وش اللي غيرك فجأه تكلم واذكر الاسباب

أنا زعلان منك حيل وشايل لك بقلبي عتاب = وأتمنى تحملني مثل مااتحمل عتابك



ترى بعض الصراحه جرح وثقل ونرفزة اعصاب = ابي تسمع كلامي زين وتمسك زين اعصابك

تعاهدنا انا وانته على انا نكون احباب = واحبابك هم احبابي واحبابي هم احبابك

وش اللي غيرك فجأه تكلم واذكر الاسباب = انا بسمع كلامك زين وبسمع زين اسبابك

رغم كل الخطأ منك فوجهك ماقفلت الباب = ويوم اخطيت في حقك قفلت في وجهي ابوابك

رخصت الغالي لعيونك وحنيت لخاطرك ارقاب = رضيت احنيها ارقابي ولا تحنيها ارقابك

كفايه تمتحني هم وخل من ذم فيني وعاب = ترى من عاب في غيرك ولو طال الزمن عابك

ولا تفكر في يوم انساك او يشغلني عنك غياب = انا اتنفسك اهواك وفيك اموت واحيابك

انا ما شوف احد غيرك جميل بفتنته جذاب = انا اعجابي فيك يفوق اعجاب اعجابك

انا مهما قسى قلبي بكلمه منك احسه ذاب = انا من زود عشقي لك عشقت العطر في ثيابك

انا ياليت مغرم فيك انا كلي فغرامك شاب = احسك جزء من روحي ولا اتحمل غيابك

ولا قد طاب لي جرحك ولو جرحي لذاتك طاب = عجزت اقدر اشوف الدمع بل اطراف اهدابك

ولكن كل شي الا جزاة الصد بالترحاب = اذا صديت ترحابي ترى باصد ترحابك

ولاني مرتضي ذلي ولو كان الهوى غلاب = اذا ما كان ترضى بي حشى لا يمكن ارضى بك

ولاني قادر اتحمل عشانك غرسة الانياب = انا كلي غدى مجروح من غرسات انيابك

تجافيني ولا همك ولا تحسب لي اي حساب = وانا من زود عشقي لك اصونك واحسب حسابك

الا ياقسوة الصدمه تجيني منك الاصواب = وانا اللي كنت اقول الجرح اذا ما صابني صابك

امانه قول وش بقيت للعذال والاغراب = اذا هذا معي طبعك اجل وش حال اغرابك

تمرد كان يحلى لك تعيب فطيبتي وتغتاب = ولكني ترى اكبر من اني يوم اغتابك

انا عيبي غبي طيب وظني فيك والله خاب = ولا قد كنت اتوقع تجافي يوم اصحابك

انا جيتك بطيب الطيب وفيك الطيب ابد ماجاب = ابي تعذرني هالقسوه لأن الطيب ماجابك


اتمنى تعجبكم

جريح المها

الموضوع الأصلي: وش اللي غيرك فجأه تكلم واذكر الاسباب || الكاتب: __________ || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

,a hggd ydv; t[Hi j;gl ,h`;v hghsfhf hghsfhf j;gl ydv; t[Hi ,h`;v

منتدى دمعـــة ولـــه - الشعر وعذب الكلام- Poetry Section

---

,a hggd ydv; t[Hi j;gl ,h`;v hghsfhf

قصيده معبره ..
تحمل .. بين طياتها ..
تشبيه بليغ..
فيها اسقاطات رائعه ..
فيها حكم ابلغ من بليغه ..
جل تقديري لبوحك .. ولروعة فكرك الراقي ..
ما ننحرم

صح لسانك وعلاشانك
روووعه القصيده وكلماتها قووويه بصراحه
لــ حــرفك عطرر ووجوودك
كلمات نابعه من قلب صادق وصدوق
وقلباً ملي بالحب
قلب كله مشاعر واحاسيس عذبه
يسلم هاا الـقلب وصااحبه
كان لريشتك موعد مع الابداع .. فالتقيا
فكانت ثمرة هذا الللقاء ..رائعتك هذه
تقبل مروري واكليل ورودي

يعطيك العافيه

اخوي الغالي عبادي

يسلموووو على المرور

يعطيك العافيه

اختي احساس

يسلموووو على المرور

أبدعت ,, وأبدعت


من أجمل القصايد اللي قريتها ,,



مقدر أقتبس شي ..كل القصيده من أولها لأخرها كبيره


يسلموو

تقبل مروري

يعطيك العافيه

اختي نووف وجودك الابداع

يسلموووو على المرور

صح لسانك

الله يعطيك العافيه

ذوقك رفيع ياجريح المها


يسعدك ربي

صح لسانك

والله يعطيك الف عافيه

جريح تسلم وتسلم يدينك

صح لسانك اخوي جريح ع القصيده المعبره

يعطيك الف عافيه ولاهنت يالغالي