عالخيانه ماهو مستغرب عليك ..

ما ألومك عالخيانه ماهو مستغرب عليكـ
لأن حبك كان زيف وأصدق إحساسك قذر

ولا أقول انك ذبحت القلب وأشواقه بيديكـ
ولا أبي لك قول كلمه بعد فعلك ؟تعتذر!؟

انت قصدك إني ابكي؟؟ لا ترى بدري عليكـ
دمع عيني ما تحدّر لأجل من يبدي غدر!!



حسبي الله في جروحي والحسيب الله عليكـ
هو حسيبي في هموم أهلكتني بالقهر

كل ذنبي كنت وافي واهدي أفراحي إليكـ
وكان حلمي لو تكون أنت الحبيب المنتظر

آه من قلبن قهرني من كثر شوقه عليكـ
بس هو اللي رماني من صعود لمنحدر

والقهر إني احبك لو تبيع وأشتريكـ
اااه منك كيف تهنى وأنت تسقيني غدر

قلتلك ماهو نصيبك يافؤادي أرتجيكـ
أتركه خله يولي لا تدور له عذر

اتركه كذاب خاين لايحب ولا يبيكـ
ولا يحس بقول احبك أو بصفحك يعتبر

لوتسامح مايقدّر راح يشرك لك شريكـ
لو تسامح راح يرجع يسقي لقلبك قهر

خان أبوه وصاحت امه وأنت قصدك يشتريك؟!
ذيل كلب ولو تعدل يرجع لوضع الصغر

والسموحه يا فؤادي طلبتن منك أرتجيكـ
وادري انه في حروقك ما يكفي لك عذر !!

الموضوع الأصلي: عالخيانه ماهو مستغرب عليك .. || الكاتب: بنت دبي || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الخواطر وروائع الكلمات Sakes and Poem

---

uhgodhki lhi, lsjyvf ugd; >> lsjyvf ugd;

منتدى دمعـــة ولـــه - الخواطر وروائع الكلمات Sakes and Poem

---

uhgodhki lhi, lsjyvf ugd; >>