متى على الله يطرب العمر ويـاك
متى نعيش أحلامنـا فـي سعـاده

ومتى عيوني تهتني يـوم رؤيـاك
وأنسى انتظارك والسهر وأجتـلاده

ياصاحبي يلعن أبـو مـن تجافـاك
حبك فـي قلبـي قابلـن للزيـاده



أغليك حيل وكل مافينـي أغـلاك
أنت غـلا قلبـي وخفقـة فـؤاده

العين شاطي واصبح القلب مرساك
وموج الغلا فيني تصافـق مـداده

أنت الوحيد اللـي أحبـك وأهـواك
في داخلـي حققـت كـل الريـاده

مالي بغيرك يالغـلا غيـر لامـاك
مهما قسـا وقتـي وزود عنـاده

ومهما منعونا وازرعوا دربنا اشواك
تبقـى غـلا قلبـي وتبقـى وداده

وتبقى شجوني تنتظر يـوم لقيـاك
هذا منى عمـري وغايـة مـراده

ومتى على الله يطرب العمر ويـاك
ونشكي عذابـن للمحبيـن عـاده


مع تحياتي ..
وحيــ الدرب ـــــد