صيف كام سعودي كام شات غرور كام شات غزل كام شات الوله شات حبي شات صوتي
...((كـــادي.....والمستقبل المجهوول))... - منتدى دمعـــة ولـــه

         :: مكتب توفير عمالة فى مصر للاتصال 00201003629993 (آخر رد :مايكول)       :: سورة الممتحنة من هي الممتحنة !!؟ (آخر رد :غلا)       :: تعرّف على الفرق بين الإضاءة البيضاء والإضاءة الصفراء (آخر رد :وردة الكويت)       :: المواد المختلفة في التصميم الداخلي والأثاث (آخر رد :وردة الكويت)       :: الزجاج وتطبيقاته في التصميم الداخلي (آخر رد :وردة الكويت)       :: مراحل تصنيع الزجاج (آخر رد :وردة الكويت)       :: مهم (آخر رد :دموع العشاق)       :: رحلتك للسياحة (آخر رد :wego)       :: ماهو فضل العمرة؟ (آخر رد :دمعة وله)       :: دعاء آخر ساعة من يوم الجمعة قصير (آخر رد :غلا)      

التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم    المشرفة المميزه 
قريبا

بقلم :
قريبا
قريبا

العودة   منتدى دمعـــة ولـــه > المنتـديات الأدبيــــه > القصص والروايات - Stories and Novels Section

القصص والروايات - Stories and Novels Section يهتم بكتابة القصص والمقالات والروايات سواء منقولة أو مكتوبة

...((كـــادي.....والمستقبل المجهوول))...

السلام عليكم ورحمة الله وبركاته أخباركم شباب وصبايا حبيت أنزل لكم هالقصه واتمنى تعجبكم للحين مو كامله بس بإذن الله كل اسبوع بنزل جزء وبكملها لو شفت

إضافة رد
 
أدوات الموضوع انواع عرض الموضوع
قديم 11-03-2006, 07:57 AM   #1


الصورة الرمزية بـسـمـه
بـسـمـه غير متواجد حالياً

بيانات اضافيه [ + ]
 رقم العضوية : 367
 تاريخ التسجيل :  Aug 2006
 أخر زيارة : 07-21-2007 (01:31 PM)
 المشاركات : 234 [ + ]
 التقييم :  10
لوني المفضل : Cadetblue
افتراضي ...((كـــادي.....والمستقبل المجهوول))...



السلام عليكم ورحمة الله وبركاته

أخباركم شباب وصبايا

حبيت أنزل لكم هالقصه واتمنى تعجبكم للحين مو كامله بس بإذن الله كل اسبوع بنزل جزء وبكملها لو شفت تفاعل معي وإذا ماعجبتكم خبروني اسوي لها ديليت وانتهى الموضوع......

...((كـــادي.....والمستقبل المجهوول))...



كانت نايمه بهدوء مثل الطفل لا نام بعمق كأنها ملاك من جمالها....فزت على صوت صراخ...
.....:كادي....كــاادي قومي الله ياخذك إن شاء الله وارتاح...
كادي وقلبها شوي ويطلع من كثر مايدق بقووه:خير...خير خالتي...
خالة كادي:الله لايوريك الخير إن شاء الله....قومي بسرعه جهزي الفطوور للبنات بيتأخرون على الأختبار....
كادي هي تجري جهت الحمام(أكرمكم الله):إن شاء الله..إن شاء الله خالتي....تسبحت وصلت ونزلت تجهز الفطوور...
كادي بنت حبوووبه مسكينه حظها دوووم يعاندها....الله حطها عند مرت أب ظالمه عاملتها بقسوة من عمرها سنه ونص بعد ما ماتت أمها.. عمرها 17 سنه...عيونها ناعسه لونها عسلي فاتح لو كانت عند شمس أو نور ساطع يتحول لونها للأخضر...طولها وسط وجسمها حلوو ...خبلت كل من شافها هي مو سمرا ولا هي بيضه وجمالها كان أسطوري....

رندا وهي تشرب العصير:يالله كادي حبيبتي بنتأخر....
كادي وهي توقف:بس اعدل شعري والبس عباتي وانزل...
أم رندا:لا تتأخري ماابغي بناتي يتأخرون عن الأختبار...
كادي هي بتطلع الدرج:إن شاء الله خالتي....
أبو كادي:يا أسماء(أم رندا)حرام عليكي عاملي البنت بطريقه أحسن قدام أخواتها..
أم رندا:أقول اسكت أنت...قال ايش عاملي البنت احسن...مااقول غير الله ياخذها...
نزل أبو دانه راسه وهو مهموم....نزلت كادي وراحت المدرسه مع أخواتها رندا وهبه ولين وليان...
أم رندا قويه وما تهتم لأحد ومو مسويه قدر واحترام لزوجها حتى قدام بناته..وهو طيب معها بس عنده أسرار بحياته كثيرة... ومع مرضه ما يقدر يجادلها لأنه مريض بالقلب...رندا أكبر من كادي بأقل من خمس ساعات وكانوا كأنهم توأم بس كل واحده من أم...تشابه كادي كثير بس لون العيون بني فاتح وتموت على أختها كادي..هبه أصغر عن كادي ورندا بسنتين عمرها 15 سنه بثالث متوسط هي عيونها وساع لونها بني غامق... وتموت على كادي لأنها طيبه معها...أمممممم فيها صفه بتعرفونها بالأحداث...لين وليان توأم وهم حلا البيت بصف رابع ابتدائي عمرهم 10 سنوات يموتون على شي أسمه كادي وهي بعد تحبهم وهذا اللي يقهر أمهم.... امممممممممم....باقي عبير أنا للحين ما ذكرتها بس هي أخت كادي الكبيرة عمرها 19 سنه بالكلية قسم اقتصاد منزلي...وهي مثل أمها ما تحب كادي ولأنها خلصت اختبارات كانت نايمه الصباح....

بالمدرسة كادي خلصت وسلمت ورقتها وطلعت من الفصل وكانت تنتظرها شذى...
شذى:كيفك كادي وكيف الاختبار؟!!!
كادي وهي ترفع يديها على فوق مع الحماس:رووووووووعه كان مرررره حلوو...أنتي ايش سويتي فيه؟!!...
شذى:الحمد الله تماااامز....
.........:كادي كيف اختبارك؟!!...
كادي:أهللين لموو..تمام..إنتي كيف كان اختبارك؟؟!!!..
لمياء:الحمد الله كان حلوو...
شذى:لموو لازم تجيبي نسبه تبيض الوجه إنتي ثالث...
لمياء:هههههههههههههه....أنتي وجهك أكيد بجيب نسبه تبيض وجه أهلي ونشوف إنتي ايش تسوي بثالث....
......:لا تذكرينا خلينا نستانس ...وثالث إن شاء الله وقتها نفكر فيها...
كادي وهي تضربها على كتفها:إنتي ماتقولي ليش تأخرتي باللجنه؟ّ!...
رندا:اااااااااي يعوووور يالحماره...والله كنت أتأكد من إجاباتي...طمنيني إنتي كيف حليتي زين....
كادي:الحمد الله...تجمعوا الشله مع بعض كملوا سواليفهم....

كانت نايمه وأزعجها صوت الجوال يدق ردت عليها وصوتها كله نوووم..الووو...
....:عبيررر يالحمااااره قومي يكفي نووووم...
عبير:منال الله يخليكي بناااااااام...
منال:قومي بسرعه كلميني على البيت في موضوع مهم..
عبير:إنتي ماعندك مواضيع مهمه...
منال:لا يالخبله هالموضوع عن بدر....
عبير:ايش صار تكلمي.......أو أقووول لحظه اكلمك على البيت باااااااااااي...وقفلت قبل تسمع الرد وكلمتها من تلفون البيت....
منال صديقة عبير بس أهلها مو مهتمين فيها ...تكلم شباب وتطلع معهم....

رندا:كادي..يالله السايق وصل...
كادي:أوكي يالله.....يالله بنااااااااات أشوفكم بكره ذاكروا زين خلاص هانت أخر ماده...
لمياء:ووووووي ووووووي...أنا خلاص بكره وماعاد عندي شي اسمه مدرسه..الله يعينكم انتوا باقي لكم ثالث....
رندا:لمووو لاتقهريني...
الكل:هههههههههههههههههههه......
كادي:لو بنسولف مانتحرك لين المغرب....باااااااااي...
الكل:باااااااااااااااااااااااي....

بالسيارة...
كادي:هبوووش كيف اختبارك؟!!
هبه:المعلم كادي ذاكرلي كيف ما أجاوب...
كادي ورندا:هههههههههههههههههههه...
كادي:وانتوا لين وليان؟؟؟!!!
ليان:أنا حليت صح الابله قالت لي شاطره...
قاطعتها لين:وأنا قالت لي شاطره...
وصلوا ونزلوا البيت....

عبير بالصاله تقلب بالتلفزيون.....سلموا عليها وكل وحده راحت غرفتها تبدل....
أم عبير:عبير رجعوا البنات من المدرسه؟...
عبير:ايوه ماما...كل وحده راحت غرفتها يمكن يبغوا يناموا....
أم عبير:أف ياربي متى أفتك من هالبنت اللي جالسه على قلبي....
عبير:تقصدي مين ماما؟...
أم عبير:مين غير كادي الله ياخذها...
عبير ترفع يدينها:أميييييييييييييييييين....

شذى:طلوووول......
طلال:ايش هالصوت أنتي بنت أو ولد....
شذى وهي تحضن طلال:يالله عاد أنا أختك الصغنونه دلعني...
طلال وهو يبعد شذى عنه بمزاح:أنا ايش اللي بلاني بأخت كذا يالله ..والله انك لصقه اتركيني شووي...
شذى:هههههههههههههه...أكيد بكون لصقه لأنك أنت أخوي....
طلال وهو يضربها على راسها:يالله عاد ضفي وجهك بكلم الولد...
نقزت أخته الثانيه:بتكلم مين؟...
طلال:لا إله إلا الله...من جد لقافه العنود اتفرجي على التلفزيون أحسن....يالله باااااااااي...
هذي شذى أكيد عرفتوها صديقة كادي ورندا...طلال أخوها عمره 28 سنه يشتغل بشركة أبوه وأعمامه ويفكر يسوي له شركه خاصه يحب شذى موووت...والعنود عمرها 20 سنه قسم أدب إنجليزي حالها حال نفسها بس أحياناً تاخذ عدوا اللقافه من أختها شذى...وعندها بندر عمره 30 سنه متزوج وعنده بعثه بالخارج وزوجته معه وللحين ماعنده أطفال...
طلال وهو بالسيارة دق جواله:هلااااا والله بولد العم...
......:هلا بك....انا زعلان منك...
طلال وهو يقلد صوت واحد حزين:ليش حبيبتي زيوودتي ...
.....:يعني يالدب ماتقوول عندي ولد عم أسمه زياد أكلمه أتطمن عليه بس أنا أدق...
طلال:والله زياد أنك فبالي كنت بكلم فارس وأتصل عليك...
زياد:رقعها رقعها طيب ساعه كامله ماابكلمك...
طلال:ههههههههههههههههههههههههههههههههه....وكملوا سواليفهم
زياد ولد عم طلال عمره تقريبا 26 سنه يشتغل بنفس الشركه اللي فيها طلال بس الفرع اللي بالخبر...وفارس صديق طلال الروح بالروح عمره 28 سنه...



العصر فبيت كادي كانت جالسه هي ورندا يذاكرون بالغرفه مع بعض....
رندا:كادي...بسألك؟..
كادي:ايش حبيبتي؟...
رندا:كادي مو متضايقه من معاملة ماما لك؟...
كادي وهي منزله راسها:رندا مهما صار هي اللي ربتني واهتمت برعايتي...
رندا:بس كادي...
تقاطعها كادي:خلاص رنوو....ذاكري بكره أخر اختبار ونفتك....

بغرفة أبو عبير....
أم عبير:ايش رايك صالح باللي قلت لك إياه؟...
أبو عبير:والله ما ادري يا أسماء أخاف أظلمها؟...
أم عبير:أنت تظلمها لو خليتها كذا...أنت معك القلب ومحد ضامن عمره هالأيام يعني اللي مافي شي يمووت بدون أنذار...بناتي مقدوور عليهم عندهم خالهم بس كادي حرام لا لها أخ ولا خال...
أبو عبير:خلاص قولي لناصر يجهز بكره نروح المحكمه..بس إنتي لاتقولي لأحد...
أم عبير وهي تبتسم إبتسامة نصر:إن شاء الله..لا تووصي...

اليوم الثاني كان مثل اليوم اللي قبله بس الفرق هبه ولين وليان كانوا نايمات لأنهم خلصوا اختبارات...
أم عبير:أبو عبير...
أبو عبير مايحب حد يناديه أبو عبير:أسماء مليون مره قلت لك ناديني صالح لاتناديني أبو عبير...
أم عبير:أووووف ايش فيك أنت... طلعت أو نزلت أنت أسمك أبو عبير...المهم عطيني فلوس بعطي رندا مصروفها...
أبو عبير يعطيها الفلوس:كادي معها مصروفها؟..
أم عبير:ايش يعرفني ما يتخاف عليها بنتك..
أبو عبير:كادي....كادي...
كادي:هلا أبووي...
أبو عبير:معك مصروف لك...
كادي وهي تبتسم ابتسامتها الدائمه:الحمد الله خيرك سابق...يالله أبوي دعواتك اليوم أخر أختبار..
أبو عبير وهو يبتسم بحب لبنته الصابرة:الله يوفقك أنتي وأختك يارب...
رندا من ورا كادي:أميييييييييييين...
الكل:هههههههههههههههههه....سلموا على أبوهم وراحوا للمدرسه ومو عارفات شو يخبي لهم القدر...

طلال وهو يكلم الجوال:يعني منت جاي الرياض..
....:لا والله أنا ما أقدر هالأيام...شرايك أنت تجي عندي الأحساء تساعدني أكمل أشغالي بسرعه...
طلال:لا فرووس أنا بجهز لك الشقه اللي قلت لك عليها بالرياض وأثثها لك.... أنت إذا خلصت أشغالك هناك تعال.....
فارس:خلاص أوكي..وأنا أحاول أخلص كل شي بدررري....
طلال:خلاص أجل أنتظرك انا...توصيني بشي...
فارس:سلامتك يالغالي بس أنتبه لا تسرع....
طلال:أبشر طال عمرك...ههههههههههه....يالله مع السلامه....
فارس:الله معك....

كادي كانت مخلصة اختبارها وجالسه بالساحه بروحها...
لمياء وهي تجلس بجنبها:كيف كان اختبارك؟!!!
كادي:الحمد الله..
لمياء وهي تقرب من كادي أكثر:كادي ايش فيك؟!
كادي ودموعها مغرقة عينها:ماادري لمياء بس أحس بصير شي اليوم بيكدر حياتي كلها...وضمت لمياء وهي تبكي....
لمياء وهي تحاول تهديها:بس كادي لو جات رندا وشافتك شو بتقولي لها..إن شاء الله إحساسك يكوون خير لكي مو شر....
رندا جات عندهم وماتت رعب على كادي:كادي حبيبتي شفيك؟!!!
كادي وهي كل ماتمسح دمعه نزلت بدالها عشر:مافي شي حبيبتي بس حسيت بضيقه شوي...
رندا وهي تضمها:إن شاء الله باللي يكرهونك قوولي أمين....مسحت لها دموعها...يالله قومي حبيبتي والله مااتحمل أشوف دمعه بعينك...وبكت...ضمتها كادي اكثر وصاروا يبكون مع بعض...
لمياء تأثرت من الموقف وصارت تبكي....
وصلت عندهم شذى وشافت المناحه وحاولت تخففها:شو مسوين فلم هندي عيدوه ماشفته من البدايه....
كادي تضربها على كتفها:صدق سخيفه...خلاص رنووو...وانتي بعد لموو مايحتاج دموعكم غاليه...
شذى:يالله عاد أدري بتشتاقوا لي لاتخافوا بزوركم كل ماقدرت....وابتسمت بطريقه تموت ضحك...
البنات ماقدروا يمسكون ضحكتهم أنفجروا ضحك وكل اللي بالساحه يطالعونهم مستغربات توهم يبكون والحين يضحكون<<<<الحمد الله على العقل.......

عند باب المحكمه...
أبو عبير:ناصر مااوصيك حافظ على الأمانه...
ناصر وهو يبتسم بسخريه:إن شاء الله صالح...أنت تأمر أمر...يالله استأذن...وراح...
ركب أبو عبير سيارته بيرجع البيت وكل تفكيره باللي سواه صح أو لا....

أم عبير وهي تشد على سماعة التلفون من الفرح:والله الحمد الله يااااااااارب....لوووووولوووش..
خلاص الحين نسوي الخطه الثانيه اللي أتفقنا عليها....
..........:اسمعيني أنا ضحيت بكل شي ووافقت عشان أرد لك الجميل...بس إذا مليت مااقدر أتحمل...
أم عبير:لااااا..انت بس نفذ اللي أقووله لك وترتاح صدقني....وأخيراً أقدر أشيل هالبلووه من قدامي....
.....:ههههههههه...بس لاتنسين يالحبيبه العموووله ماسوي شي أنا بدون مقابل...
أم عبير:فااااااا عليك حقك بالحفظ والصون...وكملت بحقد واضح... بس المهم تتعذب مثل ماابي...المهم أسمع صوت صالح شكله رجع....باااااي... وقفلت الخط....

اللي ماحست فيه أم عبير من حماسها إن كان في حد واقف على الدرج يوم سمع صوت السيارة داخله البيت طاااااار فووووق<<<<منو تتوقعوا تكون اللي سمعت الكلام؟!!!!....


امممممممممممممممم

تتوقعون شو بيصير؟!
وشو مصير كادي؟!

بـسـمـه




الموضوع الأصلي: ...((كـــادي.....والمستقبل المجهوول))... || الكاتب: بـسـمـه || المصدر:





>>>((;JJJh]d>>>>>,hglsjrfg hgl[i,,g))>>> hgl[i,,g ;JJJh]d,hglsjrfg




>>>((;JJJh]d>>>>>,hglsjrfg hgl[i,,g))>>> hgl[i,,g ;JJJh]d,hglsjrfg



 


رد مع اقتباس
قديم 11-03-2006, 09:30 PM   #2


الصورة الرمزية حنين الشوق
حنين الشوق غير متواجد حالياً

بيانات اضافيه [ + ]
 رقم العضوية : 116
 تاريخ التسجيل :  Mar 2006
 أخر زيارة : 03-13-2009 (02:32 AM)
 المشاركات : 528 [ + ]
 التقييم :  10
لوني المفضل : Cadetblue
افتراضي



هلا بالكاتبه العظيمه

يسلمو على القصه

ويعطيكِ العافيه بس ياريت تنزلي باقي الاجزاء بسسسسسسسرعه

في انتظار باقي الاجزاء +ض8

لكش مني خالص الود

حنو


 


رد مع اقتباس
قديم 11-03-2006, 11:10 PM   #3


الصورة الرمزية الأمير / سعود بن سعد
الأمير / سعود بن سعد غير متواجد حالياً

بيانات اضافيه [ + ]
 رقم العضوية : 31
 تاريخ التسجيل :  Jan 2006
 أخر زيارة : 09-29-2008 (12:59 AM)
 المشاركات : 971 [ + ]
 التقييم :  10
لوني المفضل : Cadetblue
افتراضي



بسـمــه


الله يعطيك الف عافيــه


وتسلم اناملك التي شدت لنا بهذه القصــه الرائــعه

وكما يغمرني مشاعر المصداقيه

في كل ماتحتويه

وعسى الله ان يجعل مصيرها خيـــر

ولك كل الاحترام والتقدير

<-------= ضايق صدره


 

التعديل الأخير تم بواسطة الأمير / سعود بن سعد ; 11-04-2006 الساعة 12:38 AM

رد مع اقتباس
قديم 11-03-2006, 11:32 PM   #4


الصورة الرمزية أميرالقوافي
أميرالقوافي غير متواجد حالياً

بيانات اضافيه [ + ]
 رقم العضوية : 296
 تاريخ التسجيل :  Jun 2006
 أخر زيارة : 04-05-2008 (11:56 PM)
 المشاركات : 462 [ + ]
 التقييم :  10
لوني المفضل : Cadetblue
افتراضي



مرحباااا


ياا ريت تكملينهااا يا بسمه لأنها قصه حلوووة ومتشوقين لهااا






تقبلي مرووري


 


رد مع اقتباس
قديم 11-04-2006, 10:07 AM   #5


الصورة الرمزية بـسـمـه
بـسـمـه غير متواجد حالياً

بيانات اضافيه [ + ]
 رقم العضوية : 367
 تاريخ التسجيل :  Aug 2006
 أخر زيارة : 07-21-2007 (01:31 PM)
 المشاركات : 234 [ + ]
 التقييم :  10
لوني المفضل : Cadetblue
افتراضي



السلام عليكم ورحمة الله وبركاته

حنوووو صج إنج فضيحه

مشكوووره قلبوو على مرورك

الأمير سعود

الله يعافيك يارب

مشكووور على المرور


أمير القوافي

مشكور على المرور وبإذن الله بكملها


بـسـمـه


 


رد مع اقتباس
قديم 11-05-2006, 07:15 AM   #6


الصورة الرمزية حنين الشوق
حنين الشوق غير متواجد حالياً

بيانات اضافيه [ + ]
 رقم العضوية : 116
 تاريخ التسجيل :  Mar 2006
 أخر زيارة : 03-13-2009 (02:32 AM)
 المشاركات : 528 [ + ]
 التقييم :  10
لوني المفضل : Cadetblue
افتراضي



فيييييييييين باقي القصه يااااااااادبه


 


رد مع اقتباس
قديم 11-07-2006, 04:54 AM   #7


الصورة الرمزية بـسـمـه
بـسـمـه غير متواجد حالياً

بيانات اضافيه [ + ]
 رقم العضوية : 367
 تاريخ التسجيل :  Aug 2006
 أخر زيارة : 07-21-2007 (01:31 PM)
 المشاركات : 234 [ + ]
 التقييم :  10
لوني المفضل : Cadetblue
افتراضي



السلام عليكم ورحمة الله وبركاته

حنووو مشكوووره قلبوووو


الجزء الثانـــي...

دخل أبو عبير البيت وسلم على زوجته..
أم عبير:مبرووووووووك...
أبو عبير وهو يتنهد:الله يبارك فيك بس أحس إني غلطت.....
تقاطعه أم عبير:لا ماغلطت ولاشي...تحمد ربها هي....
شوي دخل عليهم ناصر سلم وجلس جنب أخته وسكت شوي بعدها تكلم...أقول صالح...
لف عليه أبو عبير:سم....
ناصر وهو حاط عينه بعين أبو عبير:سم الله عدوك...أنا أبي أخذ مرتي معي اليوم...
أبو عبير وقف وكأن حد صاب عليه ماي بارد:شوووووووووو!!!!!!!!....
ناصر وهو يوقف بكل قوات عين:أبي أخذ كادي معي البيت اليوم.......
أبو عبير وهو يحس بتعب:بس اتفاقنا كان إنها ماتدري عن شي وتاخذها بيتك بعد الثانوي...
ناصر وهو واقف قدام أبو عبير:كلام الليل يمحيه النهار...والحين أنا أبي مرتي...
أبو عبير وهو يحط يده على قلبه ووجهه صار أصفر من التعب:هذا مو كلام رجال...وطاح وهو يقول...الله لايسامحك لو صار فيها شي تراها أمانه...
بذا الوقت دخلوا كادي ورندا وشافوا أبوهم في الارض وشكله بيمووووووت....

كادي أول ماشافت أبوها بهالشكل حطت يدها على فمها تمنع صرخه مكتومه ودموعها كانت تنزل بدون شعور.....راحت له وهي تجري جلست جنبه وضمته...يبه...يـــبــه قووم الله يخليك...لا تتركني برووحي شلوون أعيش بعدك...
ناصر بعد كادي عن أبوها وشاله بمساعدة السايق اللي ناداه ودخله السياره.....
كادي راحت معهم بعد مااصرت تكون مع أبوها...وأم عبير لبست عباتها بالمقلوب من السرعه وطلعت معهم....

رندا ماكانت قادرة تتحرك من مكانها من الصدمه نظرها للأن على المكان اللي كان أبوها طايح فيه ودموعها تنزل مثل الشلال....تحاول تصرخ...تحاول تبكي بصووت...لكن ماقي فايده صوتها أختفى ورجولها ماعاد قادره تتحرك...حست نفسها مشلوله مو قادره تسوي شي غير الدموع اللي تنزل...

شذى كانت جالسه بالصاله وباين التوتر بعيونها....
طلال توه داخل وشاف أخته راح لها:أهلين شذى...
شذى:.........
طلال وهو يحرك يده قدامها:ياناس وين رحتووا؟!!!
شذى اللي انتبهت له:هلا...هلا طلووول..
طلال وهو يجلس جنبها ويحط يده على كتفها:شفيه القمر متضايق من ايش؟!!...
شذى وهي تتنهد:كادي...
طلال يحاول يغير مزاج أخته:يوووه هذي أم عيون خضر لازم ورانا بكل مكان....
شذى تضربه على صدره:تراها صديقتي ماارضى عليها...
طلال وهو يبتسم لأخته:طيب شفيها؟!!!...
شذى بعد مانزلت راسها:ماادري اليوم كانت متضايقه وتحس بصير شي مو أوكي وهي إذا حست بشي يكون صدق....
طلال:طيب كلميها وتطمني عليها...
شذى وعيونها تدمع:البيت محد يرد عليه ومااعرف رقم جوال أختها أو حتى مرت أبوها حتى أكلمهم....
قطع كلامهم صوت جوال طلال....هلا والله...
......:طلال تعال المستشفى بسرعه حمد مسوي حادث....
طلال وهو يوفق ويمشي جهت الباب:الحين جاي...مع السلامه....شذى تراي بتأخر...وطلع..


عبير كانت تنزل الدرج وهي تغني <<<<مزاجها رايق الاخت....ورافعه شعرها كله بشباطه كبيرة..اممممم شعرها يوصل لنص ظهرها تقريباً وكله كيرلي طبيعي لونه بني غامق مثل لون عيونها...وطبعاً عادتها متكشخه وحاطه ميك أب كأنها رايحه عرس<<<<كلامها كثير وطلعت عن مسار القصه خخخخخخخخخخ....المهم وين وصلنا؟!!!...إيه تذكرت....شافت رندا واقفه على حالها ماتغير جات عندها وقلبها مو متطمن....رندا ليش واقفه كذا؟!!!....
رندا:...........لا مجيب...
عبير وهي تهز رندا شوي:وين سرحتي....
انفجرت وقتها رندا بالبكي وتتكلم :أبوووووي...تضم عبير..أبوي ياعبير أبوووي....
عبير وقف قلبها:شفيه أبوووي....تهزها بقووووه....تــكــلــمي....
رندا وهي ميته صياح:أبوي بيموت ياعبير بروووح له بروووح.....
عبير صارت تبكي وتصارخ....

هبه كانت بغرفتها تفكر بالكلام اللي سمعته من شوي....ايش قصدها أمي....وايش خطتها؟...اوووووووووف ياربي ماني قادره أفكر....مين يصارخ بذا الصوت العالي مايدرون إن المحقق كونان مشغوول...وطلعت من غرفتها وهي ناويه تضرب لين وليان لأنها تحسبهم هم اللي يصارخون......نزلت وعرفت الموضوع وسوت مناحه معاهم وراحوا المستشفى مع السايق لأنهم مو قادرين ينتظرون بالبيت لين أحد يتصل عليهم.....

وصل طلال المستشفى ونزل لقى عبد الله صديقه اللي اتصل عليه وماجد أخو حمد جالسين ينتظروا الطبيب يطلع يطمنهم على حمد....
فارس:ايش صار....
عبد الله:والله ما ادري للحين الدكتور ما طلع من عنده....
فارس وهو يجلس جنب ماجد ويحط يده على كتفه:إن شاء الله خير...
أبتسم له ماجد بكل حب لصديقه لأنه بالنسبه له هو وأخوه التوأم أكثر من أخ:إن شاء الله..
لفت أنتباه فارس صوت إزعاج لف لقى حرمه كبيره بالسن شوي ومعها شاب تقريباً يجي عمره 29 أو 30 ومعهم بنت باين إنها ماتعدت ال 17 وكان شكلهم يكسر الخاطر وبالاخص البنت شكلها متعلقه بالمريض....ما مرت خمس دقايق إلا وصلوا ثلاث بنات وباين إنهم صغار أثنين منهم ضموا البنت الأولى وصاروا يبكون مع بعض والثالثه راحت عند الحرمه ضمتها وصارت تبكي والشاب اللي معاهم يهديها شوي وشوي يروح يهدي البنتين اللي كانوا معها ومايقرب البنت اللي من أول موجوده....
عبد الله وهو يدق طلال على صدره بخفه: لا تطالع فبنات الناس...
طلال وهو يطالع بعبد الله:مو قصدي أنت تعرفني بس حرام البنت شكلها متعذبه...وهذا ماادري ليش يواسيهم كلهم وهي ماقرب منها....
عبد الله هو يطالع فيهم وبعدين رجع طالع بطلال:يمكن مايقرب لها؟!!...
طلال:ماادري والله...بس حرام طيب الحرمه اللي معهم لو تهديها شوي والله حرام...
عبد الله:شرايك طلال رووح لها هديها...
طلال:والله لو ماهو حرام كان سويتها....
ماجد اللي كان يسمعهم قرر يتكلم أخيراً:أبوها المريض واللي معها مرت أبوها وبناتها اللي يصيرون أخوات البنت من الأب....والشاب يصير أخو مرت الأب يعني مايصير للبنت شي...
عبد الله وطلال فتحوا عيونهم للأخر وتكلم طلال:وأنت ايش دراك؟....
ماجد وهو مغمض عيونه وساند راسه على الكرسي:كانوا جيرانا قبل ننقل بيتنا الجديد بس مالنا علاقه معهم لأن ماعندهم أخوان شباب وأمهم محد من الجيران سلم منها فتجنبوها كلهم...
رجع طلال نظره للبنات وهو يفكر في البنت اللي حالها ماكان يسر لا عدوا ولا صديق....

رندا وهبه أول ماوصلوا المستشفى ضموا كادي وصاروا يبكون الثلاث وعبير راحت لأمها ضمتها وهي تبكي....
رندا وصوتها رايح من الصياح توجه كلامها لأمها وخالها:ايش صار ليش طاح عليكم؟!....
ناصر وهو يضم رندا ويهديها:أمر ربك...إدعي الله يقومه بالسلامه....
هبه انفجرت عليهم بصوت عالي توجه كلامها لأمها:لايكون بس نفذتي خطتك انتي وأخوكي الطيب؟؟؟؟....
أم عبير وناصر صاروا يطالعون بعض ويطالعونها مستغربين؟؟؟..
أم عبير:عن أي خطه تتكلمي؟!!..
هبه وهي معصبه:ماادري عنكم...الخطه اللي بتشيلي فيها البلوه من قدامك...ماكملت كلامها إلا بكف على وجهها من أمها والثاني من خالها...
كادي ضمت هبه وأخذتها بعيد شوي عن أمها لأنها كانت ودها تذبحها.....أقل من خمس دقايق وطلع الدكتور لهم....

طلال واللي معاه كانوا يسمعون الهواش اللي بينهم وكاسرين خاطرهم البنات إذا أمهم وخالهم كذا يعاملونهم قدام الناس شلون بالبيت؟!!!...
طلع الدكتور من الغرفه اللي فيها حمد وطمنهم إنه بخير بس مجرد رضوض بسيطه ودخلوا كلهم عنده وطلال كل تفكيره مع البنت...

شذى كانت جالسه بالصاله ودمعتها بعينها جات لها العنود وخبرتها بالسالفه:طيب شذى يمكن مافيهم شي والحين نايمات أو محد منتبه للتلفون!!!!...
شذى وهي تمسح دمعه نزلت غصب:إن شاء الله....
العنود كانت بتغير مزاج أختها شوي:اقووول شذى شرايك نزعج دانه هي للحين ماتدري إنك طلعتي لك جوال....
شذى اللي حست بالحماس:إيه والله هذي من جد بذبحها لو شفتها ماكأنها بنت عمنا ماتتصل ولا تسأل...
العنود:يالله اتصلي حاسه بحماس فضيع...
أخذت شذى الجوال واتصلت.....تووت..توووت...توووت..<<<<جاري الاتصال((حد قال إني خبله من قبل))...لم يتم الرد...
العنود وهي متحمسه بشكل كبير:اتصلي مره ثانيه أكيد بترد...
شذى من الحماس واللقافه اللي فيها بتعرف ردت فعل بنت عمها أتصلت....تووت.. تووت..فتح الخط....
......:الوووو.....<<صووت رجولي وقف قلب شذى من الفشله...
شذى:السلام عليكم...
....:وعليكم السلام....
شذى:لو سمحت أخوي هذا مو رقم دانه؟!...<<<خبله خخخخخخخخ....
العنود كانت ميته ضحك على أختها...
....:إيه هذا رقمها....إنتي شذى صح؟!!!....
شذى ماتت حيا:إيه بس مين أنت؟...
....:أنا زياد...
شذى وهي تحس إنه يسمع صوت دقات قلبها:طيب زياد دانه عندك...
زياد:إيه خذيها....
وكملت سوالف مع بنت عمها وهي حاطه سبيكر وتسولف العنود معهم...
دانه تصير بنت عمهم... أخت زياد عمرها 19 سنه داخله قسم أدب إنجليزي...

كادي من شافت ملامح الدكتور عرفت اللي بيقوله وصارت تبكي بس هالمره صياحها كان بس دموع من غير صوت من الصدمه...
ناصر:طمنا دكتور؟...
الدكتور وهو منزل راسه:أدعو له بالرحمه....ومشى عنهم...
مرت لحظة صمت ماتعدت ثواني لين يستوعبون اللي قاله الدكتور وماقطع عليهم الصمت غير صوت رندا وهي تبكي....

مرت أيام العزا كئيبة وأم عبير كل يوم تزيد قسوتها على كادي لدرجة إنها صارت اوقات تقسى على بناتهم ليش إنهم يحبون كادي....يوم الاربعاء بعد صلاة العشا وقتها كان له أسبوع أبو عبير متوفي...وكادي كانت جالسه مع رندا وهبه بغرفتها....
هبه:أقوول شباب....
رندا تضربها على راسها بخفه:شباب بعينك...
كادي:ههههههههههههههه... خليها رنوو والله حلات الجلسه بكلمات هبوش....
هبه قامت وضمت كادي:ياعمري إنتي أحلى أخت ويلوموني ليش أحبك....
رندا وخرت هبه وجلست مكانها وضمت كادي:يالله طسي والله حاله توأمي وتضميها.....وهي تبتسم مثل الرسوم المتحركه وتنزل راسها إنها تستحي...وووي أنا أغار...
وانفجروا ضحك الثلاثه...من وفاة أبوهم محد منهم ضحك بهالشكل...فجأه بدون سابق إنذار انفتح الباب بقوووه كأنه إعصار والبنات انفتحت عيونهم على الأخر وكل وحده اختفت حتى الابتسامة من على شفايفها!!!!.....


اممممممم منو اللي دخل عليهم؟!!!....
وشو مصير كـادي؟!!...


بـسـمـه


 


رد مع اقتباس
قديم 11-10-2006, 08:33 PM   #8


الصورة الرمزية حنين الشوق
حنين الشوق غير متواجد حالياً

بيانات اضافيه [ + ]
 رقم العضوية : 116
 تاريخ التسجيل :  Mar 2006
 أخر زيارة : 03-13-2009 (02:32 AM)
 المشاركات : 528 [ + ]
 التقييم :  10
لوني المفضل : Cadetblue
افتراضي



يسلمووووووووو بسومه

ياريت تنزلي الباقي يادبه متشوقه للنهايه خخخخخ


 


رد مع اقتباس
قديم 11-11-2006, 04:40 AM   #9


الصورة الرمزية بـسـمـه
بـسـمـه غير متواجد حالياً

بيانات اضافيه [ + ]
 رقم العضوية : 367
 تاريخ التسجيل :  Aug 2006
 أخر زيارة : 07-21-2007 (01:31 PM)
 المشاركات : 234 [ + ]
 التقييم :  10
لوني المفضل : Cadetblue
افتراضي



السلام عليكم ورحمة الله وبركاته

هلاااا والله بنت العم

إن شاء الله بكملها لو شفت تفاعل معي

مشكوووره على متابعتك حنوووو

بـسـمـه


 


رد مع اقتباس
قديم 11-13-2006, 05:57 AM   #10


الصورة الرمزية بـسـمـه
بـسـمـه غير متواجد حالياً

بيانات اضافيه [ + ]
 رقم العضوية : 367
 تاريخ التسجيل :  Aug 2006
 أخر زيارة : 07-21-2007 (01:31 PM)
 المشاركات : 234 [ + ]
 التقييم :  10
لوني المفضل : Cadetblue
افتراضي



السلام عليكم ورحمة الله وبركاته

الجزء الثالث....


شذى كانت جالسه بالصاله مع العنود وأمها وأبوها يتقهون...دخل عليهم طلال وجلس معهم...
أم بندر:أقوول أمي شذى...
شذى:لبيه يأحلى أم....
العنود وطلال بنفس الوقت:اكيد ودك تطلعي اليوم....خخخخخخخخخخخخخخخخخ
شى بوزت يعني زعلت:حرام عليكم يعني مااقول لأمي كذا إلا إذا بطلع...
العنود وهي تبي تعصبها:والله يقولون أنك مصلحجيه...
شذى:تقلقلت حنوووك اللي قالوا....أمي شوفي عيالك...
طلال بكل برأه:أنا ماسويت شي...
أبو بندر:خلاص عاد كل شي إلا أخر العنقود وانت يأخ طلال تقول ماتسوي شي وانت تنغزها من تحت لتحت....
شذى قامت من مكانها وجلست بين أمها وأبوها وهي تضم أبوها:أمريني يالغاليه عيالك بس يضيعون السالفه....
أم بندر:مايأمر عليك عدوا يارب..بس كنت بسألك كيفها صديقتك اللي مات أبوها...
شذى:الحمد الله نفسيتها هي واخواتها أحسن الحين...من شوي كلمتها...
العنود:شذى ايش رايك تقولي لها تزورنا هي وأخواتها تغير من جو البيت شوي....
شذى وهي منزله راسها:ماادري ماتوقع تقدر... أول اللي كان يوافق إنها تطلع أبوها لو بشور مرت أبوها كان ماشافت الشارع أبد...
أم بندر:والله حرام ماتخاف هالانسانه من الظلم...
أبو بندر:يأم بندر الناس هالايام الله يكفينا شرهم مايفكرون يحسبون إنهم بيعيشون ويعمرون يظلمون ويسرقون ولا يفكرون إنهم بيتحاسبون بيوم...
طلال وهو مستغرب:ليش مرت أبوها مره قاسيه معها...
العنود ردت قبل شذى:والله معذبتها مخليتها كأنها خدامه عندها...اذكر مره جات عندنا كادي مع أختها رندا وكان وجهها كله أحمر من الضرب....
طلال:معقوله في ناس كذا....طيب وين أخوانها أو عمامها أو حتى خوالها مايشوفون بنت أختهم...
شذى:هي ماعندها أخوان...وعمامها ماتعرف عنهم شي ويمكن حتى مايكون عندها أبوها ماعمره تكلم عن أخوانه وأمها ماتت وعمرها سنه نص ومحد كان يتكلم عن خوالها وإذا هي سألت يقولون لها ماعندك.....خلاص غيروا الموضوع مايصير نسولف بالبنت<<<<بعد ماقالت كل شي عنها ....لووووووووول....

بغرفة عبير كانت تكلم بالتلفون...
عبير:منال والله مااقدر...أخاف أهلي يمسكوني...
منال وهي معصبه:انتي خبله أهلك أيش يعرفهم إنتي بتكلمي وهم نايمين...وبعدين أنتي اللي قلتي أمك مو سائله فيك وخالك حتى مايقول لوحده منكم كيفك بتخافي من مين؟...
عبير:منال بس والله أخاف أول مره أكلم واحد غريب مااقدر....
منال بهدوء:ياحبيبتي حتى اللي بعطيه رقمك أول تجربه له يعني لاتخافي مابيكون جريئ...ايش رايك الحين أعطيه الرقم ولا لاء؟!!...
عبير بتردد:أعطيه بس لا يتصل الحين يتصل الساعه 2 بالليل...
منال:بل بل بل بتسهري الرجال...
عبير وكأن الموضوع جا من الله:خلاص أجل لاتعطيه رقمي...
منال:لاحبي بعطيه الرقم وبيسهر كم عبير عندنا....يلااااا بااااااااااي بعطيه الرقم....وقفلت...
((طحتي ياعبير ومحد سما عليك.. للأسف مافكرتي بالموضوع من كل جهاته ونسيتي إنه حرام))


كادي بعد ما استوعبت اللي قدامها حطت راسها ورا ظهر رندا اللي كانت تدخن من الغضب لأن اللي دخل عليهم أم عبير وناصر أخوها...
هبه وهي حاطه يدينها على خصرها:خير ان شاء الله أطلع برا ايش تسوي بغرفة البنت عيييب والله عيييييييييب....
ناصر اللي ماتحركة فيه شعرا من كلام هبه كان يطالع كادي اللي جالسه ورا رندا وهي مو عارفه ايش تسوي خصوصاً إنها مولابسه شي ساتر كانت لابسه بيجامة نوم بدون أكمام...
أم عبير بصرامة:هبه ورندا أطلعوا من الغرفه...
كادي اللي كانت عيونها تدور بالغرفه ووجها محمر من الفشله كان ودها الارض تنشق وتبلعها ولا تجلس قدام ناصر كذا....يوم سمعت كلام أم عبير تمسكت ببجامة رندا بيدينها الاثنين...
رندا وهي معصبه:خييير إن شاء الله ليش؟....
ناصر اللي مشى لين ماوصل قدام رندا وكادي:ليش؟...اممممممممم....ابتسم بخبث وكمل وهو يطالع كادي....لأنها زوجتي وباخذها معي....
رندا من الصدمه جلست على السرير وماقدرت تتكلم....وهبه حطت يدها على فمها وصارت تطالع كادي....
كادي ماعرفت كيف جات لها القوه إنها توقف قدام ناصر وتقول له وهي كلها ثقه:أنت كذاب...
ناصر ابتسم وطلع لها العقد ومده لها:والعقد بعد كذاب....
كادي مسكت العقد بين يديها وشافت إن تاريخ زواجها كان نفس يوم وفاة أبوها دمعة عينها وصرخت بوجهه:كذاااااااااااااب....وهي تبكي كملت...أبوي مايسوي فيني كذا مستحييييييل.... وجلست على الأرض تبكي....
ناصر اللي ماتحمل إهانتها على قولته مسكها من شعرها وعطاها كف عمرها ماحلمت فيه وقال لها وهو معصب:البسي عباتك وقدامي يالله.....
رندا وهبه اللي ماقدروا يشوفون أختهم تنضرب قدامهم ويسكتون صاروا يضربون خالهم على كتف وصدره واللي تقول له مااحبك واللي تقول أكرهك أترك أختي....أخر شي عصبت رندا وقالت له:ماتطلع أختي من بيت أبوها وانت أطلع برا مانبيك أنت مو خالنا...
ناصر كانت ردت فعله كف على وجهها خلاها تحس إن طبلة أذنها انفجرت من قوته...وسحب كادي اللي كانت تبكي ورما عليها العبايه ونزلها معاه من الدرج وهي تبكي وتتوسله إنه يتركها ماياخذها...

عبير اللي كانت بغرفتها تعد الدقايق للساعه 2 سمعت الأزعاج وطلعت تشوف ايش الموضوع وشافت خالها يسحب كادي اللي ميته من الصياح معه...
عبير وهي مستغربه:ايش في؟!...
هبه مسكت يدينها وهي تترجاها:الله يخليك عبير قولي له ماياخذ كادي والله حرام...وتأشر على خالها اللي نزل مع كادي من الدرج....وجلست تبكي..
عبير بفرح:وين بياخذها دار الايتام...هذا مكانها أصلاً...
هبه انصدمة من رد عبير وعرفت إنه مافي أمل منها راحت تجري ورا خالها اللي مالحقت غير غبار سيارته....
رندا وهي جالسه على أرض حوش بيتهم وتبكي:أخذوا توأمي ياهبه أخذوها...
هبه ضمتها وصارت تبكي:لو هي توأمك بالنسبه لي أنا الأخت والصديقه والأم...
أم عبير من وراهم:أنا بعرف لو مت بتبكون علي مثل ماتبكون الحين على هذي؟!....
رندا اللي كانت معصبه وماتدري ايش تقول:أول شي هذي أسمها كادي...أختي كادي اللي أموت عليها...وثاني شي...وسكتت شوي تطالع أمها وكملت....أتوقع بفرح لو متي...وراحت تجري لغرفتها وهي ميته صياح....
أم عبير اللي صدمها رد رندا...الحين بنتي تتمنى موتي أنا أمها...وهذي كادي تحبها...ليش أنا أمها..مافاقت من صدمتها إلا يوم سمعت صدمتها الثانيه...
هبه وهي واقفه قدام أمها تمسح دموعها:الله لايسامحك يمه...أخذتي أختنا منا وبعدتيها عنا... والله ومن كل قلبي أتمنى إنك تموتي...وصرخت..لأنك ظالمه...وراحت تجري لغرفتها هي بعد وتركت أمها واقفه تستوعب صدماتها اللي كانت ورا بعض...

بالسيارة كان يسود الصمت ومايقطعه غير الشهقات اللي تطلع من كادي....أول ماوصلوا البيت مانزلت كادي نزل ناصر وفتح الباب اللي جالسه جنبه:خير يامدام بتجلسي لمتى بالسيارة...
كادي وهي ميته صياح:الله يخليك رجعني بيت أبوي...
ناصر بحكم طبيعته مكان عنده ابداً أسلوب سحب كادي من شعرها ودخلها البيت وصل لغرفة النوم ورماها على السرير:ماابي أسمعي كلمة رجعني بيت أبوي...أنتي مالك غير هالبيت.. ويطالع فيها بأحتقار ذبحها....وأحمدي ربك في حد شالك وإلا كان تشردتي بالشوارع... وطلع من عندها وطبع الباب وراه بأقوى ماعطاه ربي....
كادي مع صوت الباب تأكدت إنها مو بحلم وإن كل اللي صار حقيقي دفنت راسها بالمخدات وهي تبكي وتقول لنفسها...بداية الغيث قطرة يا كادي والله يعينك...محكوم عليك بالسجن الأبدي مع سجان ظالم..سجان من صغرك تخافي منه وإذا زار أخته ماتطلعي من غرفتك من الخوف... ورجعت كملت صياح ونامت وهي مو حاسه بعمرها ودمعتها كانت على خدها...

ناصر بعد ماطلع من الغرفة جلس بالصاله وفتح التلفزيون وكان كل باله مع كادي...ياربي ايش هالبلوه البنت حلووه...هههه واللي إني مغفل ايش حلوه...الحلا والجمال اللي بالعالم كله مايجي ربع جمالها...اووووف لو هالأخت مو ماسكه علي شي كان بدية حياة عاديه وحبيت كادي وخليتها تحبني مثل أي اثنين متزوجين....قطع عليه أفكاره صوت الجوال وكانت أم عبير تبكي...
ناصر:طيب ايش المطلوب مني...
أم عبير:تعذب كادي...ماابغيها تشوف يوم فرح بحياتها....
ناصر:بس حرام والله اليوم رحمتها وهي....
قاطعته أم عبير بعصبيه:أنا حنيت فوق راسك تتزوجها حتى تقول لي حرام.... تزوجتها وبتعذبها مثل ماابغي...واذا بتكسر كلامي ياناصر المستندات بتكون فمركز الشرطه....بس إذا فكرت مجرد تفكير ماتعذب كادي.......وقفلت الخط بوجهه...

اليوم الثاني رندا ماطلعت من غرفتها وهبه نفس الحاله وكل وحده تفكر بطريقه متخلفه عن الثانيه ويشتركون بإنهم الاثنين محور تفكيرهم كادي....

شذى كانت تفطر ونزل طلال وجلس معها....
شذى وهي تصب عصير لطلال:طلووول فاضي انت اليوم؟!!...
طلال:ليش!!...
شذى:ودي اطلع مليت من البيت؟...
طلال وهو يفكر:سوري حبيبتي اليوم مقدر بيوصل فارس اليوم ولازم استقبله...وكمل وهو يبتسم...بس ماعندي مشكله اطلعك الحين فارس بيوصل بعد صلاة العشاء...
نقزت شذى من مكانها لحظن أخوها وجلست تبوسه<<<<خبله خخخخخخخخ....

كادي ااااه يا كادي.....أول شي قامت من نومها بعد ماصب ناصر فوق راسها كاس مويه... وكل مادخل أو طلع عطاها كف على وجهها وسمعها كلام يجرررررح.....بإختصار هذي كانت حياة كادي...وكل يوم تنام ودمعتها على خدها....

فبيت أبو عبير جالسين على العشاء أم عبير و عبير ولين وليان((من بعد مااخذ ناصر كادي.. هبه ورندا ياكلون بروحهم))...
أم عبير:لين وليان كم مره قلت لكم وقت الأكل ماتتكلمون...
ليان:ماما......
صرخة فيها أم عبير:نـــعـــم....
خافت ليان وسكتت....
أم عبير:ايش فيك تكلمي...
لين:ماما بنسألك فين كادي؟!!...
شرقت أم عبير بالأكل:وجع إن شاء الله هذي ليش تجيبوا سيرتها على الأكل....ما عاد عندكم أخت أسمها كادي خلاص إنسوها واللي تسأل عنها بقص لسانها فاهمين...وقامت من قدام الأكل..
عبير طول الوقت سرحانه تفكر الحبيبه بالأخ اللي صارت تكلمه كل يوم أكثر من مره....

الساعه 2 الفجر بغرفة المكتب فبيت أبو عبير......كانت هبه تفتش بأوراق أبوها وطاحت بيدها أوراق خلتها تفتح فمها من الصدمه...شالت الأوراق وسط ملابسها خافت حد يشوفها وهي طالعه وقفلت أنوار المكتب وراحت جري لغرفة رندا....

طلال وفارس بالسيارة...
فارس:طلال حرام عليك بإسبوع شفت الرياض كلها...
طلال:أحسن تكون عندك خبره بكل شوارع الرياض...
فارس:أحلف أنت الحين رحنا كل الأماكن بحس بملل بعد فتره بسيطه.....
طلال:لا تخاف مابتمل وأنت معك طلال ال.......
فارس:لا والله واثق أنت ووجهك...
طلال وهو يبتسم:شفيه وجهي ياحلووه البنات يراكضون وراي فالمجمعات...
فارس وطلال:هههههههههههههههههههههههههههههههه......

بغرفة رندا كانت ماسكه الأوراق ومو مصدقه اللي فيها....
رندا بغباء:إنتي متأكده هذي الأوراق تخص أبووي الله يرحمه...
هبه وهي معصبه من غباء أختها:اووووووووووووووف رندا....فتحي عقلك معي شوي وبطلي غباء...شوووفي الأسم صالح حمد ال.....يعني بتكون الأوراق لجدي...
رندا:مو غباء يالخبله بس مو مصدقه معقول بعد 17 سنه أعرف واااااي وناسه....
هبه:أتصلي على الرقم بسرعه...
رندا وهي متردده:الوقت متأخر هبه عيب....
هبه:هاتي انا بتصل....
رندا:لا حبي انا اتصل خلاص.....


امممممممممممم
تتوقعون شو الأوراق اللي لقتها هبه؟؟؟
وكادي شكثر بتتحمل؟!!


بـسـمـه


 


رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

Facebook Comments by: ABDU_GO - شركة الإبداع الرقمية

Bookmark and Share


الساعة الآن 07:14 PM

converter url html by fahad

 



Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
HêĽм √ 3.2 OPS BY: ! ωαнαм ! © 2010
منتديات دمعة وله - منتدى دمعة وله - دمعة وله - دردشه صوتيه - شات دمعة وله - شات صوتي - سعودي كام - شات بنت ابوي - شات دقات قلبي