ترسل تقول اكتب جديد وقلت من وين الجديد؟!!
تبلدت كل المشاعر واكتئبت بهالحياه..!!



احساسي الشعري تبلد مايبي له من مزيد
واكبر مصيبه فالمشاعر لافقْدْت طوق النجاه



اول مع احساس المشاعر يقدم الشعر الفريد
واليوم متضجر ولاعبر ببيت او في سواه



كنت انثر احساس المشاعر فيض والمعنى كويد
واليوم مالي غير دعواتي عن الهم ولقاه



اخشى اذا عبرت عن شيٍ تسببت المزيد
باحساس من وده سكن خاف الضماير منتهاه



واخشى اذا قلت الشعر خانت هقاويه الوريد
وانقص حبلٍ لانقطع راحت حياتي في مداه



الصمت صار بصحبتي يفخر وله رايٍ سديد
والشعر ماله عندي الا الصمت عن كثر الحكاه



غامت سماي ولامطرت والارض عطشانه اكيد
والارض جردا مير ماملك في يدي طوق النجاه



مير
المعذره
يامدورة
المشاعر..
. بالوتيد
شيٍ غلب تعبيري الشعري بخافي محتواه