ياكثر شوقي بقلبي لكن آدسه
،،،،،،،،،،،،،،،،،،،،،ماودي انه جميع انسان يقراني







نوبٍ يجي شامتٍ من ناس مندسْه
،،،،،،،،،،،،،،،،،،،،،ونوب اخشى فيّ يشمتْ بعض عدواني





واضحك غصب خوف تعرف خِفيِة الرسْه
،،،،،،،،،،،،،،،،،،،،،ومن قبل الاقصى عليّه يضحك الداني





واكمى عذابٍ بقلبي دايم احسه
،،،،،،،،،،،،،،،،،،،،،خوف المناقيد من ربعي وصدقاني


واظل ساكت لو ان القلب قد حسه
،،،،،،،،،،،،،،،،،،،،،زود الغلا اللي محرّقّ في وجداني



واعماقي اللي من اهوا الوقت منمسه
،،،،،،،،،،،،،،،،،،،،،بانت على ظاهري لو فيه نكراني



يالوعتي ياخفوقٍ خافّيِه مسه
،،،،،،،،،،،،،،،،،،،،،زود العذاب اللي اشعل في نيراني



اقاوم الوجد واضحك واخفي الهسه
،،،،،،،،،،،،،،،،،،،،،بس البلا لانظر بي شخص باعياني


ترسم ملامح حزن في شوفها تحسه
،،،،،،،،،،،،،،،،،،،،،باين بها ان الزمن هذا توطاني