سما البارحه ماشفت فيها قمر ونجـوم

مطرها رذاذ هيـض الساهـر الشاقـي

يطيب السهر لخاطر الضايق المهمـوم

مثل ماتطيب العـام لرقـادي احداقـي

ويزين القصيد الهاجس العاشق المحروم

مثل مايزين العود من رشـة الساقـي

والافكار قبل اختار طاروقهـا المنظـوم

تسأبق بعضها شفها المستوى الراقـي

الا ياوليفـي ماتوالفـت انـا والنـوم

لي ايام تندبني على شوفـك اشواقـي

الا ياوجودي كان ماجات منـك علـوم

وعقب التلاقي يطوي غيابـك اوراقـي

علي الصبر ياناعس الطرف بالمقسـوم

وعليك الصبر لو ماهوت نفسك افراقي

مادام اسم محبوبك ماجاء قبله المرحوم

على العهد باقي يابعـد عمـره الباقـي