دنـــيا العجايب

دنـــيا العجايب



قصيده اعجبتني وحبيت انقلها
لكم للاسف ما اعرف شاعرها






دنيا العجايب والعجايب إشاره
في قرب يوم ٍ يابشر ننحشر فيه
أحوال هالدنيا خسارة بخساره
والله يستر عمرنا كيف نقضيه
تشوف ما يلفت نِظَرْك بإثاره
شي ٍ غريب ٍ شوفته ما تدانيه
هالوقت ناسه تتصف بالحقاره
تمشي بطريق ٍ الشرف ما مشى فيه
تحسب سواد الوجه فن وشطاره
وهذا كلامي واعتبر من معانيه
أيام عمرك عدّها كالتجاره
اربح في يومك قبل بافلاس تنهيه
لا تتبع اللي راهنك بالخساره
يوهمك في وده وهو الحقد ماليه
اللي يقول الوقت عصر الحضاره
ماشي طريق ابليس وابليس مغويه
بافعاله الشينه يجيب الصدارة
يكسب من ايدينه ذنوب ٍ تغطيه
ولا ينحدر قدرك مع اهل القذاره
جنب عن الواطي واحذر تماشيه
لو كان به خير ٍ حفظ عرض داره
اللي يدنّس عرض الأشراف بيديه
بكره الزمن ياخذ من الدّين ثاره
وراسك بيدّك ترفعه او توطيه

الموضوع الأصلي: دنـــيا العجايب || الكاتب: العراقي || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

]kJJJdh hgu[hdf

منتدى دمعـــة ولـــه - الشعر وعذب الكلام- Poetry Section

---

]kJJJdh hgu[hdf