الإنفجار عفوا يعني من كثر الضغط الموجود في السعودية كل شيء ممنوع إلي صار بسبب أن الشباب السعودي لا يرى نساء تقود سيارة من قبل على الرغم من ان الشباب السعودي موجود برة بلده وبشوف
فماهو عيبة ولاهو خطأ أن البنت تسوق طالما محترمة ومحتشمة ومغطية ليش شو المانع هذا من وجه نظري
ويعطيكم العافية

اولا الله يرحم البنت واسكنها فسيح جناته
والهم اهلها الصبر والسلوان
وثانيا ارد للاخت الفاضله واقولها هذا رايك انتي وانا احترمه
و السعوديه مامنعت شي وهو مباح ... يعني ماحرموا الحلال وحللوا الحرام مثل بعض الدول .. اسف اختي
واذا كان التطور والحضاره هي بان نتنازل عن شرفنا وعرضنا ونهمله .. لا يالغاليه
ولا نبي نكون مثل الدول الي نزورها ونشوف بناتها يسوقون ..
واصلا انتي تجينها زائره وماتسمعين عن فاضائحهم ولا عن سلبيات سواقة المراءه ..
و مو من المعقووول ان احد يترك اخته او ابنته تسوق وسط هالشباب الطائش
ابسط مثال هذه البنت الي راحت ضحية مظايقات
افرضي انك تسوقين وبروحك في السياره و خربت عليك السياره في خط او بنشرت ماعتقد انك راح تسلمين من بعض ضعفاء النفوس.. ولا ايش رايك ؟؟
الحين وهي بروحها الواحد مايتركها وهي وسط الناس في الاسواق شلون على الخطوط السريعه ..
والله انا مره شايف شباب يغازلون بنات ويضايقونهم وابوهم معاهم ... ولا احترموه.. وانحرج الشايب
وتفشل ... بس للاسف ماعبروه ولا كانه موجود .. كيف لو كانوا بروحهم
والاف القصص الي نسمعها ..
وهذه قصه ثانيه والله انا واحد من الشهود عليها
وصارت على جسر الملك فهد ( طريق البحرين ) كنت انا واحد من الشباب في السياره شوي ونسمع
الصراخ طلعنا من السياره .. اذا باربعه شباب يطقون شاب وثلاث بنات.. دخلنا عشان نفرقهم ..
والحمد لله فرقناهم ..
سالنا الشاب وش فيك انت والشباب .. قال جالس انا واخواتي في السياره جاء واحد منهم وقال لاختي
خذي الرقم ياحلوه ودقي علي في الليل وراح نتقابل في البحرين ..
اقسم بالله اني ماصدقت الشاب .. قلت له بالله بهذه الوقاحه .. قال اي والله وجلس يبكي المسكين .
رحنا نبي الشباب ناووين عليهم ماحصلناهم ..
شاب واخواته وتجراءو ...كيف لو هي بروحهااا ..
واعتقد ان فكرة سواقة المراءه هي فكره خارجية عشان ينالون من بلاد الحرمين حفظها الله وحماها .
ماعتقد اختي ان رايك صايب وفوق كل هذا احترمه واحترم كل راي ونسال الله لنا ولكم السداد ..
واسف على الاطاله
ودمتي