ينجـرح قلـب.. لكـن ترتـفـع هـامـه
والله اني لامـوت ولاينحنـي راسـي
لــو رمـانـي زمـانـي وسـط..دوامـه
العواصف شديده .. والجبل راسـي
أنقل الحزن وامشي منتصـب قامـه
قاسـي الوقـت .. لكنـي بعـد قـاسـي
واسمع الحلم يصرخ لحظه اعدامـه
رابط الجاش ... ماهز الخبر باسـي
عـزتـي غالـيـه ..والـنـاس سـوامــه
قلـت ماابيـع حـتـى تقـطـع انفـاسـي
زانت ايـام عمـري .. شانـت ايامـه
مارجيت العزى من رحمـة الناسـي
مـن عجـز لايــدوس الـهـم باقـدامـه
لازم انـــه مــــع الايــــام يـنـداســي
يندمل جرح القلبٍ ..ماتـت احلامـه
بس ما اظن يبرى جرح الاحساسي
يوم صـارت مابيـن القلـب والهامـه
وش ابـي بالحيـاة الياانحنـى راسـي
|