وادعتها بالمطار وكنه اخر لقا
..........واهدتني الورد واقفت والمحاجر تسيل


واقفت ودمع العيون لوجنتيها سقا
..........وانا اعتبرت اني بدنياي عابر سبيل


خابر حظوظي ماهي والسعد دوم ارفقا
..........ضدين لاشافت اللي يسعدن بي تميل


وكنيت في صدري الضيقه وهمٍ بقا
..........وقعدت اطالع وهي تقفي وقلبي عليل


وجريت بين المحاني من عناي ارفقا
..........ونات جوفٍ به من الهم ليل طويل


وقبل انها تقفي ادنت لي كلامٍ نقا
..........تأمنن صحتي لاهمل لها لو تطيل


لو طالت الغيبه احافظ على مابقا
..........وادرا على صحتي لو كان جسمي هزيل


قلت: اييييه عزاه لو تدرين صدق النقا
..........والله من الضيقه اللي ماوجد له مثيل


وراحت وانا رحت واملنا بربي لقا
..........عقب الموادع متاهات المفارق يزيل