للحـــــــــــزنـ

تأملني الأيام شوفك ولقياك = ياهقوتي يكذب علي الامل فيك
صرت أفتعل هرجن يوصل لطرياك =ماقصدي الهرجة علشان نطريك
تحلابك الاوقات وإن غبت ذكراك =تجعلك من نفسي قريبن وتدنيك
أسلا بها بايام فقدك وفرقاك =كني لحالي وانت فالبال مخفيك
مامرةٍ فكري لشيٍ تعداك =أصحاك في يومي وبالنوم أناجيك
ان كان غيري لاتغيبت يسلاك =أنا شريط البعد للبال يذكيك
للحزن مسحة ترتسم في محياك =تضفي على وجهك خشوعٍ يحليك
عرفتك نفسي يوم عيني تملاك =وهذا الذي للعين وضح معانيك
لولا السجايا طابقة مع سجاياك =كان الذي قربك مني مقصيك
تصلاني همومك والايام تصلاك =أشقاك في عمري والايام تشقيك
صابر سنينك لوتطيش وتحداك =لابد تسفر عن فرجها لياليك
واعلم ترى بالكون ناسن تمناك =من عمرها لوتملك العمر تهديك
لعل هذا يوهون أثقال دنياك =ويضفي على نفسك معاني تسليك
لاتشتكين وتضعف لطول ممشاك =الضربة الي ماتهدك تقويك

الموضوع الأصلي: للحـــــــــــزنـ || الكاتب: الحـ ـزن الأكيـ ـد || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

ggpJJJJJJJJJJJ.kJ

منتدى دمعـــة ولـــه - الشعر وعذب الكلام- Poetry Section

---

ggpJJJJJJJJJJJ.kJ

الحـ ـزن الأكيـ ـد

صح لسانك على هالأبيات الرائعه
واللــه يعطيك الف عافيه
ولا هنت يا الغالي

تحيااااتي
وحيــد

صح لسانك اخوي الحزن الاكيـــد

يعطييك العافيه

سلمت ودمت

يعطيك العافيه

و ننتظر جديدك بفارغ الصبر