أنت بوح الشعر يا مترف زمانه
مـا توفيّك الحروف الأبجدية
فيك سحرٍ يذبح العاقل جنانه
ما يجي حوله ولا مثله وزيّه
بين كل الغيد دانه عقب دانه
لا بدوية شابهتك ولا حضريّة
رغم ثقلك ! خطوتك فيها ليانه
تشطب اللي حولك بنيّه بنيّه
ريحة انفاسك هبايب قحويانه
وعطر صدرك ما تضمه مزهرية
في عيونك طيبةٍ تقلب لعانه
لو تسل رموشك شويّه شويّه
لا تقفيّتك أقول المووووت عانه
وان نطحتك قامت الدنيا عليّه
جبت لك قلبي وسلمته أمانه
والأمانة خلها .. راحت هديّة
باعتبرها راحت بحكم الميانة
من نداك يدين محبوبك نديّه
قلبك اللي مد لي صافي حنانه
يستحق انه ينال الأفضليّه
من عرفتك وانت حاجز لك مكانه
ما تزعزها الرياح الموسميه
لو فلانة سالفتها مع فلانة
عن غيابك والعواصيف القويّة
لك بقلبي عن سوالفهم حصانه
خابرٍ قلبك ونار الشوق حيّه
غب على كيفك وقلبي بــ امتنانه
كل يوم يصب شعره شــاذليــة...!
|