*(( طواري ليل ))*

الضيقه اللي تقلبني واقلبها يالله عساها طواري ليل وتعدي لي يوم ثالث تجاذبني واجاذبها الين شدت بيديها على يدي ما كني الا قريب من قرايبها وماكنها الا سليله من نمى جدي يا كثر ما هي لفتني وكيف أحسبها بس الوكاد بغثاها بيحت سدي اطرت لي ليل الثلاثه وامسية ابها ذاك المساء البغيض الحالك الندي قوم تفتل من الضيقه شواربها والحق معهم وانا اللي جاوزا حدي اضعفني وضعي وانا للي كنت غالبها وثوب الشجاعه غدى وماهو على قدي مابين قصر نعم وش قلت واسحبها كان الحديث الطويل المرهق الجدي حدوني ابعد ولا اقرب يم مضاربها والحق يركب من اللي كان متعدي اذكر حلفت وقسمت ارحل ولا اقربها وشلون مدري ولكن كان ذا ردي قفيت عنها اغاصب الرجل واسحبها كنه بودي وانا والله ما ودي ادري خذلت الهنوف وكنت مغضبها ماهو بكيفي زماني واقف ضدي غلبي وقتي كثر ماهو مغلبها لاهو تهيا ولا هو قابل يهدي لو هي دموعي ترد الوصل بسكبها الين تجرح وتأسمني على خدي مير البلا ما تفيد وحظ صاحبها ما طاب لحظه ولمن طاب متردي خلها على الله وانا من وقت كاتبها بصبر وبرجي عزومي واعتزي شدي الضيقه اللي تقلبني واقلبها يالله عساها طواري ليل وتعدي

الموضوع الأصلي: *(( طواري ليل ))* || الكاتب: همس الخيال || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

*(( ',hvd gdg ))*

منتدى دمعـــة ولـــه - الشعر وعذب الكلام- Poetry Section

---

*(( ',hvd gdg ))*

اضعفني وضعي وانا للي كنت غالبها
وثوب الشجاعه غدى وماهو على قدي
صح السانك اخوي همس وبصراحه قصيده حلوه ولهي قريبه عليك
تقبل مروري

صح لسانك همس

قصيده رائعه

مرت بك نسيت انساك

صــ ح ــ لساــنك ياولد العمــ ننتظر مواضيعك

صح لسان قايلها ..

وتسلم يمين ناقلها ..

قصيده مؤثره جدا ..

يعطيك العافيه اخووي ..

وماقصرتـــ ..

قصيدهـ رآائعـه كروعـه تميزكــــ بقلمكـــــ

تسلم يدكــــــــ

يعطيك الف الف عافيه على المرور الجميع لكم خالص تحياتي هــمــسـ الــخــيــالــ

صح لسانك وصح لسان شاعرها

ولا هنت

قصيدة ازدانت بالجمال والعذوبة

بإنتظار القادم

دمت بحفظ الله

المشاركة الأصلية كتبت بواسطة همس الخيال

عزيزي : همس الخيال
__________________

زمانك يعرفك بالناس

وبالناس تعرف زمانك

000000000000000

صح لسانك يالغلا

وتقبل مروري

ودمت بخير

صـح لـسـآآنـك..


ويعطيك العافية



دمت بود