صيف كام سعودي كام شات غرور كام شات غزل كام شات الوله شات حبي شات صوتي
مغرم هل الشوق الاروايه الاصليه - منتدى دمعـــة ولـــه

         :: مكتب توفير عمالة فى مصر للاتصال 00201003629993 (آخر رد :مايكول)       :: سورة الممتحنة من هي الممتحنة !!؟ (آخر رد :غلا)       :: تعرّف على الفرق بين الإضاءة البيضاء والإضاءة الصفراء (آخر رد :وردة الكويت)       :: المواد المختلفة في التصميم الداخلي والأثاث (آخر رد :وردة الكويت)       :: الزجاج وتطبيقاته في التصميم الداخلي (آخر رد :وردة الكويت)       :: مراحل تصنيع الزجاج (آخر رد :وردة الكويت)       :: مهم (آخر رد :دموع العشاق)       :: رحلتك للسياحة (آخر رد :wego)       :: ماهو فضل العمرة؟ (آخر رد :دمعة وله)       :: دعاء آخر ساعة من يوم الجمعة قصير (آخر رد :غلا)      

التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 
قريبا

بقلم :
قريبا
قريبا

العودة   منتدى دمعـــة ولـــه > المنتـديات الأدبيــــه > القصص والروايات - Stories and Novels Section

القصص والروايات - Stories and Novels Section يهتم بكتابة القصص والمقالات والروايات سواء منقولة أو مكتوبة

مغرم هل الشوق الاروايه الاصليه

بسم الله الرحمن الرحيم السلام عليكم ورحمة الله وبركاته مغرم هل الشوق روايه من ثلاثة اجزاء باللهجه العاميه القطريه القديمه للكاتب

إضافة رد
 
أدوات الموضوع انواع عرض الموضوع
قديم 09-04-2014, 04:18 AM   #1
المشرفين


الصورة الرمزية عہَـبأإدي أإلـتـہَـمـيمي
عہَـبأإدي أإلـتـہَـمـيمي غير متواجد حالياً

بيانات اضافيه [ + ]
 رقم العضوية : 16734
 تاريخ التسجيل :  Mar 2014
 أخر زيارة : 06-01-2023 (11:03 AM)
 المشاركات : 381 [ + ]
 التقييم :  10
 الدولهـ
Qatar
 الجنس ~
Male
لوني المفضل : Blue
Best مغرم هل الشوق الاروايه الاصليه



بسم الله الرحمن الرحيم

السلام عليكم ورحمة الله وبركاته


مغرم هل الشوق

روايه من ثلاثة اجزاء

باللهجه العاميه القطريه القديمه

للكاتب والمؤرخ التراثي القطري

عبدالرحمن المناعي
( الشمالي )

اتمنه انه الروايه تنال ع اعجابكم والله يقدرني ع كتابتها كامله

ملاحظه : اتمنه الكل يقرء من غير ما يعلق الين ما خلص الروايه كامله
لانها من ثلاث اجزاء ومن 150 صفحه كتابه مو نسخ ولصق
سامحوني لو في اخطاء املائيه


نبذه عن الروايه :

حكاية هذه الروايه تعتمد على احداث تاريخية واجتماعيه وحكايات سعبيه تدور حول
شخصيات خليجيه ...........

( الجزء الاول )

( صباح يوم من ايام الصيف في ساحة قرية ام الحصى المجاوره للبحر ...

بوسعد رجل مسن يجلس على كرسي خشبي بوسط الساحه وامامه جسمان , وهو من رجاله
المخلصين , رجل في الخمسين من عمره ... )

عواد : (موال ) با علمكم حديث الماء للنخله ...
وباعلمكم عن احوال ولاتخلا ...
وعن غيم مثل ثوب العزا اسود ثراها الدنيا ما تخلا ...
باعلمكم عن ديرة حصاها من جوقي ...
وباعلمكم ولوتدرون عن عوقي ثرا ها الدنيا ما تخلا ....

بوسعد frown.gif بحزن ) أه ... ثرا ها الدنيا ما تخلا ...
جسمان : هونها ياريال ..كم شهر الحين من غاب سعد؟
بوسعد: شهور يا جسمان .. هذا احنا ردينا من البحر
وهو راح عقب ردتنا السنه الماضيه
جسمان: الله كريم .. مثل ماوداه يرد .
بوسعد : قبل حولين يوم عطيناه اللولو راح البحرين شهر
واحد ورد لنا بالفلوس, وهالمره خذ لولو وايد من ام الحصى
ومن غيرها .. ولاحد يدري وين راح
جسمان: مهونه .. مهونه ان شاء الله .. سعد ريال وان شاء الله ....
بوسعد: (بحزن) ايه مته ؟ ايام تسحب ايام..
واحنا مسمرين لاندري وين ؟؟ ولا شلون .. ولا مته
نصيب: عمي .. عمي ..
بو سعد: خير يا نصيب خير يشر حد رد من البحرين ؟
نصيب: عمي .. خلف بن حسين في الديرة
بوسعد: شنهو.. انت جنيت ( يضحك )
نصيب: اقولك ياعمي خلف بن حسين....
جسمان: (يسخريه) ومتى شفته؟
نصيب: الحين..
بوسعد: مته رد الديره؟
نصيب: اهو في الديره من زمان بس محد يعرف
بوسعد: ( يضحك ) يا نصيب خلف بن حسين اختفى من امية سنه ..
اعيال اعياله صارو شياب.. وانت تقولى توك شايفه
جسمان: بعدين اذ احنا مانعرفه ولا نعرف شكله انت بتعرفه
بوسعد: صج انت بتعرفه؟ وانت اصغر من اصغر احفاده
جسمان: ( يضحك ) يا بوسعد نصيب يبيله مطوع يقرا عليه
نصيب : بس يا عمي...
بوسعد: ( يمسك به بغضب ) الحين يا نصيب انا مطرشك الفرضه وشله؟
نصيب: والله ادري ياعمي بس وانا راد من على البحر مريت على عريش بن عثمان
بوسعد: راعي المالح؟
نصيب: اهو يا عمي..اهو راعي المالح
بوسعد: وشفيه؟
نصيب: اقولك اهو راعي المالح ..بن عثمان اهو خلف بن حسين
بوسعد: رديت يا نصيب ثرا حجي جسمان عدل مالك الا المطوع
تصيب: ياعمي..
بوسعد: اسمع انا صبرت عليك وايد خلف بن حسين بنا هالبلاد
من سنين طويله اعيال عياله لو شافوه ما عرفوه وبعدين الريال مات
جسمان: اهو مات يا بوسعد ؟
بوسعد: من قال انه مات ؟!
جسمان: توك قلت انه خلف بن حسين مات
بوسعد: لا حول ولاقوة الا بالله ..يا نصيب انا مطرشك الفرضه تشوف اي محمل
راد من البحرين وتخبرني .. ياي تقوللي شفت خللف بن حسين
جسمان: يانصيب عمك بوسعد مب ناقص .. خلف بن حسين ماعاد موجود..
صار حزايه انحازي اعيالنا فيها
نصيب: بس انا شفته يا جسمان
جسمان: وشلون شفته؟قالك انا خلف بن حسين؟
نصيب: بن عثمان راعي المالح اهو خلف بن حسين
جسمان: (يضحك) يا مخبول بن عثمان شقاق المالح اهو خلف بن حسين
بوسعد: (يمسك اذن نصيب بقوه) رحت الفرضه او لالا؟
نصيب: (بالم) رحت ياعمي رحت ..ايقولون يمكن محمل جابر يوصل العصر
بوسعد: مته بترد يا سعد

عواد: ( موال ) باعلمكم عن الملح لي تشرب مع جروح الوقت
وعن الجرح لي غدا مثل البحر ثاير
وعن الدمعه وعن الغادر
وعن غيم مثل ثوب العزا اسود
ثرا الدنيا ماتخلا...
باعلمكم عن الغربه وعن الكربه
وعن حلم السواحل للنخل البعيد
وعن فلب بلايا عيد...
يمر الحول وهو في غربته واحد
لي قال الاه يقول له رملها عيد....

يتبع >>>>









lyvl ig hga,r hghv,hdi hghwgdi




lyvl ig hga,r hghv,hdi hghwgdi



 


رد مع اقتباس
قديم 09-04-2014, 05:30 AM   #2
المشرفين


الصورة الرمزية عہَـبأإدي أإلـتـہَـمـيمي
عہَـبأإدي أإلـتـہَـمـيمي غير متواجد حالياً

بيانات اضافيه [ + ]
 رقم العضوية : 16734
 تاريخ التسجيل :  Mar 2014
 أخر زيارة : 06-01-2023 (11:03 AM)
 المشاركات : 381 [ + ]
 التقييم :  10
 الدولهـ
Qatar
 الجنس ~
Male
لوني المفضل : Blue
افتراضي رد: مغرم هل الشوق الاروايه الاصليه



شرطي: ابتعد يا مجنون ..روح بعيد يالله
بوسعد: ( بحزن ) ثيا ماتخلا
جسمان: (يمسك نصيب) اسمع يا مخبول عمك مب ناقص هم
من يوم ماغاب ولده سعد ..وهو متكدر ..لا تيلس اتخرف
نصيب: بس يا عمي
جسمان: جب جب ولا كلمه..بوسعد تبي نصيب ولا يروح
عيل يله..يله انجلع مر على المطوع يقرا عليك يامخبول...
بوسعد: ( يضحك ) خلف بن حسين ..قالوا لنا واحنا اصغار
ياب هله كلهم وبنا ام الحصى تعود يرقد مع الشمس ويجلس قبل الفجر
يجمع الحصى ويروح يوقض الملا .. وبعدها يروح البحر ايتوضا ويرد يصلي
بنا هالبلاد اهو وعياله (يضحك) حسبي الله عليك يا نصيب
جسمان: بس الي يسمعك يا بوسعد وانته اتكلم ويا نصيب ايقول ان خلف بن حسين عايش
بوسعد: خلف بن حسين راح مثل ماراح ولدي سعد..
جسمان: وشلون يا عم؟
بوسعد: ايقولون طلع على عادته قبل الفجر بساعه جمع الحصى وراح وقض الملا..
وبعدها راح البحر يتوضا
جسمان : ايه وبعدين؟
بوسعد: جلسو اعياله ونسباه وجماعته على اذان الملا وعلى عادتهم تيمعوافي المسجد
انطرو ابوهم وشيخهم وامامهم..مابين..دوروه على البحر ما حصلوه
جسمان: عجيب
بوسعد: طلعت الشمس دوروه في كل مكان.. انزلوا البحر مراكاهل الديره كلهم
في البحر اتدور عليه
ونسيبه فالح بن سطام فزع قبيلته وماخلوامكتن في بر قطر مادوروه ..
اسنسن وهم يدورون في البحر والبر وماله اثر
جسمان: عشان جذيه ماتقدر اتقول انه مات؟
بوسعد: ومن سقدر يقول انه مات ؟؟ الله اعلم
جسمان: ايه سمعت سعاده اتغني لنا واحنا صغاربوحسين خوته بنت البحر..وخلته يسبح..
بوسعد: (يقطع كلام جسمان) بس.. اترك عنك هالحجي يا جسمان استغقر الله ..
( تدخل طفله وهي فتاة في مقتبل العمر)
طفله: مارد سعد يا عمي؟
بوسعد: لا حول ولا قوه الا بالله .. وشمطلعج من البيت يا يبه يا طفله
طفله: للحين مارد سعد؟
بوسعد: ان شاء الله بيرد يا يبه انتي روحي البيت الحين
طفله: اي بيت ياعمي؟ البيت الي بتاه سعد وللحين ماسكنه؟
بوسعد: بيرد ياطفله وبيسكنه وبتسكنينه وياه.. سعد سافر البحرين يبيع اللولو..
ناس اتقول بعد في البحرين وناس تقول انه ركب المركب السنان مركب الهند..
والهند يابوج بعيده الناس لين سافروا الهند مايردون الا عقب سنه او.....
طفله: ادري ياعمي والناس الي يروحون الهند بعضهم مايرد ويبني له بيت غير
بوسعد: لا... لا ياطفله سعد بيرد ؟؟واليوم ان شاء الله بيرد غانم من البحرين وبيخبرنا عنه..
بله يايبه روحي البيت تعوذي من الشيطان... انتي تعرشرطة الاتراك الحين بيمرون
وعلى الله مايشوفون لهم شوفه يله يايبه
طفله: خلف بن حسين اختفى وللخين محد يدريبه وين راح اهو حي ملا ميت والحين سعد
بوسعد: (يفزع) لا..لا يا يبه لا تقولين هالشكل سعد بيرد يايبه بيرد يايبه يله

عواد: ( موال )
باعلمكم عن اللي شيلوا..راحوا
وبعد خطواتهم.. تمشي على عيونياذا تيون سمعوني
اذا لليوم ماتدرون عن اللي راح عليهم لا .. لاتبجون
ثربكره بتبجوني
بعلمكم اذا سلسلنس صوت الليل ولا يمي حد يعاون
حد يمد لي من عروفه وابل ريجي
حد يقول لي مته ضو القمر يطلع
متى اذان القهر تسمع
متى شمش النهار تسطع

شرطي: ابتعد يا مجنون ..روح بعيد يالله
جسمان: هذا اللي خايفين منه

( يخاطب الشرطي الماسك بالرجل )
الشرطي: وديه الكوت حط رجله داخل فلقه .. لازم يعترف
بوسعد: وهذا وشسوه؟
الشرطي: مركب مال الشرطه محروق.. لازم ايعرف الفاعل..
جسمان: يعني هالمسكين مب الفاعل؟
الشرطي: لا .. بس يقول .. انه اللي حرق المركب واحد اسمه خلف بن حسين..
وهو مايعرف هذا خلف وين.. احنا يمسك هذا رجال لين يظهر خلف
( يضحك بوسعد وجسمان )
الشرطي: (بغضب) بوسعد شنهو في؟
بو سعد: لا مافي شي.. مافي شي يا سيد الشرطه
الشرطي: بوسعد.. اخبار ولدكم ؟
بوسعد: مافي اخبار
الشرطي: سعد ولدكم شاطر ؟؟هذا يمكن حصل فلوس كثير وبعدين..
بوسعد: لا يا سيد الشرطه سعد مايخون هله وجماعته
الشرطي : ( يضحك) فلوس كثير وبلاد جمسل ..يمكن..
بوسعد: الله يصبرنا عليكم
الشرطي: انت شيقول شيبه
(يلاحظ وجود طفله فيقترب منها )
الشرطي: ها..هذا حرمتكم؟
بوسعد: لا ( يحول بينه وبين طفله) هذي حرمة سعد ولدي..
الشرطي: سعدفي حرمه؟
بوسعد: يعني بصير مرته اومالج عليها
الشرطي : شيبه كذاب
بوسعد: بس يا سيدي الشرطي...
الشرطي: سعد ولد شاطر ( يضحك وهوه يقترب من طفله)
طلفه: ( ترفع يدها في وجه الشرطي بغضب) ابتعد ياكلب
الشرطي: مجنون..حرمه مجنون مال ولد محنون
بو سعد: سعد مب مجنون يا سيد الشرطه
الشرطي: ( بغضب ) لا مجنون.. انته بوسعد واحد مجنون ..ولد مالك مجنون ؟؟حرمه مال ول مالك مجنون
( يتهكم وسخريه ) بوسعد انته يعرف بيت مافيهو ممكن يصير؟
( بوسعد لا يرد) بيت فاضي ممكن جني يسكن داخل
طفله: بيت سعد مب خالي ... انا انظفه كل يوم
الشرطي: ( يعاود الاقتراب منها ) انتي يروح ينظف بيت؟ مته ها مته؟
بوسعد: يا سيد الشرطه بيت ولدي صار له سنه من انبنا .. وسعد سافر ايبيع اللولو وبيرد ان شاء الله
الشرطي: انا فقط يسئل بيت فاضي ممكن جني يسكن داخل وايضا ممكن حرامي مجرم
يسكن داخل .. عشان حكومه مو لانامايعرف
بو سعد: شلون يعني؟
الشرطي: بيت مال ولدكم خطر على الامن ( يضحك بخبث ) شيبه كذاب ( يخرجون)

يتبع>>>>


 


رد مع اقتباس
قديم 09-04-2014, 06:41 AM   #3
المشرفين


الصورة الرمزية عہَـبأإدي أإلـتـہَـمـيمي
عہَـبأإدي أإلـتـہَـمـيمي غير متواجد حالياً

بيانات اضافيه [ + ]
 رقم العضوية : 16734
 تاريخ التسجيل :  Mar 2014
 أخر زيارة : 06-01-2023 (11:03 AM)
 المشاركات : 381 [ + ]
 التقييم :  10
 الدولهـ
Qatar
 الجنس ~
Male
لوني المفضل : Blue
افتراضي رد: مغرم هل الشوق الاروايه الاصليه





عواد: ( موال )

باعلمكم اذا صك الحلق البطن
لا معلم ولا سفان
يعدل ميلة المايل
انطر نوبة المعلي
وانطر نوبة السنان
من له تروح..مناتسايل
من له تشتكي همك ..
لي همك غدا اوطان
ولي عوقك غدا ديره بلا شيطان

( بو سعد منزوي .. يبكي مفهورا)
طفله: صارت هالديره خطر.. ام الحصى ابلاد خلف بن حسين صارت خطر..ام الحصى
صارت بلا حصا وبيت سعد صار خطر على الامن
جسمان: الله ايعينه على هالاتراك
طفله: ذاك الشيخ اللي يجمع الحصى قبل الفجر ويكومه حول البلاد .. ولين رد من الغوص قال
حق اعياله وجماعته ابنوا هذا الحصى وطين والتبن بيفزع لكم شيخ البدو نسيبي
بوسعد: بس ياطفله ليردون ويسمعونك
طفله: تعال يا خلف ثرا الحصى الي جمعته كله باقوه الكلاب باقوا الحصى وبنوا لهم كوت على سيف البحر..
قلعه اتشوف بيوتنا .. حتى سعد ما لقاله حصى بنا بيته من سعف النخيل بس ما سكنه للحين .. تسمعني يا خلف
بو سعد: الله يهديج يا طفله تعالي يايبه تعالي

جسمان : نصيب !
نصيب: وين عمي بوسعد؟
جسمان: راح .. شفيك وشبلاك؟
نصيب: لا بس انتوا ليش محد مصدقني؟
جسمان: واللي يرحم والديك يا تصيب جوز عن هالسوالف
نصيب: الناس اتقول ان الي ياق البندق من الاتراك السنه الماضيه خلف بن حسين...
والي شب النار في مركبهم خلف بن حسين .. اكيد خلف بن حسين موجود
جسمان: بس .. بس..اسكت
نصيب: بس يا عمي خلني اقولك...
جسمان: (بغضب) نصيب ( يمسك به) اسمع روح الفرضه ولاترد الا عندك خبر
عن اي سفينه يايه من البحرين
نصيب: ان شاء الله .. واذا يايه من مكان غير؟
جسمان: لا بس من البحرين لانه عمك بو سعد يبي يعرف مركب الهند مته بيمر البحرين؟
نصيب: المعالي ولا السنان؟
جسمان: مادري مادري يا نصيب بس روح
لين رحنا البحر قلنا الغوص تعب مته نردالبلاد
هذا اهيه البلاد في البحر اهون لا تلقى هالكلاب اللي ينهشون في الناس...
ولا تشوف دموع طفله ولا حزن بوسعد ...
حيا الله سعاده ... هاتي عنك ( يساعدها في انزال البقشه ) طولتي يا خاله
سعاده: اول نسري مع الذيابه والليل .. نروي الماي من قبل الفجر من اول ما يعوي الذيب لين يصيح الديك...
عمرنا ماعرفنا الخوف .. اما اليوم....
جسمان: وشخبار البلاد؟؟
سعاده: كل يشكي من الجوع .. ايقولون اللولو محد يشتريه وسنين الغوص بتخلص
جسمان: والاتراك؟
سعاده: الاتراك في كل مكان ...
جسمان: والاخير ياخاله؟
سعاده: الشيخ جاسم راح شمالي الديره...
جسمان: وخلا الناس؟
سعاده: لا ما خلاهم كلهم يعرفونه .. كل اهل البلاد يقولون انهم يشوفونه كل ليله
جسمان: شلون؟
سعاده: اختي اتقول بعض الناس ينامون على الجوع ويصحون وعندهم تمر
جسمان: الله سيسض وجهه .. لكن يا خاله والاتراك يدرون؟
سعاده: ايقولون لهم تدبير
جسمان: بس هم مايدرون عنه يا خاله؟
سعاده: يدرون انه راح بيته شمال البلاد
جسمان: بس اذا الناس يعرفونه ويشوفونه اخاف...
سعاده: ( تقاطعه ) لاتخاف يا جسمان مب اهل ام الحصى بس اللي على قلب واحد ...
كلهم اهل في كل مكان الاهل اهل
جسمان: اليوم الاتراك تعرضوا حق طفله
سعاده: شلون؟
جسمان: ايقولون بيت سعد الخالي خطر على الامن
سعاده: ايقولون وايد
جسمان: بوسعد خايف على طفله.. زاد همه هم
عواد : باعلمكم اذا صك الحلق البطان
سعاده: تعال يا عواد .. تعال
جسمان: ونصيب تخبل ياخاله
سعاده: اعوذ بالله نصيب عاقل وشخبله .. تعال..قرب يا عواد تعال( تفتح البقشه وتبحث بداخلها)
جسمان: اقولك تخبل....
سعاده: ( تخرج ثوبآ ابيض بأكمام طويله وتعطيه لعواد المغني)هاك يا عواد ثوب جديد
يايبته بك من البلاد
جسمان: اقول لك تخبل.. تدرين انه يقول انه شاف خلف بن حسين
سعاده: ( تقف بفزع) تخبل.. عمي.. خلف .. بوحسين.. خاوته بنت البحر وخلته يسبح وبعده ماظهر
جسمان: عمي بوسعود مايحب هالسالفه
سعاده:ومن يحب هالسالفه
جسمان: مايحب سالفة بنت البحر ..الجنيه
سعاده: اذا ماخذته جنية من البحر عيل وين راح؟
جسمان: الله اعلم ... بس يا خاله تهقين للحين عايش؟؟
سعادة: حتى لو كان عايش ماظن يتحمل الحياة مع هالاتراك
جسمان: ونصيب يقول ان بن عثمان شقاق المالح اهو خلف بن حسين
سعاده: خلف بن حسين ماله شبيه يا جسمان اللي له حاجه يمر على البيت عقب صلاة العصر خلوني
ارتاح في بيتي شوي ( للماره بساحه ) ( تحمل البقشه وتشاهد عواد وهوه مرتدي الثوب الجديد)
رجل: خوش ثياب الي تجيبينها يا خاله
( سعاده وجسمان ينظران للرجل بستغراب)
عواد: ( موال )
باخبركم اذا حبل الوتر
عاف الحصى والارض
اذاصار الحجي غصه
وصار النور مثل الليل
وصار الخوف مثل الفرض

نهاية الجزء الاول

((وبكره بعون الله اكمل لكم الجزء الثاني
اتمنه ينال ع اعجابكم الجزء الاول
ونفس ماقلت لكم لحد يرد ع الموضوع اله بعد ما كمل باقي الروايه ))

تحياتي
عبدالله ياسر التميمي


 


رد مع اقتباس
قديم 09-04-2014, 10:20 PM   #4
المشرفين


الصورة الرمزية عہَـبأإدي أإلـتـہَـمـيمي
عہَـبأإدي أإلـتـہَـمـيمي غير متواجد حالياً

بيانات اضافيه [ + ]
 رقم العضوية : 16734
 تاريخ التسجيل :  Mar 2014
 أخر زيارة : 06-01-2023 (11:03 AM)
 المشاركات : 381 [ + ]
 التقييم :  10
 الدولهـ
Qatar
 الجنس ~
Male
لوني المفضل : Blue
افتراضي رد: مغرم هل الشوق الاروايه الاصليه



(الجزء الثاني)




( صباح اليوم التالي .. يدخل بوسعد وهو متوتر يترقب دخول اي شخص

صوت غناء عواد من بعبد يجلس على الكرسي.. تدخل طفله يقف بوسعد بفزع ويسير نحوها)

بوسعد: بعد طلعتي ياطفله يابوج الوقت غير الوقت
طفله: بيت ولدك سعد خطر على الامن ..يابوسعد
بوسعد: ياطفله يابوج روحي البيت واللي يرحم والديج
طفله: سألتك قبل .. اي بيت يا عمي بيت سعد ولا...
بويعد: ( يقطعها بفزع) لالا يا طفله تحملي اتروحين صوب
بيت سعد لا الحين ولا اي وقت .. الاتراك اعرفوا هالسالفه ..
لا يا طفله روحي بيتكم روحي حق امج .. ولا مري على سعاده
شوفي اذا محتاجه شي من عندها
طفله : ومن قال اني محتاجه شي .. سعد وانت ابوه ما تعرف
اذا كان ركب المعالي وراح صوب البصره..ولا ركب السنان وراح الهند
بوسعد: وشللي يودي سعد صوب البصره يايبه.. سعد خذ لولو نواخذه
ام الحصى كلهم ,مب انا بس اللي انطره, ناس وايد ينطرونه بس يابوج السالفه غير..
طفله: السالفه وحده يابوسعد
بوسعد: سمعي يا طفله قصة خلف بن حسين ..وهم.. حلم انتهى من زمان اما الاتراك
حقيقه موجوده بينا
طفله: وولدك سعد اختفى مثل ما اختفى خلف بن حسين .. لكن الحقيقه الوحيده ان خلف بن
حسين بيرجع
بوسعد: لا حول ولا قوه الا بالله .. انتوا جنيتوا
طفله: انت اتكلم عن الوهم والحلموالحقيقه
بوسعد: بس فيه فرق..
طفله: الفرق ان خلف راح عقب ما بنى طيبة ام الحصى .. وسعد راح يبيع اللولو وبيته من سعف
سعد من بدال ما يبني بيته من الحصى اللي يمعه خلف بن حسين .. بناه من الجريد وسعف
بوسعد: ياطفله .. سعد راح البحرين ..يعني قصته مب مثل قصة خلف بن حسين ..سعد انعرف
انه راح البحرين يبيع القماش لكنهم يقولون ان السوق طايح .. محد يشتري
طفله: ويمكن ركب كع تجار اللولو من كل مكان مركب الهند
بوسعد: الله واعلم يمكن بعده في البحرين ويمكن مثل ماتقولين .. لازم يبيع يا طفله ولا بنموت من اليوع
طفله: راح الهند يبيع اللولو وبيته من سعف وحبال
عواد : ( موال )
بعلمكم عن الغربه عن الكربه
وعن حلم السواحل للنخل البعيد
وعن قلب بلا ياعيد
يمره الحول وهو في غربته واحد
لي قال الاه يقول له رملها زيد

( على صوت عواد تخرج طفله )
يتبع>>>>>


 

التعديل الأخير تم بواسطة عہَـبأإدي أإلـتـہَـمـيمي ; 09-04-2014 الساعة 10:26 PM

رد مع اقتباس
قديم 09-05-2014, 12:37 AM   #5
المشرفين


الصورة الرمزية عہَـبأإدي أإلـتـہَـمـيمي
عہَـبأإدي أإلـتـہَـمـيمي غير متواجد حالياً

بيانات اضافيه [ + ]
 رقم العضوية : 16734
 تاريخ التسجيل :  Mar 2014
 أخر زيارة : 06-01-2023 (11:03 AM)
 المشاركات : 381 [ + ]
 التقييم :  10
 الدولهـ
Qatar
 الجنس ~
Male
لوني المفضل : Blue
افتراضي رد: مغرم هل الشوق الاروايه الاصليه




بوسعد: جسمان..جسمان.. وين راح هالريال لا هو ولا نصيب يامن يخبرني عن اللي يصير

( يدخل رجل مسن يبدو عليه الغضب )

بومحمد: واخرتها يابوسعد
بوسعد: قول السلام عليكم اول
بومحمد: يابوسعد شقانا وشقى اعيالنا .. ولدك ماله اثر
بوسعد: بيرجع يابو محمد .. استهدي بالله
بومحمد: صبرنا وايد يابوسعد امناك على حلالنا ..لكن
بوسعد: الكل يشكي الحال .. واللولو سوقه طايح
بومحمد: بس سعد صارله شهور وما بين
بوسعد: مالنا الا الصبر
بومحمد: ولي مته .. ولي مته ( في طريقه للخروج )
هذا ولدك مومبين انه بيرد ..حسبي الله ونعم الوكيل لا حوله ولا قوه الا بالله
بوسعد: ايه نعم .. لي مته؟ لي مته؟ .. رد ياسعد .. رد يابوك .. وشباقي بعد

( يدخل رجلان من الاتراك ويتوقفان لحظات امام بو سعد وينصرفان يسير بو سعد وهو يتلفت حوله ويتدثر بعبائته
على الكرسي ويغفو ويحلم )

( على ظهر مركب الهند رجل يفترش الارض وامامه سجادة صلاه عليها قطع قماش حمراء
وعليها كميه من اللؤلؤ يمسك بميزان صغيريقلب فيه اللالئ التي امامه .. صوات امواج)

سعد: لا مشتري .. لا في البحرين حد يشتري وهذا احنا انتعنى لك طريج ( يقف يخاطب اللؤلؤ)
اول تجار الهند ابروحهم ايون المنامه والدوحه ودبي يدورون على اللولو.. لا ومرتنا اسنسن يونا
حتى الفرنسيين .. اما الحين اليهود اختفوا من سوق المنامه والبونيان يقلبون يدهم ولاحد
يشتري .. نقطع لك طريج ولا ندري وشبيصير

( يعود يمسك بالميزان ويعيده الى مكانه ويربط القماشه الحمراء على اكياس اللؤلؤ اثناء
حديثه ويضعها على سجادة الصلاه المفروشه على الارض)

اول مايسافر الهند الا التاجر الكبير اما الحين ماتم حد ماركب السنان.. لولو هاالناس كله في هالمركب وعلى
الله التوفيق ..يا رب (يمشر عن ساعديه استعداد للوضوء ويختفي من المكان بعد ان يطبق السجاده على اكياس
اللؤلؤ ..لحظات ويدخل خادمه )
نصيب: عمي عمي سعد
سعد: خير يا نصيب (يرد عليه من الداخل )
نصيب: عمي توضا
سعد: نعم يا نصيب .. اذن؟
نصيب: نعم يا عمي .. اذن

( يمسك بالسجاده وينفضها في طرف السفينه ويعيدها بعنايه الى مكانها وهويدندن اغنيه
يواحليه .. يدخل سعد فيلا حظ السجاده .. يصرخ )

سعد: وشسويت يا نصيب
نصيب: نظفت السجاده يا عمي
سعد: والي فيها؟
تصيب : وشلي فيها؟
سعد: ( بفزع) فيها القماش اللولو حلالنا يا نصيب.. ووين نفضتها؟
نصيب : نفضتها في البحر يا عمي
سعد: لا واللولو اجياس اللولو حلالنا راح في البحر راح في البحر يا نصيب
نصيب: ( بفزع وخوف) والله مادريت يا عمي
سععد: شاقول حق ابوي؟ شاقول حق اهل ام الحصى..شاقول حق الناس الى تنطر.. اقولهم اللولو
طاح في البحر .. حلالنا راح يا نصيب
نصيب: ياليت اقدر اطب البحر واييب اللولو
سعد: ( بعد لحظات صمت يمسك بنصيب) اسمع .. ما بي حد يعرف سالفة اللولو الي قطيته في
البحر ولا حد .. والله ان عرف حد هالسالفه لا قطك ورا اللولو .. سمعت
نصيب : سمعت يا عمي

( بوسعد يفزع من على الكرسي وهو يصيح )

بوسعد: لا...لا...اللولو كله راح في البحر

( يدخل جسمان على صياح بو سعد )

جسمان: خير ياعمي عسى خير وشبلاك؟
بوسعد: ( يعاود الجلوس) خير .. خير ان شاء الله
جسمان: بسم الله الرحمن الرحيم ..وشبلاك يابوسعد
بوسعد: لا حلمت ياجسمان
جسمان : خير ان شاء الله
بوسعد: نصيب نفض السجاده اللي فيها اللولو في البحر
جسمان: اي سجاده ياعمي؟

يتبع>>>>


 


رد مع اقتباس
قديم 09-05-2014, 02:46 AM   #6
المشرفين


الصورة الرمزية عہَـبأإدي أإلـتـہَـمـيمي
عہَـبأإدي أإلـتـہَـمـيمي غير متواجد حالياً

بيانات اضافيه [ + ]
 رقم العضوية : 16734
 تاريخ التسجيل :  Mar 2014
 أخر زيارة : 06-01-2023 (11:03 AM)
 المشاركات : 381 [ + ]
 التقييم :  10
 الدولهـ
Qatar
 الجنس ~
Male
لوني المفضل : Blue
افتراضي رد: مغرم هل الشوق الاروايه الاصليه




بوسعد: سجادة سعد ولدي كانهم ياجسمان على مركب الهند وسعد عنده الولو
ونصيب وياه.. سعد جمع اللولو في السجاده وراح يتوضا..يه نصيب ونفض السجاده في البحر
واللولوكله راح في البحر
جسمان:خير..هذا كله خير يا بوسعد ان شاء الله
بوسعد: ان شاء الله خير.. الا ماشفت نصيب؟
جسمان: وين اشوفه وهو في مركب الهند ( يضحك)
بوسعد: حسبي الله عليك ؟؟ لا صج مارحت صوب الفرضه؟
جسمان: رحت ياعمي .. بس انت ماكملت الي الحلم..
بوسعد: لا يا جسمان هذي سالفة غير ..محد رد من البحرين؟
جسمان: يقولون ان غانم ماخطف من البحرين لليحين

( تدخل سعاده وبيدها لفافه)

بوسعد: ها خاله شلونك عقب السفر
سعاده: الحمد لله
بوسعد: وشالاخبار اللي يبتيها؟ الناس تقول انج تقولين انه الشيخ راح شمال البلاد
سعاده: مب انا اللي اقول .. هذا الصج..
بوسعد: انتي من وين اتيبين هالاخبار؟
سعاده: انا مانطر حد غايب يابوسعد..
بوسعد: ياسعاده سعد عنده كل حلالنا .. مب انا بس انتظره..
سعاده: وشالفيده يابوسعد وها

( تنظر تجاه مقر الاتراك )

بوسعد: خلك ويا بياعتج احسن لك
سعاده: طفله خلت امها العميا بروحها .. صارت تحرس بيت السعف
بوسعد:وشاسوي لها ياسعاده
سعاده: كل هالديره مروا على عقب صلاة العصر كل يبي غرض..الا طفله
جسمان: الله يرحمنا برحمته
سعاده: يبت ثوب ابيض حق عواد مالبسه وقطه على اول واحد مربه..
والثوب الابيض الثاني حق طفله بس مامدت يدها وخذته
عواد: ( موال)
باعلمكم يا اهل روحي
اذاما مال محمكم وطاح الشراع
واذا صار العرق هين
واذا صار الرخص بين وكل شي ضاع

( ضجيج صادر من مركز الشرطه )

الشرطي: وديه لازم يعرف ولازم يقول خلف بن حسين وين

عواد: ( موال )
باخبركم اذا الغدران صارت للطيور اشراك
واذا الريضان اتعشب بعد عينك شري واشواك

جسمان: نصيب ياعمي يالس في الفرضه ومشاهد عريش بن عثمان
وماخلا حد وماقال له ان بن عثمان اهو خلف بن حسين
بوسعد: الريال جن .. بن عثمان اللي يصيد السمك يشقه ويملحه
اهو خلف بن حسين !!! بن عثمان اللي محد يعرف من وين ياي ناس اتقول
انه ياي من الباطنه وناس اتقول من فارس !! لا نصيب يبيله علاج
سعاده: كل طاح يابو سعد .. حصى خلف بن حسين خلص .. حتى اللولو طاح وماله مشتري
وهالمكاريد كلاب تنهش في الناس
بوسعد: بس .. بس.. ياسعاده انتي ماتخافين على روحج
سعاده: ( تنصرف .. وتعود مره اخرا ) ماسألتني عن اللي في يدي
بوسعد: وانا شدراني ياسعاده.. اذا كان بشت ترا محد يشتريه .. محد يشتري ابشوت هالايام..
ويشترون بشوت حق شنو؟
سعاده: اكيد يابوسعد يشترون البشوت حق شنو.. محد يشتري بشوت .بس يشترون قصيد
بوسعد: قصيد!!
سعاده: اي نعم قصيد
بوسعد: بتهدين بيع الثياب وبتبيعين الناس شعر ياسعاده؟
سعاده: دردابيس

( ينكرر غناؤها وهي خارجه )

بوسعد: والله اني ماعدت اعرف منهو العاقل ومنهو المجنون .. اسمع ياجسمان واللي يرحم والديك
روح الفرضه ..نصيب محد يعتمد عليه يمكن حد يريح بالي بخبر عن سعد
جسمان: حاضر حاضر ياعمي

( يخرج ,يعود بوسعد لمكانه , يستغرق في نومه على صوت الغناء )

عواد: ( موال )
باعلمكم يا اهل روحي
اذا ما مل محملكم وطاح الشراع
واذا صار العرق هين
واذا صار الرخص بين وكل شي ضايع

( نفس المشهد السابق , مجموعه من تجار اللؤلؤ على ظهر مركب الهند )

الثاني : ياجماعه .. المحمل مايسر سألت هل المركب وقالوا لي ان حالكم
بيصير من حال اللي قبلكم
الثالث: شلون يعني
الثاني: يعني بنوصل الهند ومثل ما صار لنا في المنامه ..
بيصير لنا بالهند .. محد يبي يشتري اللولو
الاول : لا بقيمه العام ولا اول العام
الثاني: ولا بنص القيمه ( يدخل سعد )
سعد: السلام عليكم
الجميع: عليكم السلام
الثالث : يعني حالنا صار واحد راعي الزايد وراعي القليل
الاول: والناس اللي ينطرونه ينطرون ردتنا ؟
الثاني: من يوم عرفنا المحمر والصفرحياتنا ماعادت مثل اول
الاول : الله يرحمنا برحمته
الثالث : يعني انعبر ابحور ونقطع مسافات ولا نبيع
الثاني : الكلمه اللي سمعناها في البحرين بنسمعها في الهند
الثالث: يعني انقط اللولوفي البحر( يفزع سعد )
الثاني: العام قلنا سنه وتمر ويرد حال اللولو مثل الاول لكن كل سنه يزيد اللولو ويقل المشتري
سعد: اسمعو ياجماعه لا تقطون قماشكم في البحرولا تخافون واذا انتو ماتعرفون حق الهنود
وتجار الهند خلو هالموضوع حق اللي يعرف له ؟
الثاني: شلون يا طويل العمر؟
سعد: انتو مالكم الا فلوسكم وبقيمة العام
الاول : ها ( يدور حوار بينهم ).
سعد: سوق اللولو مب كل يعرف له
الثاني: انت من وين يا طويل العمر؟
سعد: انا من ام الحصى وعندي لولو بلادي والبلادين اللي احذانا .. وهذا اني اقول لكم اللي خايف
من سوق الهند ومايعرف له .. انا مستعد انتوا اهل واخوان وتجار الهند مب سهلسن .. انا باخذ
اللولو اللي عندكم وبقيمه العام واول مانوصل الهند تاخذون فلوسكم وتردون لاهلكم..

(يتشاورون ونشاهد انهم جميعآ يسلمون سعد اكياسآ حمراء)

( بو سعد يقفز فزعآ .. يسير تجاه البئر.. ضجيج من الخارج .. يدخل نصيب )

نصيب: عمي ......عمي
بوسعد: ( بفزع) خير ...خير.. نصيب.. حد رد من البحرين؟؟
نصيب: لا ياعمي بس طفله؟
بوسعد: ( بخوف) طفله وشفيها؟؟
نصيب: طفله فلعت واحد من الاتراك طلعت الدم من راسه
بوسعد: شلون؟
نصيب: اقولك اضربته بحصاه
بوسعد: وليش؟

( يزداد الضجيج من الخارج تدخل سعاده وهي ممسكه بطفله وخلفهم مجموعه من الشرطه )

سعاده: محد ايقرب من طفله ( تواجه رجل الشرطه )
الشرطي: بس هذا مجرم
سعاده: المجرم اهو الشرطي .. اهو اللي حاول يعتدي عليها
الشرطي: لا .. هوضرب شرطي حجر في راسه
بوسعد: ياشرطي ( بهمس ) انت تعرف ان طفله ...
سعاده: لا يا بوسعود طفله عاقله ؟ والشرطي نال جزاه اتدافع عن روحها يا شرطي
الشرطي: بس هذي لازم ايسوي محكمه
سعاده: المحكمه لازم اتصير حق الشرطي مب طفله امشي يا يمه .. امشي
اسمع ياشرطي انت تدري ان ريايلك اهم يعتدون على الناس ..واذا ما تبي ينضربون يودهم
الشرطي: لازم محافظه على الامن
سعاده: زامنه من يحافظ عليه .. اسمع احنا على قولتك حريم ومحد بيمسكنا امشي يا طفله
الشرطي : ( يقف في وجهها مهددآ ) سعاده هذا عمل مو مظبوط.
سعاده: وشنهو المظبوط .. ان ريايلك يلعبون في البلاد على كيفهم
الشرطي: انت لازم يسلم بنت
سعاده: لا..ومحد يقري لها انتوا من وين يايين؟ ماعندكم حريم ماعندكم شرف
الشرطي: سعاده هذا كلام خطر
سعاده: امشي يا طفله ( تخرجان)
الشرطي: سعاده .. سعاده لازم يسلم مجرم ( بوسعد ونصيب صامتان ) لاهذا فوضى انت
شاهد يا بو سعد انت شاهد على فوضى ( يخرج غاضبآ وخلفه رجاله )

عواد: ( موال)
بعلمكم عن العصفوره والاغصان عن الانسان
وعن دع الغضب لوسال
فرج .. يامكدر الاحوال
فرج .. ياراعي الاحساس
فرج .. لا براكب السنان
فرج .. برفة اجناحج ياعصفوره
فرج .. ايفجر البركان
فرج .. ايفجر البركان

( يخرج عواد وهو يردد كلامه .. يرميه احد الجنود بحجر .. ونكنه لا يتوقف عن ترديد مواله ..
يمسك به جسمان ويبعده عن مركز الشرطه )


يتبع >>>>


 


رد مع اقتباس
قديم 09-05-2014, 04:06 AM   #7
المشرفين


الصورة الرمزية عہَـبأإدي أإلـتـہَـمـيمي
عہَـبأإدي أإلـتـہَـمـيمي غير متواجد حالياً

بيانات اضافيه [ + ]
 رقم العضوية : 16734
 تاريخ التسجيل :  Mar 2014
 أخر زيارة : 06-01-2023 (11:03 AM)
 المشاركات : 381 [ + ]
 التقييم :  10
 الدولهـ
Qatar
 الجنس ~
Male
لوني المفضل : Blue
افتراضي رد: مغرم هل الشوق الاروايه الاصليه



بوسعد: ( بوسعد يحدث نفسه )
سعد قال حق تجار اللولو اللي على المركب الهندي كلهم انه مستعد يشتري
كل اللولو وسلمهم فلوسهم اول ما يوصلون الهند .. وكل التجار عطوه اللولو

نصيب: لان خدامه غلط وقط اللولو في البحر وعقب ماوصلو الهند .. محد عنده لولو الا التاجر بن عصفور ..
رفع سعره على كيفه وباعه بزود عن السنه اللي قبلها ..وعطا الناس فلوسهم ..
وعوض قماشه الي راح في البحر اضعاق

بوسعود: تدري اني شقت سعد في المنام بدال بن عصقور وانت كنت خدامه



نصيب: هذي سالفه قديمه ياعمي ..

بوسعد:اسمع يا نصيب روح شوف وشصار حق طفله لا يكون هالاتراك ايسون لها شي

نصيب: لا ما يقدرون يسون لها شي دام خلف بن حسين في البلاد

بوسعد: رديت على سالفة خلف بن حسين

( يدخل بن عثمان رجل مسن يمسك بيده حبلآ به من الاسماك المملحه .. يسير بهدوء يستوقفه نصيب )

نصيب: من انت ؟

( بن عثمان ينظر اليه بستغراب ولا يرد )

بوسعد: جن يا بن عثمان جن ويحسبك خلف بن حسين

( بن عثمان يبتسم ويواصل سيره بهدوء)

بوسعد: زين جذيه يا مخبل

نصيب: ماجاوبني

بوسعد: تدري عاد هذي اللي بتجاوبك ( برفع العصا يهم بضرب نصيب .. يهرب من امامه )
والله ان ما جزت عن هالسالفه لا ربطك مع النخله وخلي هالعصا تشبع منك

نصيب: خلاص توبه .. توبه


( يدخل جسمان وخلفه يسير عواد )

جسمان: الله يهديك ياعم ( يمسك به ) وشصارفي هالدنيه وشبلاك يا بوسعد في كل صوب
مشكله طفله ضاربه مكرود من الاتراك وانت تلاحق نصيب بالعصا ..وعواد سيلوا دمهيا بوسعد..

بوسعود: ووين طقله الحين ؟

جسمان: طفله في بيتهم وسعاده فرشت بسطتها جدام الباب وتنادي على اغراضها

بوسعد: جدام بيت طفله؟

جسمان: نعم يا بوسعد

بسعد: والشرطه

جسمان: محد امبين منهم

( يقف عواد والدم يسيل من على جبهته )

عواد: ( موال )
باعلمكم اذا صك الحلق البطان
لا معلم ولا سفان
يعدل ميله المايل
باععلمكم عن المقهور والعايل
عن المجنون والعاقل

( يخرج يلحق به جسمان )

جسمان: تعال .. تعال ياعواد ( يعود ) لا حوله ولا قوة الا بالله .. دمه ينزف ولا راضي حد
يداويه ( صوت عواد ياتي من بعيد ) وشصار لك يا ام الحصى

بوسعد: من يوم راح سعد وانا ..

( يصمت بحزن ..بوسعد يجلس على الكرسي ووبعيدآ عنه يجلس جسمان ونصيب يتكوم على الارض
بالقرب من يوسعد .. صوت سعاده ياتي من بعيد )

سعاده : دردابيس ..دردابيس .. جاسم يانا من الخيس

( يستمر الغناء .. ينتبه يوسعد .. يقف ينصت لصوت سعاده)

بوسعد: سعاده شتقول يا جسمان؟

جسمان: وشدراني يابوسعد حتى غنا سعاده تغير اتقول كلام عجيب ..
اول مره اسمع هالاغنيه .. وحد يبيع لحد هالوقت

بوسعد: حسبي الله ونعم الوكيل .. حسبي الله ونعم الوكيل يله ..يله يانصيب .. الدنيا ليل ..

( يخرجان بينما جسمان يفترش الارض في المفدمه .. غناء سعاده يختلط بصراخ عواد ..
يدخل بعض رجال الاتراك .. ويخرجون يدخل ين عثمان محمآ بأسماكه .. يضع حمولته ويشعل ’ مدواخ ’
غليون .. ينظر الى مركز الشرطه .. يرمي ببقايا الغليون .. يخرج..بتلاشي صوت سعاده وصوت عواد )

نهاية الجزء الثاني

ارجع وكرر ارجو عدم التعليق او الرد ع الموضوع لين اخلص كل الروايه عشان ما يتخربط تسلسل الروايه
ولكم جزيل الشكر

تحياتي
عبدالله ياسر التميمي


 


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية

Bookmark and Share


الساعة الآن 08:06 PM

converter url html by fahad

 



Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
منتديات دمعة وله - منتدى دمعة وله - دمعة وله - دردشه صوتيه - شات دمعة وله - شات صوتي - سعودي كام - شات بنت ابوي - شات دقات قلبي