نافق تعيش وجامل الناس تنحـب
وبيع الضمير تشوف كلن يجيلـك
هذا هو المنظور في وقتنا الصعب
أما تزيل الصـدق والا يزيلـك
الصدق ماله لازم بعالـم الكـذب
حتى الطفل كـذاب يالله دخيلـك
كذا أنكتب نعيش حاله من الرعب
مابين شك وخوف صبحك وليلك
نمشي مع التيار من وين ماهـب
وأترك عّنك من قال قلبك دليلـك
أن عشت في نيه تحارب وتنسب
ولاعاد تلقـى بـالاوادم خليلـك
ياللعجب ويش العجب ؟ لا تعّجب
لو ماتجامل صاحبـك مايجيلـك
تدري من المحبوب من يتقن اللعب
لاغبت عّنه فيه عشـرة بديلـك
خطة صداقه تشبه لخطة الحـرب
أن ماكسبت المعركة وش حصيلك
ونافق تعيش وجامل الناس تنحب
بيع الضمير تشوف كلن يجيلـك
|