صيف كام سعودي كام شات غرور كام شات غزل كام شات الوله شات حبي شات صوتي
حكايتنا في اليونان - منتدى دمعـــة ولـــه

         :: مكتب توفير عمالة فى مصر للاتصال 00201003629993 (آخر رد :مايكول)       :: سورة الممتحنة من هي الممتحنة !!؟ (آخر رد :غلا)       :: تعرّف على الفرق بين الإضاءة البيضاء والإضاءة الصفراء (آخر رد :وردة الكويت)       :: المواد المختلفة في التصميم الداخلي والأثاث (آخر رد :وردة الكويت)       :: الزجاج وتطبيقاته في التصميم الداخلي (آخر رد :وردة الكويت)       :: مراحل تصنيع الزجاج (آخر رد :وردة الكويت)       :: مهم (آخر رد :دموع العشاق)       :: رحلتك للسياحة (آخر رد :wego)       :: ماهو فضل العمرة؟ (آخر رد :دمعة وله)       :: دعاء آخر ساعة من يوم الجمعة قصير (آخر رد :غلا)      

التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 
قريبا

بقلم :
قريبا
قريبا

العودة   منتدى دمعـــة ولـــه > المنتـديات الأدبيــــه > القصص والروايات - Stories and Novels Section

القصص والروايات - Stories and Novels Section يهتم بكتابة القصص والمقالات والروايات سواء منقولة أو مكتوبة

حكايتنا في اليونان

توضيح : هذه القصة مشتركة ما بين اهــم ووليفوه والفضل بعد الله يعود لااهم والقصة جاءت على لسانه كان يا مكان في سالف العصر والأوان .. وبالتحديد في

إضافة رد
 
أدوات الموضوع انواع عرض الموضوع
قديم 02-06-2009, 04:30 PM   #1


الصورة الرمزية وليف الحزن
وليف الحزن غير متواجد حالياً

بيانات اضافيه [ + ]
 رقم العضوية : 4368
 تاريخ التسجيل :  Jun 2008
 أخر زيارة : 07-05-2018 (06:00 PM)
 المشاركات : 5,271 [ + ]
 التقييم :  10
لوني المفضل : Cadetblue
افتراضي حكايتنا في اليونان



توضيح : هذه القصة مشتركة ما بين اهــم ووليفوه والفضل بعد الله يعود لااهم والقصة جاءت على لسانه

كان يا مكان في سالف العصر والأوان .. وبالتحديد في العصر البرونزي لبداية النهضة .. وانفتاح البلدان على

بعضها .. كان في اثنين واحد اهمــ واحد وليف لهم قصة شهيرة باليونان تنافس قصة هكتور وطرواده

وقيس وعنتر، و روميو وجولييت وأنور وجدي وليلى مراد ......

يا حلو أيام الربيع الجو صافي والجيلان خضر ونص الأرض محفّره العالم مفقعين (فقع=الكمأة) وطالعين أنا

ووليف يم النفود نبغى نطعس .

وحنا ماشيين إلا نشوف سيارة من بعيد متعطله .. ونشوف كم زول أسود .. قلنا دعسسسسنا هيلب ثيم .. فيه

حريم :ماشاف خير:

ورحنا يم السيارة ويوم أقبلت على السيارة إلا والله رجال طويل شعره أشقر ومعاه حرمه مقاربة لطوله

وأشوف بنتين جالسات بالموتر .. بس وش أقولكم السيارة مثل سيارات الشيوخ حقت بشير اللي في طاش ما

طاش وحسب ما هو معروف عن العصر البرونزي اللي قلت لكم عليه إن هالسيارات مايركبها إلا ملك من

الملوك حقين الأجانب وهذي صورة السيارة

alfaris_net_12339235

طبعا السيارة الثانيه سيارتنا احم احم

هم سيارتهم الجمس

المهم وقفت عندهم

قلت لهم : قود مورننق كيف الهال ؟

رد الرجل : بل قل السلام عليكم (طلع يرطن عربي)

عسي خير إن شاء الله .. مساعده شي ؟

قال الرجل : أنا لست من هذا البلد وقد جئت أنا وعائلتي إلى بلدكم بهدف السياحة وقد سمعنا عن جمال

الصحراء في بلادكم .. فقررنا القيام بهذه الرحلة والآن كما ترى نحن تآئهون

وقد نفذ الوقود منّا .

فردّوليف : يوم إنك ما تعرف الديار وراك ما تاخذ أحد من أهل البلد عشان يدلك .

قال الرجل : كنت أظن أن بلادكم مثل اليونان حيث لا توجد مساحات غير مأهولة بهذا الشكل .


كل هالخلق وغير مأهولة ؟ .. يارجال احنا إن بغينا نأهل أي منطقة عندنا حطينا فيها شجرتين تلقى أمه محمد

عندها

اهمـ: يا شيخ هلا و غلا معليش لا تلومونا لأننا ما توقعناكم يونانيين لأن وش اللي يجيب اليونانيين عندنا

,, وبهالمناسبة وليف يبي يقول بيتين (( ابي اوهقه ))

قال وليف : مررررراحب منورين بلدكم الثاني ولا تشيلوا همّ أعتبروا أنفسكم الحين باليونان وابشر بعزك
يالشيخ وقال وليف هالبيتين :

يا مرحبا بالشيخ ولد الملوكي=منور ديرتك يا ابن الأجاويد

ابشر بعزك ولا تشاور فكوكي=أنا عضيدك لا صار فيها مواعيد

(( امشششش ياخليفة تركي الميزاني ))

قال اليوناني : صح لسانك ، ورحم الله والديك وصح ابدانك >>>> مهوب عاقل هاليوناني <<<<<

المهم راح وليف وجاب دبة البانزين الاحتياطي وعبا لهم .

المهم قلنا ذا الحين بنوصلكم للطريق العام بعدها بنرجع

ومشينا من مكانا وهم ورانا ووليف مغير يناظر بالمناظر عليهم المهم وصلنا الطريق العام وقلنا لهم على

الجهات والمناطق اللي راح تصادفهم ومن وين يطلعون .

قال اليوناني : أنا اسمي هكتور وهذه زوجتي مادلين وهذه أرقام هواتفي في اليونان وأنا حالف عليكم إلا

تسيرون علينا باليونان قلت أنا : لا يا رجل مشكور يعلك على القو .

رد هكتور : عليّ بالحرام والطلاق إلا تسيرون علينا باليونان . (صدقوني لو ندوّر وراه نلقى سره مقطوع تحت

أثله بشعيب بدنه )

قال وليف : لا متطلق وأنا خشمي يشم الهوى <<<< تحسون بالقصة قووووة هياط صح؟ هههه >>>>>

خلاص حنّا بنسير عليكم باليونان .

قلت أنا أنت يا هكتور عندك عيله وحنّا إذا جينا بنعطلك عن شغلك .

قال هكتور : يارجال هذي القيرل فريند حقتي .. لازم تجيب ولد علشان تصير زوجتي

قلت: ياخي كنت محترمك :

المهم الناس سلموا علينا وطلعوا وحنّا بعد مشينا عشان نروح نطعس بالنفود وفليناها بالتطعيس وندور فقع

وبنفس اليوم رجعنا للديرة وبعد أسبوع جااااني وليف بالبيت وقال لي هالكلام :

وليف :السلام عليكم ورحمة الله وبركاته <<< يبغى ياخذ الحسنات كاملة >>>>

اهمـ : وعليكم السلام

وليف : وينك ما شفناك ؟

اهمـ : ليش وش عندك ؟

وليف : نسيت وعدنا مع الرجال هكتور

اهمـ : هاااااه ليش تبغانا نروح !!

وليف : أكييييد لازم الرجال بيطلق القير فرند إذا ماجينا وبعدييين حرااام البنات ممكن ينحرفوا بدون رعاية الأم

والأب <<<< صاير مصلح اجتماعي >>>> .

اهمـ : بس أنا عندي الشركة وش اسوي بأعمالي <<<< الوليد بن طلال على غفله >>>>

وليف : يارجال أي شركة أي بطيخ ما في إلا محل الجوالات خل اخوك بندوور يقعد فيه .

اهمـ : طيب خلاص بكرة أن شاء الله أخلص جميع ألتزاماتي وأرد لك خبر.

وليف :أوكي وعدنا بكرة الحين بروح بخلص بعض اشغالي <<< يقلد>>> مع السلامة

اهمـ : مع السلامة .

ومن بكرة جاء اهمـ لوليف بالبيت .

اهمـ : سلام

وليف : هلا وغلا تفضل

اهمـ : لا مستعجل بس جاي أقووول لك ترى بكرة ترانا ما شين لليونان

وليف : أوكيك ياكيك تفضل يارجال

اهمـ: يا مال العافية مستعجل بااااي

وليف بااااي

ومن بكرة >>>كل يوم بكرة ليش من قول ومن أمس<<<<اجتمعنا أنا ووليف قبل صلاة الفجر وجهزنا

الشنط ورحنا صلينا و بعدها رحنا>>>>الي يسمع مو بالرياض حنا بس علشان احداث القصه

لرياض ووصلنا عند المطار الساعة ثمانبة تقريبا بس وما لقينا حجز وشف أنواع الواسطات عشان بس

نحجز

لا وحطونا انتظار و الساعة ثنتين الظهر أكدوا لنا الحجز وقبل ما نطلع اتصلت على هكتور وردت عليّ

المدام مادلين وقلت لها أنا ووليف جايين وطالعين على الطيارة بعد ساعة وردت قالت يا هلا يا لبى ما تخبى

<<<< شكلها تدخل شات>>>> أنا بخلي هكتور ينتظركم بالمطار .

ركبنا الطيارة وطلعت الطيارة ولما وصلنا المطار في اثينا صارت لنا أمورة غريبة عجيبة وبقولكم السالفة :



نزلنا أنا ووليف وإلا الناس بكل الاتجاهات يتحركون لا وفي عسكر ينزلون من الهليكوبترات ووليف
مستانس حدة ويقول لي : شوووف الاستقبال اللي استقبال ربعنا بالموت لقينا عندهم حجز .

لا والعسكر مسوين حلقة دائرية علينا المهم ما درينا إلا والحلقة كل شوي يضيقونها علينا ما خذينا شوي إلا

العسكر مكتفينا المهم وليف يقوول خلو المزح وهو يضحك

جاء الضابط وقال : أهلييين استاذ فيصل نورت اليونان وكان يناظر لوليف

قال وليف منو فيصل أنا اسمي وليف ناظر الضابط وقعد يضحك .

قال الضابط : فيصل وش فيك نسيت اسمك طيب أنا راح أذكرك باسمك بالقسم .

قال وليف : شوف المزح الثقيل هذا أنا ما أحبه خل هالسوالف ترانا تونا واصلين مثل منت شايف وتعبانين

وهذا المزح البايخ محنا برايقيين له .

ردّ الضابط : يحليلك تنكت .

رد وليف : لا تقول حليل قل الله حلاك=الحليل بوقتنا يعني خبل

قال الضابط : مسوي فيها شاعر

قال وليف : ايوه مسوي شاعر

ووليف يقول هالكلام ما درينا إلا واثنين عمالقة تقل ديناصورات شايلين وليف من الأرض ومودينه ما

أدري وين وأنا يقووولون لي اللي عندي وش معرفتك بفيصل وأنا أقول والله أني ما أعرف اللي تقوولون

عنه هذا فيصل رد واحد منهم : أجل وشلون مسافر معه وقاعد تبربس معه سوالف وتقول معرفه قلت : هذا

مو فيصل هذا وليف رد عليّ : طيب طيب بنشوف بعد التحقيق راح يتغير كلامك ولاّ لا

تبغون الصدز أنا شكيت بوليف بس مو باااين عليه أنا قلت والله ما راح أخلي هالدلخ وش ما صار .

قلت للعسكري : تكفى ابغى أكلم أهلي رد عليّ قال لا ياشيخ تحاسبني دلخ ما عرف حركاتكم يالارهابية وقمت

أترجى فيه تكفى الله يخليك قال والله إنك كسرت خاطري ولكن تدري لك دقيقة ولا تطول المكالمة لأن جوالي ما

فيه رصيد قلت من الناحية هذي تطمن أنا معاااي السيناو رد عليّ : وش قلت شكلي بغير رايي وش سيناوه ذا

قلت : لا خلاص واللي يرحم لك والديك

عطاني الجوال ودقيت على التست تو

رد عليّ: ألو منو

قلت :محسن أنا باليونان تكفى الفزعة أنا طايح بورطة يقولون أن وليف أرهابي وانا ابغا منك ..

قاطعني : لحظة تليفوني ما فيه رصيد أكلمك بعد دقايق طوط طوط طوط

سكر التليفون بوجهي صرفني قلت في نفسي : طيب يالتست تو لما أرجع نتفاهم

اتصلت على هكتور ألو هكتور

رد : هلا منو اهمـ

رديت : أيوه

قال : وينكم أنا لي ساعة احتريكم بالمطار .

قلت : والله حنا طايحين بورطة وليف مسكوه ويقولوون أنه أرهابي وحنا عند مكتب الشرطة في المطار

قال : طيب أنا جايك بااااااااااي

خذت شوي ولا هو جاي دخل على الضابط على طوووول

خذت شوي ولا هو طالع وجا يمي قال لي : يقول خلاص بتطلعون إلا فيصل

قلت له لحظة هكتور هم يقولون لوليف فيصل

قال : طيب أنا راجع

ورجع للضابط وخذيت دقايق إلا طالع هو والضابط

وقال الضابط للعسكري : روح جيب فيصل

راح العسكري .

قال لي الضابط : عطني جوازك

عطيته الجواز وقام يقلب بالجواز

وحنا على وضعنا إلا وأنا اسمع صوت وليف يصيح طيب مسوين فيها أبطال لكم ساعة تضربون فيني

والله لعلم عليك منظمة حقوق الانسان >>>> مصدق روحه <<<<

شفت وجه وليف وهو مفلق قعدت اضحك عيونه زرق شعره منفوش

شافني وليف قال لي طيب تضحك مصيرنا نرجع للبلد وأوريك

وقال وليف هالبيتين :

آه يا حظي الردي يومه أشقاني=حتى خوييّ صار من ضمن عدواني

ياليتني في ديرتي يمكن أشوالي=أطيب من أنه يضيع حقي بيوناني

المهم زقر الضابط بوليف وقال فيصل ولا اسمعك تبربس بأي كلمة

رد وليف : أنتم ما تفهمون والله مو اسمي فيصل أنا وليف

قال الضابط : عطني جوازك وقال للعسكري خذو فيصل بصموه

شد العسكري وليف رد وليف للعسكري : أنت ما تسمع يقولك فيصل ما قال وليف

شده العسكري بالقوة يم مكان البصمات .

وبعد ربع ساعة جا الضابط وجهه متغير أنا صراحة خفت

قال الضابط : معليش أحنا ظلمنا خويكم بالغلط لأنه يشبه أرهابي اسمه فيصل ومن بصماته عرفنا أنه مو هو

اللي نبغاه وأنا والله مفتشل منكم وأعتذر لوه ما ينفع العذر

قلت : طيب وين وليف قال الحين يجيبونه

قلت : طيب هو وينه الحين

قال : وديناه للمسعف عشان الكدمات اللي شفتوها من التحقيق ويالله امشوا معاي نروح يمه

جينا يم وليف ووشوف الضحك والوناااااسة عند وليف قاعد يسولف مع الممرضات اليونانيات وفال أبوها

وهن قاعدااات يسولفن معاه قلت بقلبي ليتي أنا اللي انضربت وصرت الحين بمكانه

المهم عالجوه وطلعنا من المطار والضابط وصلنا لحد السيارة وهو يتعذر ويتأسف ووليف يقول عادي كل يوم

سووها معاي مدام في النهايه علاج من هالحلوات .

ركبنا سيارة هكتور وطلعنا لبيته

ولما وصلنا بيته إلا في استقبالنا بناته وزوجته طبعا نسيت لقول لكم أن البنات في ريعان الشباب أما

الولد فعمره صغير

دخلنا وسلموا علينا وياهلا ويامرحبا وجابو الشاي والقهوة >>> والله طلع عندهم دلال وعلوم رجال <<<

وقااام وليف يسولف عن بطولاته وكيف أنه تحمل الضرب وما بكى

ورحنا ننام وقعدنا نسولف أنا ووليف

قال لي : وش رايك بالبنات ؟

قلت : ياخذن العقل بس فيهن عيييب

ردّ : وش العيب يا فيلسوف زمانك ؟

قلت : البنات أطول منا يعني وش زيين وجيهنا وحنا ما شين معاهن تقل عيالهن

قال وليف : يارجل نم أطيب لا تدوخ راسي بفلسفتك الزايدة

نام وليف وأنا كمان نمت ولا وش رايكم أقول لكم وش كنت أفكر فيه قبل أنام أقووول اقروا القصة

وانتم ساكتين

ومن بكرة قال لي هكتور حنا نبغى نطلع نوريكم أثينا وجمال الطبيعة عندنا طلعنا يم جبل عندهم نسيت وش كان

اسمه وقال لنا هكتور أنه بيروح محل بيت الشوايه فاتح فرع عندهم وبيجيب نفرين لنا كلنا

راحوا هو وزوجته وبقت والبنات تكلمن معانا البنات يووووووووووووووه نسيت لقوول لكم اسم البنيتن

ماريا والثانية سيدني >>> مدلخ كل يوم ينسى يقول لكم<<<

اكمل لكم السالفة جلس وليف على تله جنبنا ولحقت به ماريا وجت سيدني وقعدت عندي.

وقالت لي : شوف اهمـ والله أنا بصرحة خاقة معك من يومنا بالسعودية وماريا خاقة مع وليف

أنا شفت نفسي صراحة من كلامها وكملت هي كلامها وياليت ما كملت قالت لي أن اللي آذانه كبار مثلك تقل

آذان فيل يمثل عندنا الرجل الكريم واللي خشمة طويل مثل خشم وليف هذا يمثل الطيبة>>>> وأنا اللي

مسوي فيها شخصيات <<<<

وقعدت تسولف وأنا باردن وجهي من هالسالفة خذنا شوي ولا جاي هكتور واجتمعنا كلنا وكلينا

ورجعنا بالليل يم بيتهم ولما رحنا انا واهم نبغى ننام

قال وليف :اهمـ تدري وش قالت لي ماريا

قلت : وش قالت ؟

قال : قالت أنت أكوس واحد بس خويك ذا مو حلو زيك بس عشان آذانه كبار قبلنا فيه

رديت عليه : لا ياشيخ ترى علموني على سالفة خشمك الطويل اللي مثل موس الحلاقة

رد وليف : لا ومن زين آذانك اللي تقل صحوون ذبايح

وشوي إلا نتهاوش

قلت له : طيب لا رجعنا للسعودية نتفاهم

قال لي : طيب . وبعدين قال : أنا شكلي بسحب على ماريا وش رايك ؟

لأن أشكالنا جنبهم تقل رقم 1010 >>>طبعا حنا الصفر وهن الواحدات<<<

قلت : وراسك ليش ندوخ روسنا بالحب وبلاويه >>> أخس يا روميو<<<

ومن بكرة قلنا لهكتور نبغى نرجع للسعودية .

قال هكتور : لا يا جماعة تو بدري ما أمدانا

قلت له : لا لأن والله وراي أشغال لازم أسويها <<< تكفى يالوزير>>>

قال : على راحتك بس كرروا الزيارة

قال وليف : يا هكتور أنا عندي لك بيتين فيك وبقووولهن ذا الحين أرتجال

رد وليف قال اسلم :

قال وليف :

المراجل ما تجي ببيض الهدوم=والحرار تبين في وقت الهدد

والشوارب تنفتل وقـــت اللزوم=ولا يجيب النايفة إلا الولـــــد

والرخوم رخوم لو قامت تحـوم=مرجعه للدم لا منه بـــــــــرد

ما يقارن ضلع سلمى بالحزوم=ولا يحط اللآش للطيب سنــد>>>> وش تبي الحزوم تسليك يالله

رد عليه : صح لسانك رد وليف : صح أبدانك

قلت لوليف أخس يالشاعر

ردّ علي : لا تعلم سارقها

المهم رحنا للمطار وجينا عند الضابط اللي أنتم تعرفونه وقال لوليف: هلا فيصل انقلب لون وجه وليف.

وقال: رجعنا يا طيري ياللي

ضحك الضابط وقال : امزح معاك يالدلخ

المهم ودعونا وركبنا الطيارة

ولكن تدرون وش الطيارة اللي ركبناها طيارة فرنسا وهذي القصة راح أحكيها لكم في عددنا القادم

وهكذا يا سادة يا كرام لكم مني كل محبة وتقدير وانتظرونا في فرنسا




الموضوع الأصلي: حكايتنا في اليونان || الكاتب: وليف الحزن || المصدر:





p;hdjkh td hgd,khk




p;hdjkh td hgd,khk



 

التعديل الأخير تم بواسطة حلا وثقل ; 02-06-2009 الساعة 06:18 PM

رد مع اقتباس
قديم 02-06-2009, 04:48 PM   #2


« ΩإداريٍــٍــٍـةٍΩ»


الصورة الرمزية حلا وثقل
حلا وثقل غير متواجد حالياً

بيانات اضافيه [ + ]
 رقم العضوية : 4286
 تاريخ التسجيل :  May 2008
 أخر زيارة : 06-23-2014 (03:13 AM)
 المشاركات : 15,973 [ + ]
 التقييم :  10
لوني المفضل : Cadetblue
افتراضي رد: حكايتنا في اليونان



هههههههههههههههاااي

يسلمووو وليف ويعطيك العافيه اهم

قصه رائعه يعطيكم ربي الف عاااافيه

الله لا يحرمنا من جديدكم


 


رد مع اقتباس
قديم 02-07-2009, 01:04 PM   #3


الصورة الرمزية *Reemonda*
*Reemonda* غير متواجد حالياً

بيانات اضافيه [ + ]
 رقم العضوية : 5459
 تاريخ التسجيل :  Jan 2009
 العمر : 33
 أخر زيارة : 12-29-2009 (11:12 AM)
 المشاركات : 1,701 [ + ]
 التقييم :  10
لوني المفضل : Cadetblue
افتراضي رد: حكايتنا في اليونان



هههههههههههههههههههههههه
ههههههههههههههههههههه
يعطيكم ألف العافية

نستناكم في فرنسا


 


رد مع اقتباس
قديم 02-07-2009, 01:15 PM   #4


الصورة الرمزية وليف الحزن
وليف الحزن غير متواجد حالياً

بيانات اضافيه [ + ]
 رقم العضوية : 4368
 تاريخ التسجيل :  Jun 2008
 أخر زيارة : 07-05-2018 (06:00 PM)
 المشاركات : 5,271 [ + ]
 التقييم :  10
لوني المفضل : Cadetblue
افتراضي رد: حكايتنا في اليونان



يسلموووووووو ع المرور

انشاء الله لاشفنا العدد كثر راح نفكر نكملها انعن اوم الخباثه هع هع


 


رد مع اقتباس
قديم 02-07-2009, 11:24 PM   #5
من المؤقوفين


الصورة الرمزية {..Rashh DaFa..•~
{..Rashh DaFa..•~ غير متواجد حالياً

بيانات اضافيه [ + ]
 رقم العضوية : 3918
 تاريخ التسجيل :  Jan 2008
 أخر زيارة : 08-31-2015 (05:57 AM)
 المشاركات : 7,070 [ + ]
 التقييم :  10
لوني المفضل : Cadetblue
افتراضي رد: حكايتنا في اليونان



تسلم وليف ع القصه


 


رد مع اقتباس
قديم 02-08-2009, 04:46 AM   #6


الصورة الرمزية وليف الحزن
وليف الحزن غير متواجد حالياً

بيانات اضافيه [ + ]
 رقم العضوية : 4368
 تاريخ التسجيل :  Jun 2008
 أخر زيارة : 07-05-2018 (06:00 PM)
 المشاركات : 5,271 [ + ]
 التقييم :  10
لوني المفضل : Cadetblue
افتراضي رد: حكايتنا في اليونان



نوــف سلمــتي ع المروـر


 


رد مع اقتباس
قديم 02-08-2009, 11:20 AM   #7


الصورة الرمزية دلوعة السعوديه
دلوعة السعوديه غير متواجد حالياً

بيانات اضافيه [ + ]
 رقم العضوية : 5556
 تاريخ التسجيل :  Feb 2009
 أخر زيارة : 02-14-2009 (12:37 PM)
 المشاركات : 68 [ + ]
 التقييم :  10
لوني المفضل : Cadetblue
افتراضي رد: حكايتنا في اليونان



مشكووووووووووووووووووووررررررررررررررر


 


رد مع اقتباس
قديم 02-08-2009, 01:57 PM   #8


الصورة الرمزية وليف الحزن
وليف الحزن غير متواجد حالياً

بيانات اضافيه [ + ]
 رقم العضوية : 4368
 تاريخ التسجيل :  Jun 2008
 أخر زيارة : 07-05-2018 (06:00 PM)
 المشاركات : 5,271 [ + ]
 التقييم :  10
لوني المفضل : Cadetblue
افتراضي رد: حكايتنا في اليونان



دلوعه نورتــي الصفــحه


 


رد مع اقتباس
قديم 02-08-2009, 02:06 PM   #9


الصورة الرمزية سامي رغم الألم
سامي رغم الألم غير متواجد حالياً

بيانات اضافيه [ + ]
 رقم العضوية : 5235
 تاريخ التسجيل :  Nov 2008
 أخر زيارة : 05-29-2009 (09:44 PM)
 المشاركات : 49 [ + ]
 التقييم :  10
لوني المفضل : Cadetblue
افتراضي رد: حكايتنا في اليونان



هههههههههههههههههههههههههه
هههههههههههههههههههههه
ههههههههههههههههه
الله يرجكم

متى التكمله


 


رد مع اقتباس
قديم 02-09-2009, 01:19 AM   #10


الصورة الرمزية *Reemonda*
*Reemonda* غير متواجد حالياً

بيانات اضافيه [ + ]
 رقم العضوية : 5459
 تاريخ التسجيل :  Jan 2009
 العمر : 33
 أخر زيارة : 12-29-2009 (11:12 AM)
 المشاركات : 1,701 [ + ]
 التقييم :  10
لوني المفضل : Cadetblue
افتراضي رد: حكايتنا في اليونان



يسلموووووووو وليف
(( زيادة عدد ))


 


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية

Bookmark and Share


الساعة الآن 05:44 PM

converter url html by fahad

 



Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
منتديات دمعة وله - منتدى دمعة وله - دمعة وله - دردشه صوتيه - شات دمعة وله - شات صوتي - سعودي كام - شات بنت ابوي - شات دقات قلبي