بيانات اضافيه [ + ]

رقم العضوية : 128  تاريخ التسجيل :  Mar 2006  أخر زيارة : 11-20-2010 (12:36 AM)  المشاركات : 137 [ + ]  التقييم :  10

لوني المفضل : Cadetblue

معشوقة الدفتر رمت كاهـل الهـم
عن صدرها الحبري وتبغى الأمانه

تنشد عن اللي ما كتب همّه الكـم
ولا همّه أنّه يُكتب فالصـدر خانـه

تنشد عن اللي لملم حروفهـا لـم
أخـذ أمانـتـهـا وعـاد لـ زمانـه

أمانـةٍ مـا شالهـا شيـخ مهتـم
ولا شالها شاعر طغى في أوانـه

الشاعر اللي شالهـا يغـرق اليـم
شاعر مدد شاعر هـدد عنفوانـه

شاعر قراله العمى وأسمع الصـم
يا شاغل الدنيـا وعالـي مكانـه

ياما رفعت القبّعـة دونمـا اعلـم
وأكتب علـى قافـه وأردد بيانـه

في حضرته كل القصايـد ترنـم
وأجمل بيوت الشعر تُكتب عشانـه

يا سيدي معشوقتـك مالهـا عـم
إلاّ قلمك وصهوتـه مـع لسانـه

كل القصايد تنتظر قلّهـا ... تـم
عوّد وهذا الشعر روّض حصانـه

يُراق لك يا سيدي أحمـر الـدم
لاجل الشعر يرجع ويرجع زمانه