من كلمات الامير الشاعر خالد الفيصل

خالد الفيصل*هلّت



هلت دموع السما عند الوداع
وارسلت غيومها شوق وحنين
مد لي يمناه وانهى الاجتماع
والهنا تبدل بدمع حزين
قال ودع ما يفيد الامتناع
الشقا مقسوم مير الله يعين
رمشه الفتاك وعيون وساع
صوروا بالقلب له رسم حسين
شوفتي له ساعه عندي متاع
متعة الدنيا نظر عين لعين
لي ذكرت الي حدر هاك القناع
مبسمه والخد مع نور الجبين
لو بغيت الصبر قلبي ما استطاع
يا سعد يا كود فقدان الظنين
كل ما لاح بسما حبي شعاع
اظلمت دنياي واشتد الونين
يا حسايف وقتنا والعمر ضاع
نجتمع يومين والفرقا سنين




خالد الفيصل*يا قديم الغوص

يا قديم الغوص في بحر الهوى
وش لقيت بغبة البحر الغزير
علم الي جس شطه وارتوى
ما بعد جرب طويله والقصير
قالوا انه من جميع امر حوى
فيه سر وفيه شر وفيه خير
واسمع انه من ركب موجه دوى
من فعل موجه غريقه يستجير
واسمع انه من لمس شطه غوى
ما يفرق بين بحره والغدير
واسمع انه من على تركه نوى
يجذبه سحره ويرجع له كسير
لو تجرح فيه قلبه واكتوى
ما يتوب ولا يريح ويستخير
وش جمع حلوه على مره سوا
هي حلاة الحب في الكأس المرير
رغبوني لين قلبي له هوى
وانذروني لين صدقت النذير
خوفوني منه والقلب التوى
راغب ومعيف والخايف يجير
هو صحيح ان الهوى ماله دوا
خبر الي جاك عاني يستشير



خالد الفيصل*لا تقول

لا تقول ان الليالي فرقتنا
لا تقول ظروفنا عيّت علينا
الليالي يوم ودك جمعتّنا
يوك ودّك كل شي في يدينا
يا سقى الله ليله بك عرّفتنا
في شعيب شهار عن غيرك سلينا
من مغيب الشمس حتى طالعتنا
عن هل الدنيا نزعنا واعتلينا
ليلة العشاق والله وردتنا
مارد ذقناه كن ما ارتوينا
ليتها يا ليتها ما ودّعتنا
ليت ذاك الليل ما راح وسرينا
يوم هملنّا الليالي هملتنا
كيف تعطينا وحنّا ما عطينا
الليالي عن هوانا ما نهتنا
البلا حنّا على البعد انتهينا

الموضوع الأصلي: من كلمات الامير الشاعر خالد الفيصل || الكاتب: الهاشمية || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

lk ;glhj hghldv hgahuv ohg] hgtdwg

منتدى دمعـــة ولـــه - الشعر وعذب الكلام- Poetry Section

---

lk ;glhj hghldv hgahuv ohg] hgtdwg

خالد الفيصل*ياللي تعرفون



ياللي تعرفون الهوى لا تلومن
يلومني من لا درى ويش حالي
الحب يودع عاقل الناس مجنون
يودع كبير السن مثل العيال
واهل الكرم والجود لاجله يذلون
يشحذ عزيز النفس فيه الوصال
ان ساعد العشاق حظِ يسجّون
اسعد ليالي العمر هاك الليالي
وان عاكست سود الليالي يموتون
الحب غربال من اول وتالي



خالد الفيصل*مالوم

ما لوم قلبي لى انتفض عند طاريك
والعين تبكي شوفتك يا عناها
يا ليتني ماشد عن جال واديك
واشارك الخلاّن صافي هواها
اقعد معك واشوف زولك واحاكيك
واوّصل النفس الحزينه مناها
يا من حسدت ربوعك اللي حواليك
بالشوف يوم الله بقربك عطاها
اهواك انا واشتاق بالحيل واغليك
وارهي من اسبابك على العين ماها
مانيت والله يا هوى البالب ناسيك
مادام لي روح بوصلك هناها



خالد الفيصل*نوى القلب


نوى القلب نيه ما نواهالاحد غيرك
نوى القلب يمشي لك على السمع والطاعه
مع الشك والغيره وهجرك وتقصيرك
احبك واقول امرك له الروح خضّاعه
جمعنا طريق الحب وانور بتنويرك
على صدفه لقلوب الاحباب جمّاعه
ملكني هواك وقادني بأمر تدبيرك
امانه معك روحي من البعد ملتاعه
تغزلت بك والشعر من بعض تعبيرك
كلامك سحر يخلف موازين سمّاعه
تقول الغزل مني شغا كل تفكيرك
عسى واعسى والنفس بالزود طمّاعه



خالد الفيصل*من عذابي

من عذابي قلت لعيونك هلا
يا هلا بك يا عذابي يا هلا
ما يكفّي لوعتي بك من غلاك
رحت تبعد عن عيوني يا غلا
تحسب اني سالي مثلك وانا
في هواك الله حسيبك مبتلى
ما يسليني مكان ولا زمان
لا ولا غيرك حبيبِ لا ولا
قلبي الي ما يطيع لمن بغاه
من نظر عينك تعهّد بالولا
صار لك بالقلب مرباع ومصيف
يوم غيرك عن مرابيعه جلا
فيه لك مقيال عن حرّ الزمان
والدفا عن برد شمله بالخلا




خالد الفيصل*تغيب

بعيد الا من افكــاري قريب تغيب الا عن الـخافــق حبيبي
واروّح لك طواريـقي واجيب اهوجس بك واسولف مع طيوفك
وعطّرت النسايم منــك طيب على ليل الهوى رسـمت وجهك
يغيب العمر ما عنــي تغيب يحسبون المكـــان ابعدك عني
واشوفك فــي نوايبها طبيبي اشوفك في ســواد الليل ومضه
وصوتك فوق موجات المغيب ويجيني مع طلوع الشمس نورك
تلوعّنـــي ولا وديّ تطيب ولك بالقلـــب خفقه وانتفاضه
بعثت الحب في قلب خصيب أحبك يا هتون مــــن سحابه



خالد الفيصل*لو نسيت

صرخة ذابت من عــيونك دموع لو نسيت العمر ما انسى دمعتك
وانتفض قلبـــي لها بين الضلوع ترتعش مرتاعة فــي وجنتيك
بالخفا ثـــورة وبالظاهر خشوع ازعجت صمت الليالي عبرتك
مشهد النظــره وهي تظمي يروع تسكب الدمعه وتظمي نظرتك
ضاع معها خافــق مثلك جزوع يا ضياع العمر ضيعة بسمتك
والفرح يشــعل دياجيرك شموع ليت من يمتص جارح لحظتك





تحيااااااااااااااتي

قسوة



ليه اذاحبيتك اكثر زدت قسوة
وان دريت بحاجتي لك زدت جفوة
وان عطيتك من حياتي ماتريده
ما كفاك وتحسب ان الحب نزوة
والله اني يا احب الناس احبك
والله ان الروح لوترضيك فدوة
والله اني تارك غيرك وجيتك
مزعل الزعلان والعذال عنوة
كل دقه قلب فينيلك قصيدة
تكفي الد نيا مع الا حباب غنوه
وكل هاجس ما يجيب الا خيالك
سلوتي بالعمر هي صحوه وغفوة
اجمع احساسي واشواقي واجيلك
والبس ثياب الهوى والعشق كسوة

لو يبور الملأ ما أحسب حبيبي يبور




وأحـسب اني أموت ولايموت الوفا
وأحـسب انه على هاك المودة غيور
مـا احسب ان الشعاع اللي بقلبه طفا
كـيف يانور عينى وانت للعين نور
يـختفي نـور وصلك في ظلام الجفا
اثـر قلبك على فرقا الولايف جسور
واثـر طرفك اليا سهرت عيوني غفا
ويـن هاك الونين اللي يشق الصدور
ويـن هـاك الدموع اللي تشق الصفا
كـل حـي ٍ الـيا دارت لياليه يدور
كـل قـلب الـيا عفت جروحه عفا
ويل قلب توالت فوق جروحه كسور
كـل جـرح الهوي ياصاحبي ماكفا
التمس لك عذر لو كان ما أنت معذور
وان جـحدت الـموده بان لك ماخفا


تحياااااااااااااااتي

يسلمو الهاشمية صح لسان الشاعر الامير خالد الفيصل
تقبلي مروري

والله اني يا احب الناس احبك
والله ان الروح لوترضيك فدوة
والله اني تارك غيرك وجيتك
مزعل الزعلان والعذال عنوة
كل دقه قلب فينيلك قصيدة
تكفي الد نيا مع الا حباب غنوه
وكل هاجس ما يجيب الا خيالك
سلوتي بالعمر هي صحوه وغفوة
اجمع احساسي واشواقي واجيلك
والبس ثياب الهوى والعشق كسوة




يسلمو ياغالي ماانحرم منك عزوززززز