بيانات اضافيه [ + ]

رقم العضوية : 4109  تاريخ التسجيل :  Mar 2008  أخر زيارة : 04-25-2010 (12:09 AM)  المشاركات : 504 [ + ]  التقييم :  10

لوني المفضل : Cadetblue

اللي بقالي مع الايام وفيته



والضيق لوينهمر تشربه ودياني !!


ماهي كبيرة علٌي والحزن غنيته

ولاهي غريبة إذا وقتي تحداني


الخوف .. يا من نبشت القلب وادميته

لاعشت زهرة شبابك وانت وحداني


كم جرح خذته من الأحباب ضميته

وجروح قلبي زكاة الحب خلاني


مطعون.؟؟ عادي ..بدفى الأقراب داويته

تعبان.؟؟ مبطي .. ردى هالحظ خاواني


صدمة.؟؟ بسيطة .. هوانا الحال مريته

مقرود.؟؟ أدري .. واذا الحرمان عداني


ما فاح هم لك الله ما تقهويته

ما مر حزن بغيري ما تبلاني


ياما وياما من الخذلان عديته

إلا بــ صاحب بعد عشره تناساني


ازريت لأنسى غيابه لين ناديته

والموت لامن تجاهلني و جافاني


وينه يجيني وكل عتاب كنيته

ياليت يدري بعد فرقاه وش جاني



من كنت طفلا وانا ارجاه في بيته

شيبت واثره على هالحال خلاني


حتى جناح العتب لرضاه ذليته

ما طرت بعده فرح من ذل جنحاني


يا قلب صبرك ترى كل شي سويته

ماكان افضل من اللي كان بإمكاني


لو بي قوه على الهجران خليته

لو بي ذره من النكران يفداني


.

.



الجرح ارحم اذا يرجع من اغليته

مجروح.؟؟ فدوة .. ولكن صعب



وحداني