قصيدة للبنات المستعجلات على الزواج

لا تحسبين العرس توفـي وكتكـات ....
ولا تحسبينـه تويـكـس والا بونـتـي

ولا تحسبين العرس كيكة وطرطـات ....
وصلـة قطعتيهـا ووصـلـة بلعـتـي

ولاتحسبين العرس وأصوات ....
وانت علـى صـوت الغطاريـف همتـي

ولاتحسبين العرس كوشـة ولمبـات ....
وانـت كمـا الطـاووس فيهـا جلستـي

ولاتحسبين العرس احلام في الشات ....
يـامـا بنيتيـهـا ويـامـا هـدمـتـي

ولا تحسبين العرس روحة وجيـات ....
هيـا اقضبـي بيتـك عسـى مانهبلتـي

ليلة سعيدة وانت أحلـى الجميـلات ....
تشخـص عيـون النـاس إذا حضرتـي

(والألاينر) حطيـه بــلا زيــادات ....
لا يـخـرب المكـيـاج إذا دمـعـتـي

(والمسكرة) تحتاج لطـف ومـدارات ....
حتـى يـبـان الـزيـن اذا رمشـتـي

(والاسبريه) رشيه حتى البصيـلات ....
يمسك شعـرك زيـن لـو كـان زدتـي

وترى(المحدد) فن يحتـاج رسمـات ....
يبـان رسمـه زيــن اذا ابتسمـتـي

العـرس يابنيـة ماهـو شعـارات ....
تفنـى مراسيـمـه وتبقـيـن انـتـي

ويبقى شريك العمر راعي الطويلات ....
هـذا هـو العـرس حقيقـه عرفـتـي ؟

أول نصيحة لـك حفـظ الصلـوات ....
صلي العشـا والفجـر فـي كـل وقـتِ



وفي ليلة العرس الموفـق بالـذات ....
! ادعـــي الـكـريـم إذا سـجـدتـي

والتعري لاترضين عند الكوفيـرات ....
ولبسـك يملـى العـيـن إذا لبسـتـي

واللي على زوجك تحرضك مـرات ....
أرجـوك شوتيهـا شـوتـت بلنـتـي

والصبر في العشرة حتى على فتات ....
يامحـلا فعلـتـك يـومـك صبـرتـي

واذا حفظت السـر مـع المـدارات ....
زوجـك تـرى فـي عيونـه كبـرتـي

والسوق يعني هاه وقت الضرورات ....
والا تـرى زوجــك يــدور لمفـتـي

زيدي الغطاية وكثري في العبايـات ....
والله يـرضـى عـنـك إذا ستـرتـي

أوصيك بالكبسـة وكثـر اليدامـات ....
حتـى لو انـك مـن سببـهـا متنـتـي

وخلي الرجيم اللي فشلتي فيه مرات ....
سـويـه مــرة واحــدة لا ولـدتـي
منقول

الموضوع الأصلي: قصيدة للبنات المستعجلات على الزواج || الكاتب: اهم شي مستانسين || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

rwd]m ggfkhj hglsju[ghj ugn hg.,h[ iihi

منتدى دمعـــة ولـــه - الشعر وعذب الكلام- Poetry Section

---

rwd]m ggfkhj hglsju[ghj ugn hg.,h[ iihi