الموت ماهو طيحتي وانكساري...الموت شوف امي وانا آطيح مكسور

ياأُمي





الموت ماهو طيحتي وانكساري



............الموت شوف امي وانا آطيح مكسور






لاطحت واعلن بالوجود انهياري



............وجاها الخبر ثم اسكبت دمعة الحور






هذا الممات اللي يفوق انعثاري



............والا عداه يهون لو ننزل اقبور






يمه عساى افداك مع كل طاري



............ياقبلة الدنيا الى شانت الدور






ياملهمه قلبٍٍ همومه صحاري



............وبيدٍ تطارد به مواليف وسعور






مابيك يمه لاحكوا بانهياري



............تضيق بك يمه عمارات وقصور






ابيك صحصح بيد طيّب مساري



............مايمله العابر لو بدرب مهجور






وابيك يمه شمس عز النهاري



............ضو ابتساماتك يزيل أي ديجور






وابيك يمه لاطرن الطواري



............شمسٍ تنير بدنيتي سابع بحور






ومابيك يمه لاقست باعتباري



............تضيق بك يمه مساري وتجور






والا القدر لاصار ماعنه ذاري



............مكتوبنا يمه فلاعنه محذور







ولايهمك ان ضاقت بعيني دياري



............الكسر يجبر لو بعد داير الدور






وان ضايقوك بطيحتي وانعثاري



............قولي جواد وكبوته مابها قصور






باكر يقوم وبالولي المحاري



............ماتخيب باذن الله لو ضاقت دهور






اهم شي يمه تكف العباري



............لاينزلن يمه ولو طحت مقهور






يكفيني بضحكتك يامي اماري



............حرام تخفا ضحكتك بأية عصور






انا لو بعيني نهاية قراري



............شوفك سعيده ماله اثمان وامهور






جعلي فدا ماطاك وقت الحراري



............عن صالي الرمضا لك اصير مبثور






فرشه لرجلك لو يصير انصهاري



............وجبيني لماطا اقدمك ورد وزهور






اهم شي يمه مايبقا انكساري



............ألم بعينك لو به انقل الى قبور

الموضوع الأصلي: الموت ماهو طيحتي وانكساري...الموت شوف امي وانا آطيح مكسور || الكاتب: عيد سمران || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

hgl,j lhi, 'dpjd ,hk;shvd>>>hgl,j a,t hld ,hkh N'dp l;s,v

منتدى دمعـــة ولـــه - الشعر وعذب الكلام- Poetry Section

---

hgl,j lhi, 'dpjd ,hk;shvd>>>hgl,j a,t hld ,hkh N'dp l;s,v

يمه عساى افداك مع كل طاري



............ياقبلة الدنيا الى شانت الدور



يسلملي قلبك وتعيش رافع الراس

وتفرح فيك امك

وماتشوفك غيرر

العز ياالعزيز

ابدعت وصح قلبك وروحك

المشاركة الأصلية كتبت بواسطة معزوفته

يمه عساى افداك مع كل طاري

............ياقبلة الدنيا الى شانت الدور

يسلملي قلبك وتعيش رافع الراس

وتفرح فيك امك

وماتشوفك غيرر

العز ياالعزيز

ابدعت وصح قلبك وروحك

معزوفته

يسلمك ربي ويسعدك اختي

واتمنى ان يرتقي كل مااقدم على ذائقتك

مودتي وتقديري الاخوي على المرور والاطراء

شكراً لك