طلبتكم فهموني إيش هذاا؟

السلام عليكم و رحمة الله و بركاته

موضوعي بيكون في قمة الصراحة و أتمنى ردودكم تكون بشفافية تامة

أنا مو صغيرة أول شي
عمري 27 سنة
ماشية طول عمري أون لاين
يشهد علي الرقيب أني ماكنت أبد أبحث عن الاعجاب و حركات البنات هذي الايام
بدأت قصتي قبل 3سنوات لما دخلت الموظفة الجديدة (ن) على مكتبي
وهي في بداية العشرينات
اول شي لفت انتباهي لبها و ابتسامتها الواثقة
ومع التعامل صرت انجذب لها كثيير

والله ما أبالغ ان قلت صرت أفكر و اهوجس بها ليل نهار

حاولت اكسب صداقتها و حبها وبذلت اكبر مجهود
حتى تقربت منها
صارحتني عن نفسها و حياتها و اهلها و افكارها و كل حاجة بحياتها وكان من ضمنهم حبيبها
مدري وش الي خلا قلبي يحترق من طاري حبيبها حسيت بغيرة تحرق قلبي من طاريه
يارب سامحني
سعيت و سخرت كل جهودي حتى افرقهم
يارب اطلبك السموحة و فعلا اعتراف اول مرة اكتبه أنا الي فرقت بينها و بين حبيبها وهدفي اكسب قلبها
البنت تتعامل معي كصديقة و طول وقت الدوام مهتمة بشغلها و منسجمة معاه
أما أنا صرت اتعذر من اي شغل برا الغرفة حتى ما اشيل عيوني عنها
تجذبني بكل تصرفاتها و نظراتها و ضحكاتها وابتساماتها

كل يوم القي نفسي اتعلق بها اكثر و نار الغيرة تزيد عندي
ما عمري تخيلت نفسي أرفض من يتقدم لي لاني اخاف افارقها
والله والله مشاعري مو بيدي و لا اعرف سبب يخليني اتعلق بها
حاولت اتحاشاها و اتجاهلها فشلت محاولاتي
ما اعرف انا وش ابغى منها
ولا اقدر ابدا اصارحها بمشاعري ناحيتها
عمري قرب من الثلاثين المفروض متزوجة و عندي اولاد بس مستحيل اتزوج مادامت (ن) موجودة بحياتي

حالتي اقرب للجنوووون بسببها



تعبانه من جد تعبانه

أرجووووكم ساعدوووني

الموضوع الأصلي: طلبتكم فهموني إيش هذاا؟ || الكاتب: ميـّت إحساسها || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: المنتدى العام - Main Section

---

'gfj;l til,kd Yda i`hh? i`hh?

منتدى دمعـــة ولـــه - المنتدى العام - Main Section

---

'gfj;l til,kd Yda i`hh?

أيـــــــــــــــــــــه


اصلاً لو انتي قريبه من الله عز وجل ومحافضه على صلواتك ابعد الله عنك الشيطان ووسواسه.

وأرجو ان الشي هذا يمحي وتتزوجين افضل من انك تسولفين بالسواليف هذه.

أختـي آسفـه على الكلام اللي أقولـه لكـ بس مـآرح أقولك كذآ إلا لمصلحتـك بس ..


..

أنتي الحمدلله عقلك كبير والمراهقـه تركتيهـآ يعنـي مـآفيه أي سبب يخليـك تسويـن هالتصرفـآت ويمكن أول دافع بعدكـ عن الله وثـآني شيء ليه تضحيـن بحيـآتكوبعمرك اللي جالس يوم ورى يوم يمشي

.. فرغـي هالعـآطفـه اللي فيك إذا تزوجتي .. لزوجـك وعيـآلك وتعيشيـن أحـسن حيـآة

ولا هالحيـآه اللي أنتي مادري شلون مسميتها حياة وبعدين في النهـآيـه وش تستفيدين هي بتتزوج وبتروح وأنـتي خسرتـي كل شيء وشو أصلا اللي خسرتيـه ..
حطـي ببـآلك أنهـآ صديقتـك وبس وشيلي عنـك هالأفكـآر وأرجعـي لربـك ..

..
آسفـه إذا كنت ضـآيقتك بشيء بس كلـه لمصلحتـك ..

يؤ يؤ يؤ

أنتــي بنتـــون مش كــــويسه

بصرااااااحه سالفتس صرعتني

من جد

احس انكـ تحتسين وانتي صادزهـ

يوومه خوفتيني علىآ نفسي

طيب لييش يعني ؟

يعني ماشاءلله عليتس قلبه قلبه ع طول حبيتيهـآ؟

وخيير انشاءلله تراهآ انثتن مثلتس

يعني هل انتي تعانين بشيئ مـــآ في حياتكـ

ولا وش

وش تحسين فيه انتي ؟؟

ولي بآآتس ينطح بآآتس ..

ميت احساسها ...

إذا طاح الكاس و انكسر .. ما رح اسألك ليش انكسر ..
خلينا أول شي نجمع الزجاج اللي تناثر قبل يأذيك ..

غاليتي ..
ما ألومك أبدا أبد على مشاعرك اللوم على تصرفاتك .. على سلوكك !!

أرجوكِ لا تزعلي ولا تتضايقي من صراحتي ..

أول شي انتِ أكيد فاقدة حاجة لقيتها بالبنت هذي و هذا السبب خلاّكِ تتعلقي بها ..

إما فاقدة اهتمام .. أو ثقة بنفسك .. أو فاقدة صداقة و لما حسيتي بإحساس الصداقة بالغتي بمشاعرك ..

غاليتي ..

انت بداخلك قلب حساس مرهف .. ومشاعر تراكمت كتمتيها و صارت حمل عليك..

تحتاجين تتعرفين على نفسك أكثر

انتي أقوى من أنك تتعلقي ببنت ..

واضح من كلامك أنك ماقد جربتي أي نوع علاقة عاطفية قبل و لهذا السبب تحسين أن حبك لصديقتك عشق مو حب ..

حاولي تلتفتين لحاجات جديدة بحياتك ..

ابحثي عن صداقات جديدة ..

اطلعي من دائرة (ن) و تحرري من قيودها ..

أنا متأكدة أنك أقوى من أنك تنهارين لفراقها..

فكري بفارس أحلامك .. ارسمي خطط لزواجك .. و توكلي على الله و وافقي على أول واحد يستاهلك
ويستاهل كل المشاعر الحلوة اللي بداخلك ..

صدقني ياقلبي .. ((حنان الرجااااال غييييير ))

فكري بالزواج بجد بجد راح تلاقين بالزواج اشبااااااع لكل عواطفك ..

بكره تتزوج ن و تخليك تعضين اصابع الندم على عمرك اللي ضاع ..


حبيبتي ..

موضوع حساس مثل هذا مستحيل ينحل في مكان عااام مثل المنتدى .. أظنك فاهمة قصدي ..

فكري بعقلك و خلي مشاعرك شوي على جنب ..

واذا محتاجة أي مساعدة انا تحت أمرك ..

احترامي لك حياتي

اخوي العاشق
مشكور على رايك وانا الحمد لله محافظة على صلواتي و ديني
مستحيل ولد يفهم مشاعري
ودي

اختي دلوعة الرياض
اشكرك كثير على صراحتك بس لو انا اقدر انفذ رايك ماكنت طلبت المساعدة
والله والله تعبت عجزت الاقي حل لنفسي
مشكوره كثير ياغالية

الغالية صاقعه بجدار
صحيح انا اتكلم بصدق بس ماله داعي تخافي
انا وش سويت
قلبي بيدي؟؟؟؟؟؟؟؟
آآآآآآآه بس لو تحسين بنار قلبي
ودي يسبق ردي

عزيزة نفس
أخ من كلامك
هزيتيني حسستيني انك بجد فاهمتني
محتاجة من يمسك ايدي
ماعندي شي اقوله اكثر
غير اني تعبااااانة

قلبـي ..

كـلام عزيزة نفس ..
كلـه عين الصوآآآب ..

سوي اللي قـآلتهـ وبتعيشين أحلى حيـآه ..

والله يوفقـك وتشوفيـن السعـآدة ..