[ هالشّـكل ] = [ كذا ]

تضحك تقول أموت بك لاقلت كلمة (هالشّكـل)
ياحلْوَها لاقلتها.. وإلا احنـا / كلمتنـا (كـذا)
يابنت.. جوزي عن سواليف اللكاعـه والهبـل
وإلا انتـي مـا والله وراك إلا المشاكـل والأذا
ما كل شـي ٍ تشتهينـه.. تحسبينـه ينوكـل
قولي هو اللي سابقك بالدرب هذا..وش خـذا؟
بس اتركي عنّك علاقـات الصياعـه والغـزل
وإن أشَْكلَتْ لك هالشّكل! روحي اقلبيهـا هكـذا
مانيب أنا اللي يجذبه مدحك وترتيـب الجمـل
خذي الحكي من قاصره: لو تبعدي... ياحبـذا
مدري؟؟ و لك فتره تبين تكلمين بـأي شكـل!
نوعيتك (متعوده .. دايما ً) تحـب هـذا.. و ذا
يالعنبوا اسلوبك صراحه مـا يجاريـه الخبـل
ولا يدوس الشوك غير اللي على دربـه حـذا
يمكن أفكّـر أعشقـك.. إذا بقيـت بـلا عقـل
بس احتريني/ واحتري متـى تجـي كلمـة إذا
والله يا إن البنت روعتهـا بحياهـا والخجـل
والموت لا بيّن خجلهـا.. شفتهـا ورد وشـذا
هذي قصيده قلتها من زود قهري فـي عجـل
ولا بعد ودّي تطول السالفـه أكثـر ... لـذا :
والله تراني ماهضمتك .. بس / كيفي / هالشكل
وإن مافهمتي هالشكل .. ترى بلهجتكم كـذا

راقـــــــــــــت لي

الموضوع الأصلي: [ هالشّـكل ] = [ كذا ] || الكاتب: نسيت أنساك || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: قسم فرعي : [ صوتــيــــات ] ... للقصائد الصوتية والمرئية .. والشيلات.

---

F ihga~J;g D =

منتدى دمعـــة ولـــه - قسم فرعي : [ صوتــيــــات ] ... للقصائد الصوتية والمرئية .. والشيلات.

---

F ihga~J;g D = ;`h