يـامـل عـيـن

يـامـل عـيـن فــي محاجيـرهـا شـــوك=والـصـدر بــه عــن لــذه الـنـوم دكـــاك
لادك فـي قلـبـي مــن الـهـم داكــوك= جاوبـت طربـات الحمايـم عـلـى الــراك
عـــزي لـحـالـك يـاعـزيِّـز وأنــــا بــــوك=كــان الـزمـان إلـلـي وطـانــي تـوطــاك
تـــراه مايـنـفـعـك خــالــك ولا خــــوك=لا صـــار ماتـقـضـي لـزومــك بـيـمـنـاك
وربعـك إليـا بـان الخلـل فـيـك عـافـوك=أقـرب قريـب لـك مـن الـنـاس يشـنـاك
إن كـثـر مـالـك صـدقـوا لــك وطـاعـوك=وإن قـــل مـابـيـدك شـانــت حــلايــاك
لوتطلب الماء عندهم كان ما أسقـوك=أبـعـد مــزارك عـــن وطـنـهـم ومـربــاك
وإن طـاب حـظـك قـربـوا لــك وحـبـوك=وإن بـــار كـــلٍ مـايـبـي غـيــر فـرقــاك
وإن أعترض لك من صروف النيـا صـوك=كـــلٍ تـبــرى مــنــك مــاهــوب ويــــاك
هـراجـة المجـلـس إلــى جـيـت وروك=مــنــازلٍ تــطـــرب نـظــيــرك بـدنــيــاك
وإلـيـا قـضـوا مـنــك الـلــوازم وخـلــوك=تفـرقـوا وأنــت إحـتـمـل كـــل مـاجــاك
كـنـك ســراج البـيـت لـلـنـور شـبّــوك=وإليا أنقضـى الـلازم حـدا الربـع طفّـاك
وإلا كـمــا ليـمـونـة الـحـمـض مـصــوك=وإليـا قـضـى مـنـه الطـعـم فـرّغـوا ذاك
وإللي يجي مـن رفقتـه ريـب وشكـوك=إحــذر عـنـه وإيــاك تـصـدف بمـسـراك
وإليا جفـوك أهـل الوطـن وأستخفـوك=قـلـع غريـسـك مـنـه وإهــدم ركـايــاك
تـراك لـو ترجـع علـى الرجـل صعـلـوك=أحسن مـن إللـي تلتجـي لـه وياطـاك
وعطهـم مقاصدهـم إليـا منهـم جـوك=وأغـلـق ضـمـيـرك لا تـعـلـم بقـصـايـاك
إن طـبـت ماحـبّـوك وإن عـبـت زالــوك=تـمـضـي حـيـاتـك نـاقــلٍ داك بــــرداك
وإلـيـا نـفـوك مــن الوظيـفـة وعـافـوك=خــفــت مـوازيـنــك وكـــــلٍ تـهــقــواك
وإصـحـى لـخــلان الـرخــاء لوتـغـالـوك=إعرف ترى أطيبهم إليا أحتجت يجفـاك
كنـك خــوي إمقـيـط دهــووك وأغــووك=وكــلٍ عـطـاك إرشــاك وأقـفـا وخـــلّاك
وإحذر عن العيلـه تـرى الحـق مـدروك=مثـل القـضـاء يـدركـك مــا مـنـه فـكـاك
وإن كان هم لمشّـرف الحـق ماشـوك=نـاظـر مطالـيـع الـفــرج قـبــل مـبــداك
وإن طاوعوا شيطان الأنفـس وهانـوك=فإصبـر عـلـى البـلـوى بدفـنـك رزايــاك
زرهــــم تــــراك إلــيــا تـونــيــت زاروك=وأمــا بـديـت لصـاحـب الـسـوء بـــاداك
مادامـهـم مــا طـاوعـوا لــك وعـرفــوك=إضرب على الكايد إليـا عمسـت إريـاك
لوهذبـو لـك إمـن المـصـاوب وضــدوك=مايذبـحـونـك قــبــل تــدنــي مـنـايــاك
وإحلم على الجاهل ترى الحلم مبروك=وقم للضعيف إللـي مـن الضيـم ينخـاك
وإدمـح خـطـا جـيـران بيـتـك لــو أذّوك=تــرى القصـيـر وحـرمـة الـجـار بحـمـاك
عطـهـم رواتــب حقـهـم لــو تنـاسـوك=فــي كــل مايـصـلـح لـديـنـك ودنـيــاك
وقم للضيـوف إللـي عنـوا لـك وضافـوك=أغـــلا كرامـتـهـم حـجـاجـك وبـشــراك
وإعرف ترى مالك من الضيـف مفكـوك=لــولاه يطـلـب حاجـتـه مـنــك مـاجــاك
وإن أعتـبـرت بسـيـرة الـنـاس كـفــوك=أكثـر مــن أيــة شــيٍ أتعـبـك وأعـنـاك
ولا تــبــات بــهــم دنــيــاك مـضــنــوك=مـا طـاب لـك مـا دام لـك وإفتـهـم ذاك
لو يطلبون إخفايـك النـاس مـا أخفـوك=الرجـل مثـل النجـم فـي كــل الأفــلاك
وصــلاة ربــي عــد الأوراق والـشــوك=أو نـــاض بـــرّاقٍ ومـــا هـــل ســفــاك
علـى الـذي مافـيـه ريــبٍ ولا شـكـوك=مـحـمــدٍ مـــــا دك بـالـقـلــب دكـــــاك

منقوله قصيدة للشاعر / سليمان بن شريم

الموضوع الأصلي: يـامـل عـيـن || الكاتب: وليد || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

dJhlJg uJdJk

منتدى دمعـــة ولـــه - الشعر وعذب الكلام- Poetry Section

---

dJhlJg uJdJk

حياك حضور جميل وانتقاء رائع
كلمات جميله فيها من الحكمة الشيء الكثير
كل الشكر