توّك صغيره وابتديتي تحبين + من علمك ليل السهر ياصغيره ؟

توك صغيـره وابتديتـي تحبيـن
من علمك ليل السهر ياصغيـره ؟
بدري عليك العشق يابنت هاللحين
حرام هذا القلب وشهو مصيـره ؟
انتي بريئه في الهوا ليه تشقيـن ؟
دروبه طـوال ٍ عليـك وعسيـره
رحتي بدرب ٍ ماله اصلا ً عناويـن
وانتي مشاويرك من اول قصيـر ه
ياطفلة ٍ حبّت وراحت على ويـن ؟
عقب الهنا ذقتي الحيـاه المريـره
وينك ووين الحب والشوق والبين ؟
عنّيتي عيونك وصرتـي سهيـره
امحق تسلّـي كـان ودّك تسلّيـن
الورد لولا اللون وشهو عبيـره ؟
خلّيتي دروسك وصرتـي تحاتيـن
الدرس في ديره وصرتـي بديـره
وصرتي بعد من غير هذا تغاريـن
والمشكله يابنـت منتـي خبيـره
نصيحتي لـك كـان ودّك ترديـن
يـم السعـاده والحيـاه المثيـره
خلّـك بجـو العايلـه لا تعـدّيـن
ماما وبابـا والعجـوز الضريـره
شيبانك اللي مـا يبونـك تعانيـن
من بينهم عشتـي كأنّـك اميـره
الحب قبلك هـز نـاس ٍ كثيريـن
خلاّ القلوب تعيـش هـم ٍ وحيـره
الحب يفضح لا انكشف داخل العين
وانتي بنفسـك ماهقيتـك بصيـره
طيعي كلامي واحذري لا تماديـن
تراجعي لاعل فـي الأمـر خيـره
عيشي الطفوله والبراءه لك سنين
وبعدين حبـي لا غديتـي كبيـره





للشاعر الكبير / حمد بن سعد المسرع

الموضوع الأصلي: توّك صغيره وابتديتي تحبين + من علمك ليل السهر ياصغيره ؟ || الكاتب: سعـود الـغامدي || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

j,~; wydvi ,hfj]djd jpfdk + lk ugl; gdg hgsiv dhwydvi ? lk hgaiv jpfdk j,~; dhwydvi wydvi ulg; ,hfj]djd

منتدى دمعـــة ولـــه - الشعر وعذب الكلام- Poetry Section

---

j,~; wydvi ,hfj]djd jpfdk + lk ugl; gdg hgsiv dhwydvi ? hgaiv ulg;

أخي الكريم سعود
تسلم يمينك على هذا النقل الرائع

راقي بذوقك وإختيارك

فقد نقلت لنا مشاعر وكلمات وأحاسيس رائعة
لاهنت دمت بود

صح لسان قايلها

وتسلم على النقل الجميل



دمت لنا بالعطأ

اخي الغالي .. القصيده

لك شكري وتقديري

على اطلالتك الرائعه

تقبل خالص التحايا من اخوك الصغير .. سعود الغامدي

اخي الغالي .. خالد

لك شكري وتقديري

على اطلالتك الرائعه

تقبل خالص التحايا من اخوك الصغير .. سعود الغامدي

أخوي

سعود

تسلم يمينك على هذا النقل الرائع

وصح الله لسانك وتسلم يمينك

لك كل الود

وكن بخير