اما تدري اني من غيابك الى ذا الحين
....................وانا مالقيت من السعاده ولاحاجه
صحيح اتظاهر بالتسلي مع السالين
....................وصمتي كشف خاف الحشا واشعل سراجه
ويقولون وشبك ياولد واضحٍ بالعين
....................تخفي لك اشواقٍ بالاعماق وهاجه
واقول اركدوا مافيه لي في يديكم زين
....................دوى القلب غايب .. والخفا حيل محتاجه
كتمت المشاعر لي مايقارب الشهرين
....................ولكن فضحني زايد الشوق بازعاجه
عسى الله يقصّْر غيبة اللي ملك قلبين
....................ويعيده لمنهو يرتجي حلت افراجه
قسى .. أي ورب البيت في غيبته والبين
....................يطاول لقلبي كل ماطال منهاجه
الا من يبشرني يقول الربع لافين
....................ويحيي امل قلبٍ خفاه الالم داجه