............ يا كثر ما رددت ودي و ودي .....

صحيح شاعر والشعر محتويني =وأدري أحاسيسي أحاسيس شاعر
والموت ماهو موت الأحساس فيني=الموت أحساسي بموت المشاعر

ياكثر مارددت ودى وودي=واللي بودي ماحصل لو تمناه
لاجيت أحقق ودى الوقت ضدى=وأن قلت ودى جاتني منه غاراه
تقصف أمانيي وانا قول هدى=هدى زمانك خالف العرف ممشاه
يمسى يقول ان المنى ملك يدى=ويصبح حياتي كلها ملك يمناه
حتى الحلم لو كان من عذب مدى=يسرق خياله قبل الاعماق ترواه
وان قلت أبي حلمي غدى الكل ندى=حتى الوجوه اللي تبسم لي شفاه
لا ناظرتنى نظرته في تحدى=مدري علام الناس وش فيه وش جاه
نقيضها المذهل للأعماق هدى=وماعدت أميز داني القوم وأقصاه
وبالجو لي نظره اذا الطرف لدى=أشوف منها معجم الوقت واقراه
اقري به أصنام ٍ على كل حدى=وأشباح وأشكال ٍ غريبه وأشباه
والصرخة اللي صوتها مايودى=مكنونها شيله على أشناب شرواه
والحارس اللي بين جيد ٍ و قدى=يسرق عبايرها وهى تحمي أرجاه
تعطيه من عطره مع الورد ندى=وهو في جناب الليل يطعن محياه
بالمختصر معذور لو باح سدى=دام الأمل محسود في حلـم لقيـاه
شي ٍ يخلي هامـت الشـوق تنـدى=دمع ٍ على خد القمر ينثـر أشـلاه
واللي بودى حدنى غصـب حـدى=على التمنى بين لولا ولولاه
أسهر وأردد أسمها دون عدى=وأنسى شواطي رحلت العمر وياه
وأسلى معه ما بين مزح ٍ وجـدى=وأهمس له بصوت ٍ من الوجد لباه
وأقول أقرب وأمسك أرجوك يدي =لاتسري الفرحه والايام عجلاه
ولا تحسبنـى بالعمـر تـو أهـدى=راحت حياتي وأجمل العمر فتناه
ياودى اللـي ماحصـل منـك ودى=ليه الحلم ننساه من قبل نصحـاه
وياليت حلمي بيـن عينـي وخـدى=منزاله جفونـي والوجـان مفـلاه
يسرح ويمرح في خيالـي وسهـدى=واليا حضر قلبي من الشوق حيـاه
وأقول منهو بالله اليوم قدى=له صاحب ٍ يضحك على البدر لو جاه
الصاحب اللي له خفوقي مـودى=ولوهو مجافني عسى الـروح تفـداه
ويفداه قلب ٍ جاوز اليوم حدى=ينوح بأسمـه كـل مامـر طريـاه
قلب ٍ عجز لا يخدعه كل قدى=لو ميلت قدام عينه تحاشاه
قلب ٍحنون وقال ياهوووه ودى=أحظن خيالك لو بالاحلام والقاه

المشاركة الأصلية كتبت بواسطة الـــحــل الــصـعـب وأقول أقرب وأمسك أرجـوك يـدي لاتسري الفرحـه والايـام عجـلاه ولا تحسبنـى بالعمـر تـو أهـدى راحت حياتي وأجمل العمـر فتنـاه الله على الكلمات ... جمال وفن وروعه يعطيك العافيه على المشاركه الجميله واطلالتك الاجمل ... نحن بانتظار جديدك msn-winkاخوك الحل الصعبmsn-wink

المشاركة الأصلية كتبت بواسطة تـــــــــركي الله يعطيك العافيـه القلب الحنون صح لســانك وسلم قلمك وقلبك على هذاي الكلماات اللتي هي أكثر من رائعه~ وحقيقتها المعبره ويألله لها من جمال حقيقي يعبر عن طريق الشعر وتســلم يمنـــاك.............ونحن بإنتظار جديدك دمتم بود أخــوك/تــركــي

المشاركة الأصلية كتبت بواسطة اميرة الليل كلمات تحمل كل احاسيس الحب والاشتياق وبين طياتها روعة المشاعر دامت لنا خطوات ابداعك واطلاله القلم المبدع

المشاركة الأصلية كتبت بواسطة الأمير / سعود بن سعد اخوي القلب الحنون صـــح لسانــك والله يعطيك الف عافيه تقبل تحياتي