يـا بنــت ضمينـي من الصيـف للصيــف

السلام عليكم ورحمة الله وبركاته


..$ يـا بنــت ضمينـي من الصيـف للصيــف $..

الــورد والكــــــــادي


بدون مقدمــات

القصيده بين ايديكم





يابنت ضمّيني من الصيـف للصيـف
............ملّيت مـن جـور السنيـن وصلفهـا

في ضمّتـك يابنـت مابـه تحاسيـف
.............علـى الـذي عـاف الحيـاه وقرفهـا

داوي عليـلٍ غربلتـه الصـواديـف
.............كلٍ عجـز عـن علّتـه مـا كشفهـا

من غيرك اللي يخفف الجرح تخفيـف
...........شوفي جروحي وارتمي فـي طرفهـا

واليا شبكت يـدي خلـف السراجيـف
.............برشـف ثمـان سعـد منهـو رشفهـا

من مبسمٍ فوقـه كمـا سلّـة السيـف
.............وعيون مـن قـرب الحبـارا علفهـا

انااشهد إنها الكيـف يامـدوّر الكيـف
.............وصفة طبيب الـروح يومـه وصفهـا

لايابعـد مــن يلبـسـنّ النفانـيـف
............ومن شافت من البيض تلعـن جدفهـا

يـادرّةٍ مـا داج مثلـك ولا شـيـف
..............يامهـرةٍ ماغيـري احــد عسفـهـا

انتي لحالـك ثقـل باريـس وجنيـف
..............ياللـي مكذبنـي رح لـهـا وشفـهـا

من حسنها ماحد وصف لـو تناتيـف
.............حتى امها اللـي مـن زمـان تعرفهـا

آيـه خرافـه مـا لهـا اي تصنيـف
.............وكـلٍ علـى طـاري حلاهـا ولفهـا

لاجيت اصفصف فكرة الوصف تصفيف
............يطري علي باقـي الجمـال وحرفهـا

منين اببدى؟؟!في الثمـان المراهيـف
............في عيونها فـي شعرهـا فـي شففهـا

فـي جيدهـا وإلا الثنيـن المهاديـف
............وإلا بعد فـي خصرهـا اللـي لهفهـا

في ساقهـا فـي فخذهـا والمراديـف
..............فـي غيـهـا والتـيـه وإلا ترفـهـا

في وصفها مال التواصيـف توصيـف
.............الوصـف كلّـه وصفهـا مانصفـهـا

لو شافها العاقل غـدا خبـل وخفيـف
............عنـي إن يرمـي غترتـه ويحرفهـا

ولو شافها اللي يلحف القرش تلحيـف
...........والله ان يصرّف ثـروةٍ مـا صرفهـا

وش عاد مـن جاتـه بليـا تكاليـف
............غير الـورود اللـي لهـا قـد قطفهـا

مـن اولاً معهـا بـروس المشاريـف
.............واليـوم نفسـه قـد لحقهـا كلفـهـا

يابنـت قومـي مابقـى دم ونـزيـف
............وانـا الـذي رجلـه عشانـك كرفهـا

يابنت جيتك والزمن صلـف ومخيـف
............جيتـك وغلطـات الزمـان اعترفهـا

وصدر ملاه الهـم واليـاس والحيـف
............وعيـنٍ بكـت حلـمٍ فقيـر وكشفهـا

جيتـك امـدّ لـك اليديـن النواحيـف
............بسكـن عيونـك والجفـون التحفـهـا

وهلّي علي مـن الدمـوع الذواريـف
...........في الصدر ونه ليت من هـو عزفهـا

تدرين ضمّيني من الصيـف للصيـف
............ملّيت مـن جـور السنيـن وصلفهـا



وتقبلو تحياتي

حززين الحرف

الموضوع الأصلي: يـا بنــت ضمينـي من الصيـف للصيــف || الكاتب: حززين الحرف || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: المـواضـيع المكــررة

---

dJh fkJJj qldkJd lk hgwdJt ggwdJJt lk hgwdJt fkJJj dJh

منتدى دمعـــة ولـــه - المـواضـيع المكــررة

---

dJh fkJJj qldkJd lk hgwdJt ggwdJJt

اخي حزين الحرف .. قصيـــدة رائعــة بروعــة ذائقــك ، رقيقــة




حالمـــــة ، فضــلاً عن جزالتهــا المبهــرة ، صح لســانك ولســــان



الشــاعر ، ولكمــا اجزل الشــكر ، وأجمل وأرق تحيــــــــــــة 0

صـــــــح لســـــــآنك حزين الحررررف ولاهنت على القصيدة

لاجيت اصفصف فكرة الوصف تصفيف
يطري علي باقـي الجمـال وحرفهـا

صح الله لسانك

والله لا يحرمنا هالحضور والأبداع

وهلّي علي مـن الدمـوع الذواريـف
...........في الصدر ونه ليت من هـو عزفهـا

تدرين ضمّيني من الصيـف للصيـف
............ملّيت مـن جـور السنيـن وصلفهـا



جززززله

لاهنت وبيض الله وجهك