يـــــــــــــــــــــــــآآآآبويـــ....%^%

ِياأبوي جعلك للبقا والمكاسيب ,,, عمري بدونك يالذ ّرا ويش أبي به
ِ
يابوي تسأل عن شفاك المراقيب ,,, طلعة سواتك للنّوايف غريبه

ليه المرض مايعرف الزّين والعيب,,, مايدري انك للمخاليق هيبه !!

أبسألك وش به غزا وجهك الشيب ,,, والقلب لايع والنواظر شحيبه

وش بك تحاتي لانوى الموت تغريب ,,, تخشى علينا بالليّالي الكئيبه

خذ دلّتك واركى على مسند الجيب ,,, وعطني شماغك بلثمه وأحتمي به

ونروّح لأرض ٍ بها العشب والطيب,,, وتسمع كلام ٍ يالغلا تحتفي به

يابوي إبنكـ لاانحكى بالتّجاريب,,, كل ٍ يشق لهيبه الصّيت جيبه

يابوي ماني من سوات المخاريب ,,, اللّي يجيب لعليَة القوم خيبه

وماني من اللّي لامشى حفّها الرّيب,,, أنا من اللّي مايدنّس حليبه

مرفوع شاني عن غرام المكاتيب ,,, وأكبر من انّني أرتضي بالحبيبه

أنا غرامي لاابتدوا بالتّراحيب ,,, نفوس الأوادم في وجودي رحيبه

((وان كان أنا فتنة ٍ للمصاويب ,,, حط وجهي بالحريق ولهيبه

عمري أبيعه وأشتري سمعه الطّيب ,,, اسم ٍ ينومس بالصّروح الذ ّهيبه))

وان كان عندي ( بالغلا) شي ٍ اصعيب ,,, عندي جدود ٍ مارضت بالغليبه

دموع القبايل في لقانا مساكيب ,,, كن المقابر لاحضرنا قريبه

خضّبت لك كفّي من العز تخضيب ,,, ورفعت راسي للنّجوم الصّعيبه

والله لأسدّك بالفعول المصاليب ,,, والله لأشيلك بالرخا والمصيبه

طلع المعالي ماانحكم للشّواريب ,,,إبنٍ وأناطح فارس القوم طيبه

وياشيخي إبشر لوتدور الدّواليب ,,, إبنكـ إلا منّه عوى الذّيب ( ذيبه)

الموضوع الأصلي: يـــــــــــــــــــــــــآآآآبويـــ....%^% || الكاتب: العاشق || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

dJJJJJJJJJJJJJJJJJJJJJJJJJNNNNf,dJJJ>>>>%^% dJJJJJJJJJJJJJJJJJJJJJJJJJNNNNf,dJJJ%%

منتدى دمعـــة ولـــه - الشعر وعذب الكلام- Poetry Section

---

dJJJJJJJJJJJJJJJJJJJJJJJJJNNNNf,dJJJ>>>>%^% dJJJJJJJJJJJJJJJJJJJJJJJJJNNNNf,dJJJ%%

العاشق
يعطيك العافيه عاى الطرح الرائع
ذوق ماشاء الله عليك

ابيات معبرة

تسلم اخوي ع القصيده لاكن الخط صغير شوي

يسلمووووو العاشق

ابيات ولا اروع

بنتظار جديدك

مشكوووووووووووووورين



يالغوالي

على

تواجدكم على صفحتي

العاشق