توادعو
توادعو يااهل القلوب المواليف.................تـوادعـو قبـل الليـال تحــداكم
باكر الى منه بدا حاضي الصيف
.................وكلٍ نوى سكه صعيبٍ لقاكم
احدٍ يبي باريس والا يبا جنيف
.................واحدٍ سكت ماقال ابمشي وراكم
واحدٍ ظروفه حدته بالمواقيف
.................وغابت به ايامه عن ارض وسماكم
في وقتها يصعب لقاكم على الكيف
.................وتحـدكم ســود اللـيـال بضـمـاكم
لكن قبل سود الليال المغاليف
.................توادعو قبل الزمان يحداكم
الله يسهل دربكم بالمواقيف
.................ويفرج لكم فرقاً طرفها وطاكم
هذي وصاتي قبل مايبدي الصيف
.................وقبل النجوم تغيب باعلى سماكم
ومن تجربة سود السنين المناكيف
.................درس السـنين اقـدمه في مـداكم
قبل الليال بوقعها يحصل الحيف
.................وقبل تـدوس اقدامها مبتـغـاكم
ومصير الايام القريب المشاريف
.................تثبت ثمن هرجٍ من افمي نصاكم
وتوادعو يااهل القلوب المواليف