جيل البرتقاله

جيــــل البرتقاله

زادت اسعار الفواكه والسبب هالبرتقاله
وانحنى عز العروبه بين ردحه وانعطافه

لاستمالت في صباها ميـّـل الشايب عقاله
شايب وعقله مراهق ينطق اسمه بالكلافه

ودّه يقدم مهرها لو يبيع اكبر عياله
والمره ماعد يبيها عافها والبيت عافه

شفتها مرّه وربي ما تحملت الهباله
باعت اغلى شي فيها باعت الدين وعفافه

خصها ربي بحكمه يوم اخذها في عجاله
مثـّـلت دور الفواكه ما تحسب له قطافه

تسلم ايد اللي قطفها حكمة الله في بساله
انشرح صدري وانا اسمع جاهل ٍ كلّه لقافه

ماتت احلى برتقاله وايتمادى في جهـــاله
قال انا اتقبل عزاها وايتفاخر بالضيافه

يفتخر حضرة جنابه في مواساة الحثاله
من يهود ومن نصارى أو جماهير السخافه

الشباب امست ثيابه كنـّـها مجلس وصاله
كول...ياقلبي عليهم بالأناقه والقيافه

لو سألته عن جذوره عن تقاليد الأصاله
قال اصــاله ياحلاها كلها زين ولطافه

وقام يرثي البرتقاله فقدها ماهو سهاله
آآآه ياجيل التفاهه جيل يدعو للطرافه



الفتاه ارخص بضاعه خارج املاك البقاله
حالها حال الفواكه برتقاله أو جوافه

والشباب الله وكيلك سلـّم امره للبطاله
قابل الشاشه وتكى شي ماينشاف شافه

من نجوم الشاشه اللي ساهمت في انحلاله
من سباق احلى الأغاني بين الاول والوصافه

صار همـّـه من يفوز ومن تفوق في مجاله
في مجلات وبرامج أو دهاليز الصحافه

ما يهمه وش مصيره لو مجر ّد في خياله
مادرى بان الليــالي ما تقـدّر بالمسـافه

مادرى ان الوقت يمشي ماحسب له بانشغاله
ماحسب لحظة وفاته في قواميس انحرافه

مادرى ان النهايه اقرب اقرب من نعاله
وش يقابل به رقيبه يوم يُسئل عن عجافه

ماحسب يوم القيامه يوم يُبعث في ظلاله
هل يغني البرتقــاله أم يغني ياحسـافه

ياعرب خافو من الله قدروا عزة جلاله
احفظوا حقه ودينه من عداوة كل تافه

الشباب اصبح يلخبط من حرامه في حلاله
عيشته عيشة مذله ملبسه ثوب الضعافه

وان بغى يعمل فتوه ويتحلى بالرجــاله
دنّس اعراض ونشرها في تباهي او ظرافه

يازمن برجس وربعه يازمن هذي دلاله
ان هذا الجيل يبحر في مغبة ما نخافه

يازمن لبس القلايد والبناطيل الهياله
يازمن نتف الحواجب والشوارب للنظافه

يازمن ماعد نفرق بين صياد وغزاله
ياسقى الله جدي احمد يوم نسأل وش خلافه

قالوا انه كان قاسي كان ما يرحم خياله
والنعومه ما عرفها في اظافير التفافه

كان جواله مزرفل ما يطول باتصاله
البلوتوث في زناده لارسله تسمع هتافه

كان يدخل فيه مسجد عاقد ٍ عزم اتكاله
للصلاة وللعباده ماحمل في جيبه آفه

تعزف الحان ومغاني من محمد أو اصاله
آه ياجدي وجيله يجعل الرحمه لحافه

ليتهم عاشوا وشافوا قدسنا في احتلاله
ليتهم عاشوا وشافوا كيف بغداد الثقافه

اصبحت مركز ومرتع للدعاره والثماله
لكن الحكمه لربي والزمن هذا اعترافه

ان جيل العز ولـّى والفلك هذا هلاله
ينتظر راية مجاهد يلحقونه بالخلافه

آه يا أمة محمد الفرات اصبح زلاله
من دماء العز يشرب والظما يسكن ضفافه

والملز رقص ومغاني والمقاعد برتقاله
فرحة العيد اشغلتهم باحتفالات وسخافه

بس انا كان انشغالي في كتابة هالرساله
حبرها دم العروبه قبل يشكي من جفافه

بلغوا الشعـّار عني ان عصري له رجاله
واني انهيت القصيده وافتخر شعري بقافه

بحـــــار







منقوووووووووووووول

الموضوع الأصلي: جيل البرتقاله || الكاتب: خالد || المصدر:

https://www.dm3twlh.com/vb/

المصدر: منتدى دمعـــة ولـــه - من قسم: الشعر وعذب الكلام- Poetry Section

---

[dg hgfvjrhgi

منتدى دمعـــة ولـــه - الشعر وعذب الكلام- Poetry Section

---

[dg hgfvjrhgi dpg

احسنت النقل

القصيده رائعه وجميله

خالد

يعطيك ربي الف عاافيه

لاهنت

يعطيك الف عافيه

ولاهنت ع القصيده

* خالد *
يعطيك العافيه وتسلم يمينك ع النقل
وفي انتظار جديدك
أحساس

احسنت النقل

القصيده رائعه وجميله

خالد

يعطيك ربي الف عاافيه

لاهنت

يسلموووووووووووووووو

روووووووووووووووووووووووووعـه

يعطيك الف عاافيه

وصح لسان شاعرها

ولاهنت