بيانات اضافيه [ + ]

رقم العضوية : 9206  تاريخ التسجيل :  Nov 2010  أخر زيارة : 04-14-2012 (11:03 PM)  المشاركات : 16,089 [ + ]  التقييم :  10  الدولهـ  الجنس ~  MMS ~

لوني المفضل : Black

وقّف ابا اخذ لي نفس لحظات لو ماهـو عميق
مبطي وانا ابعثر شتاتي فيك و اجمع فـ الشتات


البارحة جنب البحر و احس بإحساس الغريق
يعني لو اغرق فالبحر بـ احس بإحساس الحياة ؟!


البارح : النسيان ، ولّعها على راسي حريق
طفيته بدمع ٍ نبش فيني فتـيـل الذكريات !




شفت السهر : خطوة قصيدة ما لصاحبها طريق!
حتى حيا بي داخل الاعماق رغبة فـ الممات


من خلف قضبان الكلام اعيش في صمتي طليق
كني شجاع ٍ ماتوا عياله بعد قال الوصـات


كم لي على حطت يدين الجرح و طعون الصديق
يوم الوجيـه تمرّني لا مـر طاري للمبات


ليه الفراغ يخلي الـ(1)ـواحد على نفسه يضيق
ليه المحبّة " تجربة مُرّة " وهي سكر نبات


والبوح في سباته متى بالله على اوراقي يفيق
متى يفيق البوح فـ اوراقي بعد هذا السبات


اشعر بشي ٍ اجهله من وين لي وصفٍ دقيق
" اكبر من الاحلام و اصغر من صغار الأمنيات "


تدري ابا اسكت ودي آخذ لي نفس لكن عميق!
عشان اشتت ما جمعته مالي و هذا الشتات