الولد اللذي تغرب ليقضي دين والده

كان في رجال من اهل القرعا (قرب بريده) وهالرجال عنده ولد اسمه ((محمد)) وهو بطل قصتنا ، الرجال هذا كان صاحب مزرعه ويتدين من واحد من مدينة اعنيزه واسمه ابن بسام كان سنه بعد سنه يتدين لين كمل 3 اسنين وفى السنه الثالثه مر عليه ضيقه وخسر من محصوله كثير ومن حلاله اللي يخليه مايقدر يسدد الدين ،،فراح يتدين من ابن بسام ورده الرجال وهو يقوله : كيف تستدين وانت لو اجمع مزرعتك ومافيها من حلال ما سد الدين اللي عليك ؟؟؟ / فرجع الرجال لاهله وهو ضايق ويوم محمد حس بضيقه ابوه ضاق وشل الهم وقااام لابن بسام وقال له : عط الوالد ما طلب منك من الدين وأنا رهينك في دينك اوفيك اياه ان شاء الله كاملا ..


هنا ابن بسام استغرب من كلام شاب اصغير ولا تجاوز 20 سنه وملامحه من الشهامه والرجوله والتقى وادخل ربي اللين بقلبه والرحمه وسمحت نفسه وعطى الاب الدين اللي سأله اياه من قبل ..

ومحمد ناظر بحال ابوه وحس بالهم اللي شاله واللي بذمته من دين وشال الهم ليل ونهار وبيوم صرح ان اللي مثله ماله إلا الأغتراب خيره ويبحث عن الرزق الحلال..

وهنا نتذكر قول احد الشعراء :




يامل قلب يلتوي لية الداب
خص ليا شاف الجفا عقب ترحيب
لاصار لك بالسوق طالب وطلاب
الغربه اشوى من وجيه المطاليب


هذي الابيات تتشابه حيل بالمعاني اللي صارت في قلب محمد الطموح.. وعزم على السفر ، وودع والديه .
وقصد اعنيزه يسال عن العمل ويلتمس من يوفقه الله له فأذا هو بالقراوعه نسبه لقبيله القرعاوي وهم محمد بن ابراهيم واخوه سلمان وعبدالله وعبد الرحمن .

محمد عرفهم بنفسه وصار قريب منهم حيل ورافقهم في سفرهم للشام ومثل ماهو معروف ان السفر يكشف الكثير من خصال الشخص فمحمد بيض الله وجهه كان خلوق ويخدمهم ((وسيد القوم خادمهم)).
ولما اوصلوا الشام مسك القرعاوي بيد محمد وقصد واحد من التجار الامناء ، فقال التاجر للقرعاوي يسأله عن الفتى ورد عليه القرعاوي بانه قدم معهم ليسترزق الله ، وهنا سال التاجر محمد عن رغبته في العمل عند التاجر وطبعا محمد رد على التاجر قال بعد موافقه عمي ويقصد محمد بن ابراهيم القرعاوي.
فحصلت الموافقه عند الجميع وصار عند هالتاجر الثقه الصالح الأمين ، وذلك بسبب نيه محمد الصادقه الخيره فصار هالتاجر له مثل الاب لانه شاف فيه الامانه والكفايه والسداد ،فقد رتاح التاجر من حسن معامله محمد في البيع والخدمه وكثير من اعماله ، وصاااار هالتاجر كل ما تم الشهر اشترى براتب محمد سلعه وربحها لمحمد.وهكذا كل شهر يشتري له شي وربحها لمحمد.
فلما تم حوالى سنتين اشتاق محمد لاهله ووطنه فطلب الرخصه وكره التاجر فراق محمد وحزن ثم اعطاه حسابه كاملا شاكرا له حسن عمله ومعاملته ، فقام وسافر لاهله واول بيت يطرق كان ابن بسام في اعنيزه وكان الوقت ليل وقرع الباب وفتح له وقال لأبن بسام انا ضيف ..،فأشعل السراج ثم اوقد النار وسال محمد ابن بسام وقال له تتذكرني ياعم؟؟...... قال: إلى الأن ..قال محمد : انا رهينك محمد ولد فلان صاحب المزرعه اللي لك دين عليه، وجيتك اوفيك حقك ، قال له ابن بسام: بكره إن شاء الله ، قال محمد : ما اطلع وانا قاصد اهلى لين اوفيك حقك وتعطيني الورقه اللي فيها الدين اللي على والدي ...،،، فقام ابن بسام واخرج الدفتر وطالع الحساب وقال له الدين اللي على والدك كذا وكذا .. ثم ان محمد سلم اللي طلبه ابن بسام واعطاه ابن بسام الورقه اللي فيها الوصل ليطمئن والده .

ثم خرج محمد لاهله بالقرعا فوصل لهم في هزيع .. آخر الليل فقرع عليهم الباب فقالوا :من هذا ؟؟ فرد عليهم : ضيف ..... وسكت فسمع محمد ابووه يتمنى لحمه محموسه على سمن يعني مقليه في دمها ودسمها فردت عليه عجوزه ..: انت ماهمك إلا بطنك ومحمد ما همك ولا طرى على بالك ، فقال : إلا والله إنه على بالى ورجيت ربي يرده لى يالم غانم ،، فعند ذلك قام الابن ونحر ناقته بعد ذكر اسم الله عليها واخذ اطيب لحمها وحمسها لا بوه ثم قام وقرع الباب وقالوا: من؟؟ قال:: ولدكم محمد قالوا محمد قال نعم محمد ففتحوا الباب وهم مدهوشين وفرحين بعودته ولقاه وهلت العبرات واللوعات من طول الغياب وافرحوا واستبشروا به وكانت هالساعه ساعه سعيده عليهم .

وقام محمد وقدم اللحمه بين يدي والديه فقال الاب : وش هذا ؟؟ قال هذا مناك اللي تمنيته يايبه .. وحمد الله فلما انتهيا قام وفرغ محصوله من جنيهات الذهب في حجر والده فأندهش والده منها مسرورا فرحا بهذا الخير الوفير ، فقال له غدا ياأبني تذهب لابن بسام وتسد دينه اللي علينا فقال له محمد اطمئن وهذا الوصل وماجيتك إلا وانا مسدده ، فرتاح الوالد ودعا لابنه بالخير وقام محمد وصنع طعام على لحم راحلته التي نحرها ودعا جيرانه وجماعته عليها شكرا لله لايفاء الدين وعودته سالما غانما إلى دياره ...



وسلااامتكم :

حبايبي الحلوين شفتوا كيف الولد بر بوالده وكيف ربي وفقه ويسر له اموره !!!
طيب بها الزمن من يفسر لى عن حال دار العجزه واباأنا المرمين اهناك بحجه ان العنايه متوفره لهم اكثر ..
ما اقول إلا اللهم ارحم والدي كما ربياني صغيرا واجعلهما قره عيني

ويارب يخلي لي ابوي وامي لين اقدر اوفي ربع جزاهم في حقي ..

الموضوع الأصلي: الولد اللذي تغرب ليقضي دين والده || الكاتب: غـريـم الـلـيـل || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: القصص والروايات - Stories and Novels Section

---

hg,g] hgg`d jyvf gdrqd ]dk ,hg]i hgg`d hg,gn jyvf pdk

منتدى دمعـــة ولـــه - القصص والروايات - Stories and Novels Section

---

hg,g] hgg`d jyvf gdrqd ]dk ,hg]i hg,gn pdk

حق الوالدين كبير ومهما صنعنا لهم لن نجزيهم حقهم علينا

يعطيك العافيه اخووي غريم الليل

وتقبل مروري

ودمت بود

.

امين اخووي غــريم ربي يخليهم لك ويخليك لهم ...

قصـــه معبره وتحمل دلالات كثيـــره بالفعل الــوالدين مهما اجتهدنا ماستطعنا ان نفي لهم ولو جزء

بسيــط من حقــوقهم ..

ربي يعطيك الف عـــــــآفيه ولك احتراااامي ,,

تسلم ع القصه

يعطيك العاافيه

يعطيكم الف عافيه اخوي عذب القوافي ولعيون الغلا واختي الجادل
مشكورين على مروركم الرائع والاجمل من رائع
والله لايحرمنا منكم ومن طلاتكم الحلوه
دمتم بووود

يسلمووووووو غريم الليل على القصه

يعطيك العافيه ... تقبل مروري

دمت بود

يعطيك الف عافيه اختي طيف على مرورك الرائع

تسسسسسسسسسلم ـاخوي غريم


مشكووور علىآ قصتك الرائعه