بعض البشـر يجبـرك لازم تـوده
وتكن لـه اعلـى معـزه وتقديـر
لو كان ما يملك مـن المـال شـده
ولا حايز منصب ولا عاشـر اميـر
يبقى عزيز النفـس نفسـه تحـده
ما جابـت المنقـود لله ولا يصيـر
يوم مـن الايـام محسـوب عـده
يبقى طويل الباع لو كفـه اقصيـر
يا صاحبي هاج البحر جـاك مـده
في جوف صدري كاتمـه للمقاديـر
واليوم فاض الكيل .. بيحت سـده
مبطي وانا اشوفك ترا بعيني اصغير
ترا الرجل لا سـب عمـه وجـده
يطيح من عيني ولا لـه مساميـر
حاولت احايل مـوج فكـري وارده
واتلمس الاعذار مـن دون تفسيـر
قلت ابخنه يا قلـب لا جتـك شـده
والا الرخى واجد من الناس معصير
ومثلت لـي شـده وجيتـه بجـده
وبخنت انا خرط الحكي والمزاميـر
الخيـر بعـض النـاس لازم تلـده
ومن رافق الخايب ترا ما هو بخير
|