قصة نوف وطلال

السلام عليكم اخواني وخواتي اعضاء المنتدى الكرام
اليوم راح نبداء صفحه جديده مع قصه من قصص الواقع التي سمعت عنها وتاثرت بها فأحببت ان اشارككم بها علها تستحوذ على مكان في اعماقكم وتعتبرونها درس وعضه وعبره قصتي هي قصت نوف وطلال....
من هنا تبداء الاحداث من هنا البدايه هيا لننطلق في رحله مع احداث الواقع....
(للعلم ان الاشخاص حقيقيه والاحداث حقيقيه مع تغير بسيط في مواقع بعض الاحداث والكتابه بطريقتي واسلوبي انا )
************************************************** *********************
ما ني على خبرك تراني تغيرت
أنت السبب يومك تطول غيابك
صبرت لجلك ليتني ماتصبرت
ضاع الصبر وضعت اطرد سرابك
ظنيت ترجع بس شفتك تأخرت
والقلب عيا يحتمل ما هقابك
رد الجواب وطمني وش قررت
نرجع سوا أو تستمر بغيابك

اليوم:الاثنين
التاريخ:26/9/1426للهجره(شهر رمضان ).
الساعة:3 عصرا

************************************************** ********************

دقت بدور على نوف ودار الحوار التالي بينهم:
بدور:الو نوف الحقي علينا
نوف: هلا والله بدور خير انشالله وشفيك؟؟
بدور:عادل يا نوف اخوي عادل تهاوش مع أبوي وطلع من البيت من أمس ما ندري عنه شي ندق عليه يا مقفل جواله يا ما يرد
نوف:ليش شفيهم غريبة عادل وخالي أول مره إلي اعرفه عادل اقرب واحد لابوك
بدور:ما دري وشفيهم. ألحقيني أمي تعبانه حيييييل من أمس وضغطها مرتفع.
نوف:طيب شنو المطلوب مني بشنو اقدر اساعدك؟؟
بدور: دقي عليه يمكن يرد عليك اعرف عادل ما يرد لك طلب ومستحيل انه يطنشك,,,, من البارح وزوجته تحاول تدق وتلفونه مقفل وتعرفين حامل ومب زين لها التعب.
نوف: طيب شلون هو يعرف رقمي أكيد ماراح يرد علي أنا بعد؟
بدور: طيب دقي عليه من رقمك سوا حق الجامعة .
نوف: طيب بحاول وانشالله خير لا ينشغل بالك
بدور: نوف والي يخليك لا تطولين علينا أمي تعبانه.
نوف: لا تشيلين هم وانشالله يرجع الليلة لكم
بدور: طيب باي.
نوف: باي
ودقت نوف على رقم ولد خالتها عادل وكان جواله مقفل وتحاول إلى الساعة 5 العصر ودقت على بدور وقالت لها إن تليفونه مقفل
بدور قالت لنوف: يا نوف هو مغير رقمه إلي عنده
نوف: طيب الحمد لله والشكر وليش ما قلتي لي من أول
بدور: وربي ما انتبهت اعذريني منخبصه من إلي عندي
نوف: اوكي حصل خير عطيني الرقم يلا كم؟؟
نوف تكلم بدور من رقمها العام وماسكه رقمها السوا بيدها الثانية وتقول يلا كم الرقم
بدور تصارخ بصوت عالي عشان الزحمة إلي عندها على بالها نوف ما تسمعها مثل ما هي ما تسمع نوف عشان إزعاج البزران عندها
نوف تسمع بدور وتدق ومن كثر ما بدورمستعجلة و مرتبكة أربكت نوف وغلطت بالرقم وجلست نوف تدق يوم كامل على الرقم الغلط على بالها صح وكله يطلع مقفل وترسل مسجات لنفس الرقم وتقول:عادل أنا نوف بنت خالتك رد علي
وترسل المسج وترجع بعد وقت قريب وتدق وتلقى التليفون مقفل وترجع ترسل مسجات يوم كامل لحد ثاني يوم العصر دقت وأخيرا لقت التليفون مفتوح
وتدق بس ما حد يرد عليها وترسل مسجات وما في رد........
صار وقت الفطور وراحت تفطر ولما رجعت بعد الفطور لقت مكالمة لم يرد عليها من عادل أو إلي تحسبه عادل وترجع تدق ما في رد!!!!ولقت تسجيل مسج صوتي وسجلت مسج صوتي وقالت: الو عادل؟؟؟ أنت وينك؟؟؟ ليش ما ترد علينا ارجع البيت أمك تعبانه حيييل وتبي تشوفك وإذا ماتبي ترجع دق عليها طمنها بنت خالتك نوف باي....
وقفلت ....وعلى صلاة العشاء تقريبا لقت مكالمة من نفس الرقم ورجعت دقت وأول مارد عليها قالت: الو عادل وينك؟؟؟أمك تعبانه أنت شفيك ما ترد على اهلك؟؟؟؟
قال: يا أختي أنا مو عادل ولد خالتك أو أخوك أو ما دري
نوف: طارت عيونها باستغراب....شنو؟؟؟؟أنت مو عادل؟؟
قال:لا أختي مو عادل
قالت: طيب أسفه أزعجتك من البارح وأنا اتصالات ومسجات وإزعاجات
قال: حصل خير ....بس وينه هذا عادل وين راح؟؟
نوف: شنو؟؟
قال: طيب عطيني أسوي له بلاغ في المرور ونجيبه لكم اليوم
نوف: فقعت ضحك من داخلها قالت له: مشكور مو ملازم وقالت مشكور باي
قالها: باي....
قفلت الخط نوف وبعدها بوقت أرسلت مسج وقالت فيه: أسفه اخوي على الإزعاج أزعجتك معاي استر على ما واجهت مني
رد مسج عليها وقال: ماني بعادل بس ربي عدلني امشي وهامتي للسماء فوق اسمع صدى صوتك إلي ذهلني وأقول محسود من على الذوق يسمع كلامك يا نوف ومنه يحرمني ماني من إلي يتبع الضن مشفوق والشاهد الله صوتك إلي أسرني هذي هديه عاشق ومعشوق ليتك عيدي الثاني ولا لا تخذلني وهديتك كل الشعر وحرف مرموق ~كل عام وأنتي بألف خير ~. يوم 2/11/ 2005الساعه:ستة المغرب وعشر دقايق و17ثانيه,,,, هذا المسج كان أول مسج يوصل نوف من هذا الشخص الغريب أو إلي كان غريب,,,,, أرسلت له مسج تقول فيه شكلك شاعر بس ما عرفت اسمك وأنت تعرف اسمي ؟؟ أرسل لها مسج ......حفظت صوتك بالرسايل الصوتية,,,, لجل امني خاطري بعذب الإلحان,,,,وأسف يا نوف كان ضايقتك شويه,,,,عذري معي لأني شاعر و هيمان,,,,من صوتك اكتب الشعر ألف با لميه,,,,واخط قافي على بيض الألوان,,,,أخاف ما اسمع صوتك المتهيه,,,,وافقد لذيذ الشعر حرف وقيفان,,,,كأنك عذرتي عذري في تاليه,,,,قولي صح لسانك شكر وامتنان,,,,هذا المسج كان بنفس التاريخ الساعة ستة المغرب و أربع وعشرين دقيقه و ثمانية وخمسين ثانيه......
أرسلت نوف مسج بعدها وقالت فيه: أنت منو؟؟وشنو اسمك؟؟تعرف اسمي وتكتب فيه شعر ولا أعرفك أنا أحب الشعر اكتبه واسمعه ارسل لها مسج كتب فيه انا اسمي طلال بن عبد الرحمن من الدمام شاعر واحب الشعر ارسلت نوف مسج بعده تقول فيه ونعم فيك ياطلال ,,,,وصارت بينهم مسجات باقي اليوم ,,,الساعه 12 ونص راحت ام نوف وخواتها لصلاة التراويح وظلت نوف بالبيت وظلوا عيال اختها الصغار عندها ناموا عيال اختها وظل اصغر واحد فيهم عندها وهي تتفرج على التلفزيون ورجعوا امها وخواتها من الصلاة تعبانين ويبون ينامون ناموا وظلت نوف مع ولد اختها لوحدها بالغرفه ارسلت مسج لطلال تقول فيه كتبت ايميلها وقالت عندك ايميل؟؟؟اذا عندك ايميل ظيفني عندك وهذا ايميلي,,,,رد عليها على طول اتصال ودق عليها قالها ليش مسج؟؟نوف:شنو الي ليش مسج؟؟ طلال: ليش ارسلتي مسج مادقيتي وسألتيني؟؟ نوف: خفت تكون نايم او مشغول قلت ارسل مسج واشوف
طلال:أي عندي ايميل اضيفيني انتي لاني الحين مو بالبيت بس ارجع اكون اون لاين واقبل اضافتك نوف: اوكي باي طلال باي ,,,
دخلت نوف على النت وسوت اضافه لطلال وقعدت تنطر قبول اضافتها وبعد ربع ساعه تقريبا وصلت قبول الاضافه وطلال كان اون لاين وبدت محادثه بينهم وتعرفوا على بعض اكثر وكانوا يتكلمون الا طلال فتح موضوع حساس بالنسبه لنوف تضايقت نوف من الموضوع وضاق صدرها موضوع وفاة اغلى شخصين على قلبها وحس طلال انها فيها شي لان فجئه تغير اسلوبها قالها وش فيك؟؟قالت مافيني شي دق عليها وماردت قالها ليش ماتردين علي يانوف قالت خلنا بالماسنجر قالها ابي اسمع صوتك واتاكد ان مافيك شي دق وكلمها وتاسف اذا الموضوع الي فتحه ضايقها وهو يكلمها يسمع صوت ولد صغير يصيح قالها منو هذا؟؟ قالت : ولد اختي الصغير طلال: وليش عندك وين امه؟؟
نوف:تعبانه توها راجعه من صلاة التراويح وتبي ترتاح,,,

************************************************** *******************
وللحكايه بقيه نكملها معكم في الاجزاء القادمه انشاء الله
تقبلوا تحياتي اختكم crazygirl
بايوووووو

الموضوع الأصلي: قصة نوف وطلال || الكاتب: crazygirl || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: القصص والروايات - Stories and Novels Section

---

rwm k,t ,'ghg ,'ghg

منتدى دمعـــة ولـــه - القصص والروايات - Stories and Novels Section

---

rwm k,t ,'ghg

اخت ماادري وش نكك المهم يعطيك العافيه على القصه الموثره هذي
وموضوع جميل جدا ويعططيك العافيه على الاسلوب الاكثر من رائع
واحاسيسك الجميله
وتقبلي مروري

ولك تحياتي وتقديري"""""""

الله يعطيك العافيه ..

القصه روع

السلام عليكم مساكم الله بالخير
اتمنى ان الجزء الاول اعجبكم بس حبيت اذكركم اني كل خميس من كل اسبوع انشالله راح انزل جزء جديد من القصه وانطر تفاعلكم معاها والي مب حاب يكتب رايه بالموضوع يلقاني كل خميس بعد مانزل الجزء بعد الساعه 12 باليل بشات المنتدى عشان اخذ ارائكم
****************
شكرا اخوي غلا الروح على مرورك الكريم وعلى فكره ترا اسمي crazygirl
يعني البنت المجونه مب يالي ما اعرف اسمك او بامكانك تقولي نوف اختي دلع ربي يعافيك ويخليك شكرا على مرورك

****************
نسيت اذكر لكم شخصيات القصه
نوف:بطلة القصه فتاة عنيده ذكيه متسرعه عمرها 20 سنه ترتيبها بين عيلتها قبل الاخيره طالبه تدرس بالجامعه تحب من كل قلبها وتخلص لي تحبه اذا حبت...وتكره مثل باقي الناس يكرهون بس ماتبين الكره الامن خلال تصرفاتها ولاتقول للي تكره اكرهك...
طلال:بطل القصه انسان خلوق محترم كل بنت تشوفه تعجب بشصيته واسلوبه,, تعذب في حياته لحد مالقى نوف ولقى الراحه معاها نسته كل شي عمره 25 سنه موظف.
بدور:بنت خالت نوف واقرب وحده من بنات خلاتها وعماتها لها واقرب حتى من خواتها دايم تلقاهم مع بعض نادر ماتشوف نوف من غير بدور او بدور لوحدها من غير نوف ماتقدر نوف تخبي عنها شي وبدور بالمثل عمرها 19 سنه ونص تدرس ثانويه عامه (البنت كسلانه ههههههه).
عادل:ولد خالت نوف واخو بدور عمره 26 سنه متزوج وعنده ولدين وزوجته حامل بالثالث يجب نوف مثل اخته ومتعلق فيها ويعد نفسه ابوها ودايم يهاوشها اذا سوت شي غلط الله يقوم ام العيال السلامه يارب.
عبدالعزيز:عم نوف عمره 36 سنه لما انولدت نوف هو كان عمره 16 سنه ام نوف بعد ماولدتها كانت تعبانه جى عبالعزيز عند اخوه الكبير ابونوف وقاله ياخوي عندي طلب ابي اخذ هالبنت عندي اسميها واربيها واعتبرها نصيبي منك قال له اسئل امها كانها توافق وسئل امها وانحرجت لانها هي مربيته وماتقدر ترد له طلب قالت براحتك خذاها وصار هو امها وابوها واخوها وخالها وحبيبها وصديقها وكل شي بحياتها لدرجه انها كانت تناديه بابا عزوز. متزوج وعنده اربع عيال بنت وثلاث اولاد.(ربي يخليك لهم ويخليهم لك
سارا:صديقة نوف من اكثر من 10 سنين قريبه منها حيل تعرف كل شيء بحياتها وعيلتها تعرفها كلها دايم معاها وهي اول شخص عرف بعلاقة نوف وطلال وحتى انها حذرت نوف منه لانه شاب وسارا تكره الشباب وتعرف حركاتهم بس نوف ماكانت تسمع لها وتقول طلال غير باقي الشباب سارا كانت تقولها يجيك يوم وتعرفين قيمت كلامي.
انتظرو كل الجديد لدى crazygirl
بايوووووو

عزيزتي نوف



بدايه مشوقه للقصه واسلوب رائع



ننتظر منك تكمله القصه



تقبلي مرروي


دمتي بود

السلام عليكم وصبحكم الله بالخير يا اصدقاي
اليوم الجزء الثاني لقصة نوف وطلال اتمنى تلقى صدى طيب
اليكم الجزء؟؟؟؟
شوي الا ولد اختها يبكي ويصااااااارخ ويتعلق فيها ويسحب التليفون من ايدها ويرميه وترجع تاخذ الجوال وتكلم طلال ويسئلها وش فيه ؟؟؟
نوف: والله مادري بس يصيح مادري عنه اف طفشت منه
طلال:يمكن يبي ينام؟؟
نوف:والله مادري بروح اشوف امه واسئلها برب
طلال:طيب انطر اتصال منك
نوف:باي
طلال:باي
راحت نوف لاختها وصحتها من النوم وقالت :قومي شوفي ولدك مادري شفيه طلع روحي كله يصيح قومي شوفيه.
اختها:أي نوميه يبي ينام.
نوف: طيب شلون ينام؟؟
اختها: هزيه شوي وينام
نوف: طيب.اف
راحت نوف تنوم ولد اختها وطول حييييل لحد ما نام وهي تحاول تنومه ونامت هي جمبه غطت يعني خذه غفوه شوي الا وشي يظربها من عند ايدها ويسحبها لما فتحت عيونها لقته ولد اختها لما الحين مانام دقت على طلال وقالت له انها ماتقدر تكلمه لان الولد تعبان ومو قادر ينام وقفلت الخط ,,,
نامت هي مع ولد اختها الصغير من التعب الي فيهم ناموا على الارض ليله كامله ماصحوا الا ثاني يوم الساعه 4العصر ,,,,,هذا اخر يوم في رمضان السنه هذي سهرت احلى سهره على النت وما نامت الى قبل صلاة العيد بربع ساعه ولما جو يصحونها للصلاة العيد حست بثقل وماقدرت تصحى قالت روحوا مابي اروح الصلاة وراحوا اهلها الصلاة ورجعوا ولقوها صاحيه ومجهزه الفطور لهم عايدت نوف اهلها وافطرت وكلمت صاحباتها وعايدتهم الاطلال ماكلمته وصار الضهر ونوف مدروخه حدها راحت وحطت راسها ونامت وصحت المغرب لما جت اختها تصحيها يلا نوف قومي بسرعه نبي نطلع نتمشى ونعيد الناس الي بالشارع نوف طيب طيب انطري شوي بس خمس دقايق اختها يلا بسرعه نوف ايه شنو صار يعني اول مره تطلعين على شنو مستعجله ؟؟؟
فعلا قامت نوف بعد جهد جهيد ولما قامت وغسلت وصلت الصلاوات الي طافوها وهي نايمه ولبسه وجهزت وحطت المكياج وكوت عبايتها وطرحتها ولثامها وخلصت الا جاهم ضيوف قالوا ننطر شوي ونطلع ونخلي الضيوف عندهم امي
استغلتها فرصه وراحت كلمت طلال وعايدت عليه وكان احلى عيد مر عليها كله طلعات ومشاوير ووناسه على كيف كيفكم , طلعوا اول يوم لقصر الحكم وحظروا الفعاليات الي هناك وانبسطوا الساعه 9 وربع بدت الالعاب النارية وكان زحمة شباب وناس وكانت نوف هي وثنين من خواتها واخوها فواز طالعين واقفين عن سيارتهم يتفرجون على الالعاب النارية وكل وحده منهم ماسكه جوالها وتصور الشباب الي يمرون يشخصون ويبتسمون على بالهم انهم يصورونهم والبنات مب يمهم الساعه 9 و32 دقيقه خلص الاستعراض الناري ركبوا سياراتهم ركبت نوف مع عمها عبدالعزيز او عزوزي مثل ماكانت تناديه نوف (عزوزي حبيبي). استغرب منها وشافها acteve اكثر من كل مره قالها
عزوزي:وش فيك نوف؟؟
نوف:خير حبيبي وش فيني؟؟
عزوزي:مادري اشوفك مبسوطه اليوم.
نوف:بداخلها(اخ ياعمي لو تدري وش فيني بس اخ) لا عادي اليوم عيد والكل لازم ينبسط والا تبيني اكون مكشره؟؟
عبدالعزيز:لا شدعوه نوف تكشر بس مستغرب يعني تعبانه وفيك نوم وحالتك حاله ومعفوسه ومتهاوشه الف مره اليوم مع فواز وفوق هذا مبسوطه شي مب عادي حتى انتي دايم لاركبتي معي السياره على طول قبل ماتسلمين تقولين(يلا عزوزي افتح افتح على الـMBC FM ) اليوم ماقلتيها؟
نوف:والله تبي الصراحه؟
عبدالعزيز:ايه
نوف:مادري لي كم يوم وانا احس اني مبسوووووطه وابي اطير من الفرحه احسني مرتاحه ليه مادري(في بالها تقول كله من تاثير طلال علي ياعزوزي بلاك ماتدري).
عبدالعزيز:وايش السر
نوف:مادري مافي سر
عبدالعزيز:طيب بصدقك واسوي نفسي مصدق
نوف:طيب طيب اوكي انتبه للطريق وخلنا نرجع البيت شوفهم راحوا سبقونا
عبدالعزيز:خليهم حنا مابنرجع البيت
نوف: اجل وين بنروح؟؟
عبدالعزيز:بنطلع نتعشاء عازمك على العشاء.
نوف:صدق؟وناسه يلا
عبدالعزيز:اختاري وين بتتعشين؟
نوف:مادري أي مكان بس بشرط يكون زحمه
عبدالعزيز:ليه زحمه؟؟ اعرف البنات مايحبون الاماكن الزحمه.
نوف: يووووه انت قديم ابي مكان زحمه عشان نتفرج على الناس ونقز هذاك بنات اول الي مايحبون الاماكن الزحمه
عبدالعزيز:ههههههههه مادري شلون انتي بتربين عيالك وبناتك الله يستر عليهم
نوف:خلهم يجون اول وبعدين تشوف شلون اربيهم
عبدالعزيز:عيب استحي وش هالكلام
نوف:خلاص سوري طوف لاتدقق عاد انت
عبدالعويز: يلا بنروح مطعم روستر الي بالعلياء شرايك؟؟
نوف :اوكيك ياحلو
راحوا المطعم وتعشوا وانبسطوا ولما خلصوا ردوا البيت وكملوا سهرتهم مع اهلها بالبيت على فيلم اجنبي هي راحت نامت .وثاني يوم لما صحت الساعه 3العصر صحت ومالقت احد في البيت الا2 من خواتها والخدامات سئلتهم وين باقي الشعب؟؟
قالوا معزومين على الغداء قالت فكه نرتاح شوي من الازعاج يلا نطلب ترا جوعااانه قالوا اوكي طلبوا من المطعم غداء وتغدوا الساعه 4ونص رجعوا اهلها من برا قالها عبدالعزيز:نوف انتي والبنات الي بتروح معانا الفانتزي لاند تتزهب الساعه 6 بنروح قالت:اوكيك. وراحت قالت لباقي خواتها ووافقوا راحت هي لغرفتها تكلم طلال.
نوف:الو قوه
طلال:هلا والله
نوف:شخبارك؟؟
طلال:الحمدالله بخير وانتي شلونك؟؟
نوف:تماااام الحمدلله
طلال:الحمدلله ها شخبارك اليوم وين رحتي امس؟؟
(وقالت نوف لطلال كل شي صار معاها حتى هو قالها وجلسوا تقريبا نص ساعه شوي الا باب غرفت نوف يدق )
نوف:طلال انطر شوي الباب يطق بشوف مين
طلال:طييييب
نوف:ميييييييييين؟
فواز:افتحي انا فواز
نوف:شتبغى؟؟؟
فواز:يلا بسرعه تعالي بنطلع الشارع وشغل صواريخ وطرطعانات
نوف:صدق(كانت مره مبسوطه)اوكيك فواز الحين اجي
نوف:الو طلال معاي والا رحت؟
طلال:لامعاك ها مين الي جاك؟؟
نوف:فواز
طلال:وايش يبغى؟؟
نوف:لا مابي اقولك اخاف تضحك علي
طلال:ليه اضحك عليك؟؟
نوف:لا اخاف تضحك علي
طلال:قولي والله عادي ماراح اضحك عليك
نوف:بروح اطلع معاهم الشارع
طلالباستغراب)الشارع؟؟
نوف:ايه لاتضحك
طلال:ههههههه وليه بالشارع وش عندكم؟؟
نوف:بنشغل صواريخ
طلال:ليه شمعنى بالشارع؟
نوف:حنا من كنا صغار وحنا نسوي كذا لازم نطلع بالشارع ونلعب
طلال:وتطلعين كذا بالشارع؟؟
نوف:لا نتلثم بطرحه انا والبنات وعند باب البيت نشغلهم ونرميهم على بعض
طلال:هههههههههههه حلو والله اجل وناسه
نوف:ايه
شوي الايطقون الباب عيال عبدالعزيز يلا نوف بسرعه بنروح
نوف:طيييييييييب الحين جايه طلال؟؟معلش بقفل الحين ينطروني
طلال:طيب روحي العبي وانبسطي
نوف:اوكي باي
طلال:باي
طلعت نوف ولعبت معاهم بالشارع شوي الا عبدالعزيز عمها يناديهم يلا خلصوا بنروح الفانتزي لاند .كلهم بصوت واحد(وااااو يلا الحين نجي).
ثاني يوم طلع طلال البر مع اصدقائه وغاب ثلاث ايام وبعد مارجع ارسل مسج يقول فيه
******************:....
جيت من المقناص وخاطري شوق
اكتب قصيدة عطرها من الخزامى
للي من الدنيا لها القلب مخلوق
يفداه راسي لين ماطى القدامى
قصيدتي غنت بها الصوت مطروق
ببيات شعر فوق روس الخزامى
ابي ....ة الروح والبال مشفوق
اطرب لها مشتاق ابي السلامى
سلام يابنت بالفخر شانها فوق
فوق النجوم وفوق جو الهيامى
الي بعين الشمري كلها ذوق
بنظرة بريه من الشبه والتهامى
اشفق عليها شفقة الطير من فوق
يبي الهدد ونيته ما يظامى
عليك يالي لك الزين منطوق
هذا خفوقي جاك ليوم القيامى
********************
انبسطت نوف مرررره اول ماقرت المسج ودقت عليه وكلمته واخذت اخباره وتطمنت عليه
يا (ــــ) كل القصايد فدوتنللك
واسعد قصيده في سموك نظمته
تفرح يا (ـــ)المعاني ماوفنلك
تحتار في وصفك لامن رسمته
مدام شعري فيك هو مطمعنلك
تستاهلين ديوان شعري ليا نثرته
*******************
تصبحون على خير اخواني وانتظروا الجديد في الجزء القادم من قصة نوف وطلال
اختكم Crazygirl
بايوووووووو

والله شوقتينا للاجزاء القادمه



ناطرينك

الاخت العزيزه/نــــــــــــــــــــــــوف!!!!!!
الله يعطيك العافيه على القصه الجميله هذي بصراحه قصه رائعه الى ابعد درجه

المهم شوقتينا الى الاجزاء القادمه عساك على القوه والى الا مام بأذن الله
وتقبلي مروري




ولك تحيـــــــــــــــــــاتـــــــــي

يــعــطيــك العــافــية أخــتـي Crazygirl

شـوقــتيــنا للجـزء الـقادم

أنتضر على احر من الجمر الخميس المقبل

شـكراُ اختي الغالية

مرت الايام على نوف وطلال احلى من العسل وكل واحد مب شايف غير الثاني قدام عيونه كل يوم يكلمها مرتين او ثلاث مرات بالجامعه واول ماتطلع منها وبعد ماتوصل البيت وتنوم يدق عليها باليل واذا مادق عليها يتقابلون على النت بالماسنجر او يرووحون الشات ويسولفون هناك ويكتبون شعر لبعض لدرجه ان الكل الي معاهم بالشات شكو انهم يعرفون بعض وبينهم شي . وفي مره من المرات قالت نوف لطلال سلفتها مع راشد ولد عمها الي يحبها من كانوا صغار ويمووت فيها والي حالف مايتزوج غيرها (ليش قالت لطلال عن راشد عشان مايتعلق فيها طلال بزياده ولانها تعرف انها في يوم بتنزف لراشد مب لطلال وعشان مايلومها ليش تعلقيني فيك وانتي تعرفين انك ماراح تتزوجيني )
قالها طلال انتي ليه تقولين كذا وربي مايلمس شعره منك وانا حي انتي لي انا مب لاي احد ثاني واذا ماكنتي لي راسي تحت التراب يا نوف .....
****************
ايه اعشقك لو على راسي السيف
والله لو عشقكك مثمن بالحياة
يفتديك راسي يفتديك كل حيف
والله وربي انتي لقلبي منــاه
ما ابالي لو خسرت الناس كيف
المهم تكوني لي في منتهاه
****************
ارسلت له مسج تقول فيه
لاتغامر في حبي ولاتجبر
شخصن دروبه لغيرك انهدوا
************
رد عليها مسج يقول:
لاتغامر في حبي ولاتجبر
شخصن دروبه لغيرك انهدوا
البيت هذا مابيك تعتبرينه شي عمر البنت ال ـــــــ ماتهدا هديه اذا مانتي موافقه عليه وربي ولايلمس شعره من راسك وراسي يشم الهوا
نوف تقرا المسج وتصيح لانها بينها وبين نفسها تعرف النهايه المحتومه المكتوبه لها هي وطلال بس تقول خلوني اعيش مبسوطه معاه وانشالله يصير الي في بالي
****************
ارسلت نوف مسج لطلال في يوم وقالت فيه انا بقفل جوالي كم يوم لاني بروح المستشفى حبيبي بيسوي عمليه ويبغاني اكون معاه
ارسل لها مسج يقول فيه
ـــــــــــــــــــــــــــــــــــــــــــــــــ
مادام لك خل مع الناس موجود
مالي مكان في حياتك ولاشي
الله يسهل خطوتك بخير ممدود
يسعد عيونك وشوف نورها ظي
مرت سنين صابر والرب محمود
اناظر للسما من فوق جبل طي
عودتني دنيتي ان الحظ مجحود
مثل البحار راكب سفيه بلا مي
مثل المنادي بصدى صوت مردود
لاهو تحت قبره ولا عانق الفي
مثل اليتيم تايه ماعنه منشود
لاهو توفى مع والدينه ولاحي
مثل كسير العين ما بها فود
لا ينفعه دكتور ولا ينفعه كي
امانتك ذكراي لو ما بها زود
ذكرى خير وتقول مات وافي
ــــــــــــــــــــــــــــــــــــــــــــ
ضحكت نوف الا فقعت ضحك من قلبها اول ماقرت المسج وعل طول دقت عليه بس مارد ارسلت له مسج :
انا قصدي حبيبي عمي عزوزي لايروح تفكيرك بعيد بيسوي قصطره في القلب ويبغاني اكون معاه وماقدر اقوله لا
قالها متى؟
قالت:بعد بكرا
كلمها واستفسر ليش تقوله حبيبي ومين هذا عبدالعزيز الي تقوله عزوزي حبيبي وقالت له قصتها مع عمها انه هو رباها واكثر واحد يدلعها في البيت وبس راحت نوف مع عمها عزوز وظلت اسبوع وبعده طلعت من المسشتفى وكملت حياتها عادي ...
.................................................. ....
وفي يوم من الايام دقت نوف على طلال بس مارد عليها ارسلت له مسج مكتوب فيه(انا حلمت بك البارح انت طويل واسمر عيونك بنيه جسمك مب متين مره بس فيك متن خشمك مب طويل مره شعرك اسود ناعم وبادي تصلج من قدام ومسوي دقنه مرررره حلوه كنت جالس على الكمبيوتر ولابس بنطلون بيج وتي شيرت اسود عليه رسمت نار لونها احمر واصفر وبرتقالي) دق عليها وسئلها؟؟
طلال:الوووووو
نوف:الو هلا
طلال:كيف الحال؟؟
نوف:الحمدلله تمام انت شلونك؟؟
طلال:بخير الحمدلله
نوف:شلون صحتك؟؟
طلال:الحمدلله بخير وش المسج هذا؟
نوف:صح علي الي فيه؟؟
طلال:انتي شايفتني قبل؟؟
نوف:أي بالحلم
طلال:لا قبل الحلم؟؟
نوف:لا وربي ليه؟؟
طلال:مادري كل الي قلتي عنه صح
نوف:نفس الي قلته بالمسج؟؟
طلال:ايه بالتفصيل مثل كل شي بس في فرق واحد؟؟
نوف:وشو؟؟
طلال:ماعندي تي شيرت اسود عليه رسمت نار
نوف:ههههههههه يعني صدق الي شفته بالحلم؟؟
طلال:ايه
نوف:انتبه ترا انا احلامي ماتكذب اذا بغيت اعرف شي يجيني بالحلم
طلال:منتي هينه خلاص بجي الرياض والبس بنطلون بيج وتي شيرت اسود بس من وين اجيب عليه رسمت نار؟؟ وبحط دقنه مع اني بعمري ماحطيتها بس علشانك بحطها
نوف:هههههههههههه تتكلم جد
طلال:أي
نوف:اجل يلا تعال وخلني اشوفك انت الي بالحلم او واحد غيرك
طلال:لاتتحدين ترا بجي
نوف:تعال حياك بس لا تلبس تي شيرت برد عليك
طلال:خلاص الاسبوع الجاي وانا عندك,,,, اجل وش البس؟
نوف:مدري بس أي شي ثقيل لانه برد
طلال:مايهمك ,,,,,,,,,,,,
كملوا كلامهم لحد ماجى وقت البريك وراحت نوف لصديقاتها
.................................................. .................................................. ...
مره دق طلال على نوف وقالها انه بالرياض جاي عشان عنده اجازه اسبوع ,,,,
نوف:وينك الحين؟؟
طلال:عند باب الجامعه
نوف:.؟؟؟؟؟؟وييييييين؟؟؟؟؟
طلال:هههههههههه عند باب الجامعه
نوف:صدق؟؟
طلال:ايه والله
نوف:تدري الساعه كم تفتح البوابه؟؟
طلال:كم يعني
نوف:الساعه 12 ونص والحين الساعه 10
طلال:مب مهم عادي اجلس انطرك
نوف:انت تتكلم صدق؟؟
طلال:أي وربي
نوف: طيب انا الساعه 12 وربع اطلع من عند البوابه رقم(ـــــ)
طلال:خلاص تلقيني لابس
نوف:لا لالالالالالالا تقول شي خلني انا اطلعك اشوف اعرفك او لا
طلال:اوكي
جت الساعه 12 وربع وماطلعت نوف دق طلال يسئلها وينها؟؟؟
طلال:وينك؟؟
نوف:يلا هذا انا بروح البوابه كنت انتظر صديقتي هذا انا البس عباتي وبطلع الحين
طلال:اوكي تلقيني على يسارالبوابه
نوف:اوكي باي
طلال:باي
طلعت نوف واول ماطلعت طاحت عينها على واحد واقف عند سيارته كان فاتح الباب وواقف وراه لابس ثوب ابيض (تخيلوا بعز الشتاء والبرد لابس ثوب ابيض الله يهديك يقول مب برد) ولابس شماغ ومشخص ,,,,
نوفبينها وبين نفسها ooh my good هذا هو هذا هو نفس الي شفته بالحلم وربي )
عينها جت بعينه هي لابسه لثام وواقفه مب بعيد عنه يعني تشوفه ويشوفها
دقت وهي تدق تقول يارب هو يارب هو دق جواله انبسطت مرررره شاف الرقم وعطاها مشغول ورجع دق عليها,,,,,
طلال:حلو المنديل البرتقالي
نوف:يعني انت الي واقف عند السياره ال(ـــــــــــ)
طلال:أي
نوف:خلاص شفتني باي
طلال:هههههههههههههه باي
ركبت السياره ودق عليها وجلسوا يسولفون لحد ماوصلت البيت ...كانت هذي حالتهم اول ماتطلع يدق عليها وهي بالسياره يسولفون لحد ماتوصل البيت وتقفل...
ارسل لها مسج يقول فيه:....
******************
لو بحثت في الكون مثلم ما اجد
في حلاك وفي دلالك ياغلاي
انت من أسكنك قلبي للابد
ياعديل الروح يا فرحي وهناي
غيرك من الناس ما قام وقعد
انت يا المجمول من يروي ظماي
ياهوى بالي يا وافي الوعد
يا صدوق ما تنكر لهواي
في حياتي ما انوجد مثلك احد
ولا بعدك اليوم يا مرضي و دواي
مابهالدنيا وجد مثلك ــــــــــــــــ
حظ عيني دامي اشوفك معاي
اخفي البسمه عن عيون الحسد
خوفتي ياـــــــ يعكر صفاي
*****************
يارفيقة قلبي العاشق هويت
اسمك ورسمك وهمس العيون
ان شكيت شوي بدمعي بكيت
ماقدر اخفي دمعة فيها شجون
في زماني فات مامثلك لقيت
ما ابي غيرك حتى لو يكون الي كون
حتى لو اموت
*****************
تصبحون على الف خير اخواني وخواتي انشالله عجبكم هالجزء؟
انتظروا الجديد الجديد من قصة نوف وطلال
للعلم ترا المسجات الي بالقصه هي نفسها المسجات الي كانت بين نوف وطلال وانشالله في اخر القصه انزل لكم المسجات الي كان يرسلها طلال لنوف كلها ومسجات نوف لطلال
اختكم الحلوهCrazygirl
بايوووووووو