اذوب بعيونك الحلوه

اذوب بعيونك الحلوه وسكرها .. وحتى الدنيا انساها ولا اذكرها
انا اللي سكر عيونك يذوبني .. دخيلك لا تذوبني وسكرها

انا ادري ذوبتهم نظرت عيونك .. وصاروا من حلاوتها يحبونك
وادري اني لوحدي لوحدي .. ساكن بكونك ولعيوني جميع الناس تنكرها

تغار وتسعد احساسي بهالغيره .. واحس اني لقلبك موطن وديره
ولاغيرك شغل قلبي وتفكيره ..... يالذة دنيتي الحلوه وسكرها

تدلعني وفيك الروح ملتاعه .. وانا روحي لدلالك دوم طماعه
معاك ودي اوقف عقرب الساعه ... وحتى عيوني ماودي اسكرها

اذا تهمس احس بلهفت انفاسك .. واحس اني انا من دفوة احساسك

واحس بكل فكرة حب في راسك .... قبل ما تقولها لي او تفكرها

وجودك في حياتي يامهنيها .... يعوضني عن الدنيا وما فيها
وروحك لا عجزت بروحي اوفيها .. على كثر المحبه ودي اشكرها

الموضوع الأصلي: اذوب بعيونك الحلوه || الكاتب: الهاشمية || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

h`,f fud,k; hgpg,i

منتدى دمعـــة ولـــه - الشعر وعذب الكلام- Poetry Section

---

h`,f fud,k; hgpg,i